ପ୍ରୟାଗରାଜ ମାଘ ମେଳାରେ ପୁଣି ଅଗ୍ନିକାଣ୍ଡ, ଜଳିଗଲା ୬ରୁ ଅଧିକ ଟେଣ୍ଟ , ୩ ଦମକଳ କର୍ମଚାରୀ ଆହତ

ପ୍ରୟାଗରାଜ ୧୪।୧: ମକର ସଂକ୍ରାନ୍ତି ଅବସରରେ ଉତ୍ତରପ୍ରଦେଶ ପ୍ରୟାଗରାଜରେ ଚାଲିଥିବା ମାଘ ମେଳାରେ ବୁଧବାର ଅଗ୍ନିକାଣ୍ଡ ଘଟିଛି। ମାଘମେଳା ପରିସରରେ ଥିବା ବଡ଼ ବ୍ରହ୍ମ-ଛୋଟ ବ୍ରହ୍ମ ଆଶ୍ରମ ପରିସରରେ ଏହି ଅଗ୍ନିକାଣ୍ଡ ଘଟିଥିବା ବେଳେ ୬ରୁ ଅଧିକ ଟେଣ୍ଟ ଜଳିଯାଇଛି। ନିଆଁ ଲିଭାଇବାକୁ ଆସିଥିବା ୩ ଜଣ ଦମକଳ କର୍ମଚାରୀ ମଧ୍ୟ ପୋଡି ଆହତ ହୋଇଛନ୍ତି। ଆହତମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲ ପଠାଯାଇଛି। ତେବେ ଏହା ପୂର୍ବରୁ ଅର୍ଥାତ ୧୩ ଜାନୁୟାରୀରେ ମଧ୍ୟ କୁମ୍ଭମେଳା ପରିସରରେ ଅଗ୍ନିକାଣ୍ଡ ଘଟିଥିଲା। ଏଥିରେ ୧୫ଟି ଟେଣ୍ଟ ଓ ୨୦ଟି ଦୋକାନ ପୋଡି ପାଉଁଶ ହୋଇଯାଇଥିଲା।

ବୁଧବାର ଅପରାହ୍ନରେ ସେକ୍ଟର-୪ ତୁଳସୀ ମାର୍ଗରେ ଥିବା ବ୍ରହ୍ମ ଆଶ୍ରମରେ ନିଆଁ ଲାଗି ବ୍ୟାପି ଯାଇଥିଲା। ଆଶ୍ରମରେ ରୋଷେଇ ସରଞ୍ଜାମ ସମେତ ମାଘ ମେଳା ପରିଚାଳନା ବାବଦକୁ ନଗଦ ୨୦ ହଜାର ଟଙ୍କା ଥିଲା। ଆଶ୍ରମରେ ପୂଜା ଚାଲିଥିବା ବେଳେ ଟେଣ୍ଟ ପଛପଟୁ ନିଆଁ ଲାଗି ବ୍ୟାପି ଯାଇଥିଲା। ଏଠାରେ ଥିବା କଳ୍ପବାସୀ ବାଲି ଓ ପାଣି ପକାଇ ପ୍ରଥମେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ଏଣୁ ନିଆଁ ଅଧିକ ବ୍ୟାପି ପାରିନଥିଲା।

प्रयागराज माघ मेला में भीषण आग, मची अफरा-तफरी 🔥🔥

प्रयागराज माघ मेले में लगातार दूसरे दिन आग लग गई। स्वामी राम सेवक शिविर में लगी भीषण आग की लपटों के साथ धुआं कई किलोमीटर दूर से दिख रहा था। आग की वजह अभी पता नहीं चली है।

सेक्टर 4 में लोअर मार्ग में आग तेजी से 20 से ज्यादा… pic.twitter.com/BOiPXItDzS

— Neha Yadav🦋 (@nehayadavjnp) January 14, 2026

ନିଆଁ ଲାଗିବା ସୂଚନା ପାଇଁ ମାଘମେଳା ପରିସରରେ ଥିବା ଫାୟାର ଷ୍ଟେସନର ୮ଟି ଦମକଳ ତୁରନ୍ତ ଘଟଣାସ୍ଥଳକୁ ପହଞ୍ଚିଥିଲେ ଓ ତୁରନ୍ତ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ। ଏଥିରେ ଫାୟାରମ୍ୟାନ ମିଲନ ସିଂହ, ଅମରଜିତ ଓ ଅମୃତ ଯାଦବ ପୋଡି ହୋଇ ଆହତ ହୋଇଛନ୍ତି। ତେବେ ମାଘମେଳା ସଞ୍ଚାଳକ କମଳେଶ୍ୱର ନାଥ ପାଣ୍ଡେୟ କହିଛନ୍ତି ଯେ ନିଆଁ ଲାଗିବାର କାରଣ ଅସ୍ପଷ୍ଟ। ହେଲେ ମେଳା କ୍ଷେତ୍ରରେ ଦିଆଯାଇଥିବା ଅସ୍ଥାୟୀ ବିଦ୍ୟୁତ ସଂଯୋଗ ଓ ସେଠାରେ ଉପଯୋଗ ହେଉଥିବା ହିଟର ଏବଂ ଜେନେରେଟର ଯୋଗୁ ନିଆଁ ଲାଗିଥିବାର ଆଶଙ୍କା କରାଯାଉଛି।

ତେବେ ଏହି ମାଘମେଳା ୨୦୨୫ ମହାକୁମ୍ଭରେ ହୋଇଥିବା ପ୍ରବନ୍ଧନ ଓ ସୁରକ୍ଷା ତ୍ରୁଟିକୁ ପୁଣି ମନେ ପକାଇ ଦେଇଛି। ଗତବର୍ଷ ଜାନୁୟାରୀ ମାସରେ କୁମ୍ଭ ମେଳାରେ ଦଲାଚକଟା ହୋଇଥିଲା। ଫଳରେ ଅନେକ ଲୋକ ମୃତାହତ ହୋଇଥିଲେ। ବୁଧବାର ମକର ସଂକ୍ରାନ୍ତିରେ ମାଘମେଳାକୁ ଅନୁନ୍ୟ ୧୫ରୁ ୨୦ ଲକ୍ଷ ଲୋକେ ଆସିଛନ୍ତି। ଏହି ଭିଡ ଆଗକୁ ମୌନି ଅମାବାସ୍ୟାରେ ମଧ୍ୟ ବଢିପାରେ। ଏଣୁ ମେଳା ସ୍ଥଳରେ ଭିଡ ନିୟନ୍ତ୍ରଣ ଓ ସ୍ନାନ ସୁବିଧା କରିବା ପାଇଁ କଳ୍ପବାସୀମାନେ ଦାବି କରିଛନ୍ତି।