LIVE TV
News7 Logo

ମନ୍ଧାନାଙ୍କ ୱିକେଟ୍ ଉପରେ ବିବାଦ, ମୈଦାନରେ ଛିଡ଼ା ହୋଇଥିବା ଅମ୍ପାୟର ବି ଆଶ୍ଚର୍ଯ୍ୟ

Published By: Prameya-News Bureau - Prameya-News Bureau | October 30, 2025 10:06 PM
NEWS7
doctor-beaten-at-isolation-center

ନୂଆଦିଲ୍ଲୀ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆଇସିସି ମହିଳା ବିଶ୍ୱକପର ସେମିଫାଇନାଲ୍ ମୁକାବିଲା ମୁମ୍ୱାଇରେ ଖେଳାଯାଇଛି । ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ଭାରତ ସାମନାରେ ୩୩୯ ରନ୍ ଲକ୍ଷ୍ୟ ରଖିଥିଲା । କିନ୍ତୁ ଏହାର ଜବାବରେ ଭାରତର ବ୍ୟାଟିଂ ବେଳେ ମନ୍ଧାନାଙ୍କ ୱିକେଟକୁ ନେଇ ବେଶ ବିବାଦ ଦେଖିବାକୁ ମିଳିଥିଲା ।

ସ୍ମୃତି ମନ୍ଧାନା ଭଲ ଲୟରେ ବ୍ୟାଟିଂ କରୁଥିଲେ । ସେ ୨୪ ରନ୍ କରି ସାରିଥିଲେ । କିନ୍ତୁ ପାୱାରପ୍ଲେର ଶେଷ ଓଭରରେ ଅର୍ଥାତ୍ ୧୦ତମ ଓଭରରେ କିମ୍ ଗାର୍ଥଙ୍କ ବଲ୍ ଏକପ୍ରକାର ୱାଇଡ୍ ଥିଲା । କିନ୍ତୁ ୱିକେଟ୍ ପଛରେ ଛିଡା ହୋଇଥିବା କ୍ୟାପ୍ଟେନ ହିଲି କ୍ୟାଚ୍ ଆଉଟ୍ ଅପିଲ୍ କରିଥିଲେ । ମୈଦାନରେ ଛିଡ଼ା ହୋଇଥିବା ଅମ୍ପାୟର ନଟଆଉଟ୍ ଦେଇଥିଲେ । ଏହାପରେ ହିଲି ରିଭ୍ୟୁ ନେବାକୁ ନିଷ୍ପତ୍ତି ନେଇଥିଲେ ।

ମନ୍ଧାନା ସମ୍ପୂର୍ଣ୍ଣ ଆଶ୍ୱସ୍ତ ନଜର ଆସୁଥିଲେ । ତାଙ୍କ ବଡି ଲାଙ୍ଗୁଏଜ୍ ସ୍ପଷ୍ଟ ଭାବରେ ସୂଚାଇ ଦେଉଥିଲା ଯେ ବଲ୍ ତାଙ୍କ ବ୍ୟାଟରେ ବାଜି ନାହିଁ । କିନ୍ତୁ, ଯେତେବେଳେ ତୃତୀୟ ଅମ୍ପାୟର ଅଲ୍ଟ୍ରା ଏଜ୍ ଦେଖିଲେ, ସେତେବେଳେ ମନ୍ଧାନାଙ୍କ ବ୍ୟାଟ୍ ଏବଂ ବଲ୍ ମଧ୍ୟରେ ସମ୍ପର୍କ ଦେଖାଗଲା । ଆଉଟ୍ ଦିଆଯିବା ପରେ ମଧ୍ୟ, ମନ୍ଧାନା କହିଥିଲେ, "ଛିକି ବି ବାଜି ନାହିଁ ମୁଁ ସତ କହୁଛି ।"

ଥାର୍ଡ ଅମ୍ପାୟରଙ୍କ ନିଷ୍ପତ୍ତି ପଡ଼ିଆରେ ଥିବା ଅମ୍ପାୟର ଲରେନ୍ ଏଜେନବାଗଙ୍କୁ ମଧ୍ୟ ଆଶ୍ଚର୍ଯ୍ୟ କରିଥିଲା । ସେ ବ୍ୟାଟ୍ ଏବଂ ବଲ୍ ମଧ୍ୟରେ କୌଣସି ସମ୍ପର୍କ ନ ଥିବା ସୂଚାଇବାକୁ ଇଙ୍ଗିତ ମଧ୍ୟ କରିଥିଲେ । ବ୍ୟାଟ୍ ଏବଂ ବଲ୍ ମଧ୍ୟରେ କୌଣସି ସମ୍ପର୍କ ଦେଖାଯାଉ ନଥିବାରୁ କମେଣ୍ଟ୍ରି ବକ୍ସରେ ଥିବା ଲୋକମାନେ ମଧ୍ୟ ନିଷ୍ପତ୍ତିରେ ଆଶ୍ଚର୍ଯ୍ୟ ହୋଇଥିଲେ । ତଥାପି, ଅଲ୍ଟ୍ରା ଏଜକୁ ଦେଖି ମନ୍ଧାନାଙ୍କୁ ଆଉଟ୍ ଘୋଷଣା କରାଯାଇଥିଲା । ଏପରି କି ପଡ଼ିଆ ଛାଡ଼ିବା ପୂର୍ବରୁ ମଧ୍ୟ ମନ୍ଧାନା ଅଧିନାୟକ ହରମନପ୍ରୀତଙ୍କୁ ସେ ଆଉଟ୍ ନାହାନ୍ତି ବୋଲି କହିଥିଲେ ।