ଖସୁଛି ବିଟ୍‌କଏନ, କ୍ଷତିରେ ଦୁନିଆର ସବୁଠୁ ବଡ଼ କ୍ରିପ୍ଟୋ !

ନୂଆଦିଲ୍ଲୀ: ଦୁନିଆର ସବୁଠୁ ବଡ଼ କ୍ରିପ୍ଟୋକରେନ୍ସୀ ବିଟ୍‌କଏନ, ତିନି ବର୍ଷର ସବୁଠୁ ବଡ଼ ମାସିକ ହ୍ରାସର ସାମ୍ନା କରୁଛି। ନଭେମ୍ବରରେ ଏପର୍ଯ୍ୟନ୍ତ ଏହି ଡିଜିଟାଲ ଟୋକନରେ ୨୧ ପ୍ରତିଶତରୁ ଅଧିକର ହ୍ରାସ ହୋଇସାରିଲାଣି। ଏହା ପୂର୍ବରୁ ୨୦୨୨ ଜୁନ୍ରେ ବିଟ୍କଏନରେ ୨୦ ପ୍ରତିଶତରୁ ଅଧିକ ହ୍ରାସ ଦେଖିବାକୁ ମିଳିଥିଲା। ଏହାର ଅର୍ଥ ବିଟକଏନ ଉପରେ ନିବେଶକଙ୍କୁ ୨୨, ୭୦୦ ଡଲାର ବା ୨୦ ଲକ୍ଷ ଟଙ୍କାରୁ ଅଧିକ କ୍ଷତି ହୋଇଥିବାର ଦେଖିବାକୁ ମିଳିଛି।

ଏହି ହ୍ରାସ ମୁଖ୍ୟତଃ ଲଗାତାର ନଗଦ ବଢ଼ାଇବା ଏବଂ ଅନ୍ୟତ୍ର ନିବେଶ ଯୋଗୁ ଏହା କାରଣ ପାଲଟିଛି। ଅନେକ ପ୍ରମୁଖ ଅଲ୍ଟକଏନ ମଧ୍ୟ ହ୍ରାସ ପାଇଛି। ଯାହାକୁ କ୍ରିପ୍ଟୋ ମାର୍କେଟରେ ଆପାତତଃ ମାନ୍ଦ୍ରା ଆହୁରି ଅଧିକ ଗଭୀର ହୋଇଛି। Pi42ର ସହ ପ୍ରତିଷ୍ଠାତା ଏବଂ ସିଇଓ ଅବିନାଶ ଶେଖର କହିଛନ୍ତି, କ୍ରିପ୍ଟୋ ବଜାରରେ ଏକ ବଡ଼ ସଙ୍କଟ ଏବଂ ନିର୍ଦ୍ଦିଷ୍ଟ ସୁଧାର ସଙ୍କେତ ମଧ୍ୟରେ ସନ୍ତୁଳନ କରିବାକୁ ଚେଷ୍ଟା କରୁଛି।

CoinGeckoର ତଥ୍ୟ ଅନୁଯାୟୀ, ଅକ୍ଟୋବର ଆରମ୍ଭରୁ ବିଟକଏନ୍ ଦ୍ରୁତ ଗତିରେ ହ୍ରାସ ପାଇଛି। ଏହା ୧୨୬,୦୦୦ ଡଲାରର ସର୍ବୋଚ୍ଚ ସ୍ତରରୁ ୮୨ ହଜାର ଡଲାରକୁ ଖସିଆସିଛି। ବିଶ୍ଳେଷକଙ୍କ ଅନୁସାରେ, ଦୀର୍ଘକାଳୀନ ନିବେଶକମାନେ କ୍ଷତିରୁ ବର୍ତ୍ତିବା ପାଇଁ ଏହି ମାସରେ ପ୍ରାୟ ୮ ଲକ୍ଷ ବିଟ୍କଏନ୍ ବିକ୍ରି କରିଛନ୍ତି। ଯାହା ୨୦୨୪ ଜାନୁଆରୀ ପରଠାରୁ ସବୁଠାରୁ ବଡ଼।

ଆହୁରି ମଧ୍ୟ ଟେକ୍ନୋଲୋଜି ଷ୍ଟକ୍ ଏବଂ ଅନ୍ୟ ସମ୍ପତ୍ତିରେ ହ୍ରାସକୁ ପ୍ରତିଫଳିତ କରୁଛି। ସେହିଭଳି ବ୍ୟାପକ ଅର୍ଥନୈତିକ ଚିନ୍ତା, ଟ୍ରମ୍ପଙ୍କ ଅପ୍ରତ୍ୟାଶିତ ବାଣିଜ୍ୟ ଯୁଦ୍ଧ ଏବଂ AI କମ୍ପାନୀଗୁଡ଼ିକର ମୂଲ୍ୟ ବୃଦ୍ଧି ଏହା ଉପରେ ପ୍ରଭାବ ପକାଇଛି।