ନୂଆଦିଲ୍ଲୀ: ଗ୍ରାମାଞ୍ଚଳରେ ମହିଳା ନେତୃତ୍ୱାଧୀନ ଉଦ୍ୟୋଗକୁ ପ୍ରୋତ୍ସାହିତ କରିବାକୁ ୨୦୨୬-୨୭ ବଜେଟ୍ ବଡ଼ ଘୋଷଣା କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ମହିଳା ନେତୃତ୍ୱାଧୀନ ଉଦ୍ୟୋଗଗୁଡ଼ିକ ପାଇଁ 'SHE-Marts' (ସି ମାର୍ଟ) ସ୍ଥାପନ କରିବାକୁ ଅର୍ଥମନ୍ତ୍ରୀ ପ୍ରସ୍ତାବ ଦେଇଛନ୍ତି।

ରବିବାର, ୧ ଫେବୃଆରୀରେ ସୀତାରମଣ ₹୫୩.୪୭,୩୧୫ ଲକ୍ଷ କୋଟି ଟଙ୍କାର କେନ୍ଦ୍ରୀୟ ବଜେଟ୍ ଉପସ୍ଥାପନ କରିଥିଲେ। ଏହା ତାଙ୍କର ନବମ ବଜେଟ୍ ଥିଲା। 'SHE-Mart'ରେ 'SHE' ଶବ୍ଦଟି ସ୍ୱୟଂ-ସହାୟକ ଉଦ୍ୟୋଗୀଙ୍କୁ ବୁଝାଏ। ଏହି ପ୍ରୟାସର ଲକ୍ଷ୍ୟ ହେଉଛି ମହିଳା ଉଦ୍ୟୋଗୀମାନଙ୍କୁ ଉତ୍ତମ ବଜାର ପ୍ରବେଶ, ବ୍ରାଣ୍ଡିଂ ସୁଯୋଗ ଏବଂ ସ୍ଥାୟୀ ଆୟର ସୁଯୋଗ ପ୍ରଦାନ କରିବା, ଏବଂ ସ୍ୱୟଂ-ସହାୟକ ଗୋଷ୍ଠୀ ଭଳି ତୃଣମୂଳ ସ୍ତରର ଅନୁଷ୍ଠାନଗୁଡ଼ିକୁ ସୁଦୃଢ଼ କରିବା।

ନିର୍ମଳାଙ୍କ ୮୦ ମିନିଟର ଭାଷଣରେ, ସୀତାରମଣ କହିଥିଲେ, " ଉନ୍ନତ ଏବଂ ଅଭିନବ ଆର୍ଥିକ ଉପକରଣ ସାହାଯ୍ୟରେ ସ୍ୱୟଂ-ସହାୟକ ଉଦ୍ୟୋଗୀ 'SHE-Mart' କୁ କ୍ଲଷ୍ଟର-ସ୍ତରୀୟ ଫେଡେରେସନ ମଧ୍ୟରେ ଏକ କମ୍ୟୁନିଟି ମାଲିକାନାରେ ଥିବା ଖୁଚୁରା ଦୋକାନ ଭାବରେ ସ୍ଥାପନ କରାଯିବ।"

ତେବେ ଲକ୍ଷପତି ଦିଦି କାର୍ଯ୍ୟକ୍ରମର ସଫଳତା ପରେ ଏହି ସି-ମାର୍ଟ ପ୍ରକଳ୍ପ ନିର୍ମାଣ କରାଯାଉଛି ବୋଲି ମନ୍ତ୍ରୀ କହିଛନ୍ତି। ନିର୍ମଳା କହିଛନ୍ତି “ ଲକ୍ଷପତି ଦିଦିର ସଫଳତା ଉପରେ ତିଆରି ହେବାକୁ ଥିବା ଏହି ପ୍ରକଳ୍ପ ପାଇଁ ମୁଁ ମହିଳାମାନଙ୍କୁ କ୍ରେଡିଟ୍-ଲିଙ୍କ୍ଡ ଜୀବିକାରୁ ଉଦ୍ୟୋଗର ମାଲିକ ହେବା ପର୍ଯ୍ୟନ୍ତ ପରବର୍ତ୍ତୀ ପଦକ୍ଷେପ ନେବାରେ ସାହାଯ୍ୟ କରିବାକୁ ପ୍ରସ୍ତାବ ଦେଉଛି।”

ଏହା ବ୍ୟତୀତ, ଉଚ୍ଚଶିକ୍ଷା ଇକୋସିଷ୍ଟମକୁ ସୁଦୃଢ଼ କରିବା ଓ ମହିଳା ନେତୃତ୍ୱାଧୀନ ଉଦ୍ୟୋଗକୁ ପ୍ରୋତ୍ସାହିତ କରିବା ପାଇଁ, ସୀତାରମଣ ରବିବାର ଦେଶର ପ୍ରତ୍ୟେକ ଜିଲ୍ଲାରେ ଏକ ବାଳିକା ଛାତ୍ରାବାସ ନିର୍ମାଣ ସମେତ ଅନେକ ପ୍ରସ୍ତାବ ଘୋଷଣା କରିଛନ୍ତି।

ମନ୍ତ୍ରୀ କହିଛନ୍ତି "ଉଚ୍ଚ ଶିକ୍ଷା କ୍ଷେତ୍ରରେ ନିବେଶରେ ନୂଆ ପ୍ରତିଷ୍ଠାନ, ବିଶ୍ୱବିଦ୍ୟାଳୟ ଟାଉନସିପ୍, ବାଳିକା ଛାତ୍ରାବାସ ଏବଂ ଟେଲିସ୍କୋପ୍ ଇନ୍ଫ୍ରାଷ୍ଟ୍ରକ୍ଚର ସୁବିଧା ସ୍ଥାପନ କରିବା ଦିଗରେ ମୁଁ ଅନେକ ପଦକ୍ଷେପ ନେବାକୁ ପ୍ରସ୍ତାବ ଦେଉଛି। ଦେଶର ପ୍ରତ୍ୟେକ ଜିଲ୍ଲାରେ ଏକ ବାଳିକା ଛାତ୍ରାବାସ ନିର୍ମାଣ କରାଯିବ।”

ସେହିପରି ମହିଳା ଶସକ୍ତିକରଣକୁ ଆଉଟିକେ ମଜଭୁତ କରିବାକୁ ମିଶନ ଶକ୍ତି (ମହିଳାଙ୍କ ସୁରକ୍ଷା ଏବଂ ସଶକ୍ତିକରଣ ମିଶନ) ପାଇଁ ₹୩୬୦୫ କୋଟି ମଧ୍ୟ ବ୍ୟୟବରାଦ କରିଛନ୍ତି।