ଇହୂଦୀ ସେଲିବ୍ରେସନ ବେଳେ ଆଖିବୁଜା ଗୁଳିମାଡ଼, ୧୦ ଜଣଙ୍କର ମୃତ୍ୟୁ, ୩ ସହରରେ ହାଇଆଲର୍ଟ

ନୂଆଦିଲ୍ଲୀ: ଇହୁଦୀ ପର୍ବ ପାଳନ ବେଳେ ସିଡନୀର ବଣ୍ଡି ବିଚ୍ରେ ଆତଙ୍କ। ଅନ୍ଧାଧୁନ ଗୁଳିମାଡ଼। ଯିଏ ପାଇଲା, ଜୀବନ ବିକଳରେ ଦୌଡିଲେ। ଏହି ଘଟଣାରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଛି। ନ୍ୟୁ ସାଉଥ୍ ୱେଲ୍ସ ପୋଲିସ ଘଟଣାସ୍ଥଳରେ ପହଞ୍ଚି ସାରା ଅଞ୍ଚଳକୁ ସିଲ୍ କରିଦେଇଛି। ଲୋକଙ୍କୁ ଦୂରରେ ରହିବା ଏବଂ ବଣ୍ଡି ବିଚ୍ ନଆସିବାକୁ ଅନୁରୋଧ କରିଛି।

ନ୍ୟୁ ସାଉଥ୍ ୱେଲ୍ସ ପୋଲିସ ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରିଥିଲା ଯେ ବଣ୍ଡି ବିଚ୍ ପୋଲିସ ମୁତୟନ କରାଯାଇଛି ଏବଂ ପରିସ୍ଥିତି ଉପରେ ନଜର ରଖାଯାଇଛି। ପୋଲିସ ଘଟଣାସ୍ଥଳରେ ଉପସ୍ଥିତ ଲୋକଙ୍କୁ ତୁରନ୍ତ ଖାଲି କରିବାକୁ ଏବଂ ସରକାରୀ ନିର୍ଦ୍ଦେଶ ପାଳନ କରିବାକୁ ସ୍ପଷ୍ଟ ଭାବରେ ପରାମର୍ଶ ଦେଇଥିଲା।

ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, କିଛି ମୁହୂର୍ତ୍ତ ମଧ୍ୟରେ ଅନେକ ଗୁଳିର ଶବ୍ଦ ଶୁଣାଯାଇଥିଲା। ତଥାପି, ଏହି ଘଟଣାରେ କେହି ଆହତ ହୋଇଛନ୍ତି କି ନାହିଁ ତାହା ପ୍ରାରମ୍ଭିକ ଭାବରେ ସ୍ପଷ୍ଟ ହୋଇନଥିଲା। ଅନେକ ପ୍ରତ୍ୟକ୍ଷଦର୍ଶୀଙ୍କ କହିଛି ଯେ ଗୁଳିର ଶବ୍ଦ ବହୁ ଜୋରରେ ଶୁଣାଯାଇଥିଲା।

ସୋସିଆଲ ମିଡିଆରେ ପ୍ରସାରିତ ଭିଡିଓଗୁଡ଼ିକରେ ଲୋକମାନେ ବଣ୍ଡି ବିଚ୍ ଉପରେ ଦୌଡ଼ୁଥିବା ଦେଖାଯାଉଛି। ଗୁଳି ଏବଂ ପୋଲିସ ସାଇରନ୍ ଶୁଣାଯାଉଛି। କଳା ପୋଷାକ ପିନ୍ଧିଥିବା ଦୁଇଜଣ ବ୍ୟକ୍ତି ଏକ ବ୍ରିଜ୍ ନିକଟରେ ଗୁଳି ଚଳାଇବାର ଭିଡିଓ ଦେଖିଛନ୍ତି। ଅଷ୍ଟ୍ରେଲିଆ ପ୍ରଧାନମନ୍ତ୍ରୀ କାର୍ଯ୍ୟାଳୟ କହିଛି ଯେ ସଂଘୀୟ ସରକାର ପରିସ୍ଥିତି ବିଷୟରେ ଅବଗତ। ଲୋକମାନେ ନ୍ୟୁ ସାଉଥ୍ ୱେଲ୍ସ ପୋଲିସ ଦ୍ୱାରା ଜାରି ନିର୍ଦ୍ଦେଶାବଳୀ ପାଳନ କରିବା ଉଚିତ।