ଭୟଙ୍କର ବିମାନ ଦୁର୍ଘଟଣା ୨ ଗୁରୁତର ଆହତ, ଗାଁ ନିକଟରେ ଖସିପଡ଼ିଲା ପ୍ରାଇଭେଟ ଜେଟ୍

ନୂଆଦିଲ୍ଲୀ: ଦୁର୍ଘଟଣାଗ୍ରସ୍ତ ହେଲା ଟ୍ରେନିଂ ବିମାନ। ଏଥିରେ ପାଇଲଟ ଏବଂ ତାଲିମ ନେଉଥିବା ପାଇଲଟ ଗୁରୁତର ହୋଇଛନ୍ତି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ରବିବାର କର୍ଣ୍ଣାଟକର ବିଜୟପୁରା ଜିଲ୍ଲାରେ ଘଟିଥିବା ଏହି ଦୁର୍ଘଟଣାର କାରଣ ସ୍ପଷ୍ଟ ହୋଇନଥିବା ବେଳେ, ବିମାନ କମ୍ପାନି ପକ୍ଷରୁ ମଧ୍ୟ କୌଣସି ସୂଚନା ଦିଆଯାଇଛି।

ସୂଚନା ଅନୁସାରେ, କର୍ଣ୍ଣାଟକର ବିଜୟପୁରା ଜିଲ୍ଲାରେ ରେଡ୍ ବାର୍ଡ କମ୍ପାନିର ଏକ ପ୍ରାଇଭେଟ୍ ଜେଟ୍ ଦୁର୍ଘଟଣାଗ୍ରସ୍ତ ହୋଇଛି। ମାଙ୍ଗାଲୋର ଗାଁ ନିକଟରେ ଏହି ଦୁର୍ଘଟଣା ଘଟିଛି। ଏଥିରେ ପାଇଲଟ୍ ଏବଂ ତାଲିମପ୍ରାପ୍ତ ପାଇଲଟ୍ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ଡାକ୍ତରଖାନାକୁ ନିଆଯାଇଛି। ସ୍ଥାନୀୟ ପୋଲିସର କହିବା ଅନୁସାରେ, ତଦନ୍ତ ଚାଲିଛି ଏବଂ ତଦନ୍ତ ସମାପ୍ତ ହେବା ପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ, କାଲାବୁରାଗି ନିକଟରେ ବିମାନଟି ନିୟନ୍ତ୍ରଣ ହରାଇଥିଲା। ପାଇଲଟ୍ ବିମାନକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ, କିନ୍ତୁ ଏହା ମାଙ୍ଗାଲୋର ନିକଟସ୍ଥ ଏକ କ୍ଷେତରେ ଦୁର୍ଘଟଣାଗ୍ରସ୍ତ ହୋଇଥିଲା। ତେବେ ଏପର୍ଯ୍ୟନ୍ତ ତଦନ୍ତରୁ ଜଣାପଡିଛି ଯେ, ଇନ୍ଧନ ଅଭାବ ଯୋଗୁ ଏହି ଦୁର୍ଘଟଣା ଘଟିଛି।ତଥାପି, ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ବିବୃତ୍ତି ଦିଆଯାଇନାହିଁ। ସ୍ଥାନୀୟ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ରେଡ୍ ବାର୍ଡ ଆଭିଏସନ୍ ମଧ୍ୟ କୌଣସି ବିବୃତ୍ତି ଜାରି କରିନାହିଁ।

ସୂଚନାଥାଉକି, ରେଡବାର୍ଡ ଆଭିଏସନ୍ ହେଉଛି ଭାରତରେ ଅବସ୍ଥିତ ଏକ ଅଗ୍ରଣୀ ଉଡ଼ାଣ ତାଲିମ ଏକାଡେମୀ। ଏହା ସେସ୍ନା ୧୭୨ ଟାଙ୍ଗୋ ଚାର୍ଲି ପ୍ରାଇଭେଟ୍ ଜେଟ୍ରେ ଉଡ଼ାଣ ତାଲିମ ପ୍ରଦାନ କରେ। ତାଲିମ ପାଇଁ ବିଶ୍ୱସ୍ତରୀୟ ବିମାନ ବ୍ୟବହାର କରେ। ଏକାଡେମୀ ବାରାମତି, ବେଲାଗାଭି ଏବଂ ସେଓନିରେ ଥିବା ଏହାର ଘାଟିରୁ ପାଇଲଟ୍ ତାଲିମ ପ୍ରଦାନ କରୁଛି।