ଲିଭ୍‌ ଇନ୍ ପାର୍ଟନରକୁ ହତ୍ୟା କରି ଦୁର୍ଘଟଣାର ରୂପ ଦେଇଥିଲେ ,  ଅପରାଧ ସ୍ୱୀକାର କଲା ଚତୁର ପ୍ରେମିକା

ନୂଆଦିଲ୍ଲୀ : ଦିଲ୍ଲୀରେ ୨୧ ବର୍ଷିୟା ଅମୃତା ନିଜର ଲିଭଇନ୍‌ ପାର୍ଟନର ରାମକେଶ ମୀଣାଙ୍କୁ ହତ୍ୟା କରିଥିଲେ ଏବଂ ଏହାକୁ ଦୁର୍ଘଟଣାର ରୂପ ଦେବା ପାଇଁ ତାଙ୍କ ମୃତଦେହରେ ନିଆଁ ଲଗେଇ ଦେଇଥିଲେ। ଉକ୍ତ ଘଟଣାକୁ ଜାଣିବା ପରେ ଯେକେହି ଆଶ୍ଚର୍ଯ୍ୟ ହୋଇଛନ୍ତି। ଏହି ବିଭତ୍ସକାଣ୍ଡକୁ ସଫଳ କରିବାରେ ଅଭିଯୁକ୍ତ ଖୁବ୍‌ ବୁଦ୍ଧି ଲଗେଇ ଥିଲେ ଏବଂ ନିଜର ଅପରାଧକୁ ଲୁଚାଇବା ପାଇଁ ସବୁ ପ୍ରକାରର କୌଶଳ ଆପଣାଇ ଥିଲେ। କିନ୍ତୁ ତାଙ୍କର ଗୋଟିଏ ଭୁଲ୍‌ ତାଙ୍କର ପୂରା ପ୍ଲାନକୁ ବିଫଳ କରି ଦେଇଥିଲା। ସେହି ଭୁଲ୍‌ ଥିଲା ଅମୃତାଙ୍କ ଫୋନ୍‌ ଯାହା ମାଧ୍ୟମରେ ପୁଲିସ ଦୁର୍ଘଟଣା ଦିନ ଅମୃତାଙ୍କ ଲୋକେସନକୁ ଜାଣି ପାରିଥିଲା। ମାମଲାରେ ଫୋରେନ୍ସିକ ସାଇନ୍ସରେ ବିଏସସି କରୁଥିବା ଅମୃତା , ତାଙ୍କର ବୟଫ୍ରେଣ୍ଡ ଓ ତାଙ୍କର ସାଥିଙ୍କୁ ଗିରଫ କରାଯାଇଛି। ସମସ୍ତେ ଉତ୍ତର ପ୍ରଦେଶର ମୁରାଦାବାଦର ବାସିନ୍ଦା।

ସୂଚନା ଆଧାରରେ ପ୍ରଥମେ ଅମୃତା ଦୁଇ ଅଭିଯୁକ୍ତଙ୍କ ସହ ମିଶି ଲିଭ୍‌ ଇନ୍‌ ପାର୍ଟନର ହତ୍ୟାର ଷଡ଼ଯନ୍ତ୍ର ରଚିଥିଲା ଏବଂ ପରେ ତାଙ୍କର ମୃତଦେହରେ ନିଆଁ ଲଗେଇ ଦେଇଥିଲେ , ଯାହାକି ଏହା ଜଣାଯିବ ଯେ, ନିଆଁ ଦୁର୍ଘଟଣା ଯୋଗୁଁ ଲାଗିଛି। ମୃତକ ଜଣଙ୍କ ହେଉଛନ୍ତି ରାମକେଶ ମୀଣା (୩୨)। ସେ ଗାନ୍ଧି ବିହାର ସ୍ଥିତ ଏକ ବିଲ୍ଡିଂର ୪ର୍ଥ ମହଲାରେ ରହୁଥିଲେ ଏବଂ ୟୁପିଏସସି ପାଇଁ ପ୍ରସ୍ତୁତ ହେଉଥିଲେ। ୬ ଅକ୍ଟୋବରରେ ପୁଲିସକୁ ଏସିରେ ବିସ୍ଫୋରଣ କାରଣରୁ ଫ୍ଲାଟ୍‌ରେ ଅଗ୍ନିକାଣ୍ଡର ସୂଚନା ମିଳିଥିଲା। ଦମକଳ ଗାଡ଼ିମାନେ ନିଆଁ ଲିଭାଇବା ଓ ରୁମ୍‌ ଅତି ଦୟନୀୟ ଭାବେ ଜଳିଯାଇ ଥିବା ମୃତଦେହ ଉଦ୍ଧାର କରିଥିଲେ। ଆରମ୍ଭରେ ସମ୍ୱନ୍ଧିତ ଧାରା ଅନୁସାରେ ମାମଲା ରୁଜୁ କରାଯାଇ ଥିଲା ଏବଂ ଯାଞ୍ଚ ଆରମ୍ଭ କରାଯାଇଥିଲା।

ଗୋଟିଏ ଭୁଲ୍‌ ଧରାଇ ଦେଲା –

ଯାଞ୍ଚ ବେଳେ ପୁଲିସକୁ ସିସିଟିଭି ଫୁଟେଜ୍‌ରୁ ଜଣାପଡ଼ି ଥିଲା ଯେ, ପାଞ୍ଚ ଓ ଛଅ ଅକ୍ଟୋବର ରାତିରେ ମୁହଁ ଢାଙ୍କି ଥିବା ଦୁଇ ଜଣ ବ୍ୟକ୍ତି ବିଲ୍ଡିଂରେ ପଶିଥିଲେ ଏବଂ ଦିନରେ ସମୟ ପାଖାପାଖି ୨ଟା ୫୭ ମିନିଟ୍‌ରେ ଜଣେ ମହିଳା ସେମାନଙ୍କ ମଧ୍ୟରୁ ଜଣଙ୍କ ସହ ବାହାରକୁ ଯିବାର ଦେଖାଗଲା। ତାଙ୍କ ଯିବାର କିଛି ସମୟ ପରେ ନିଆଁ ଲାଗି ଥିଲା। ପୁଲିସକୁ ସନ୍ଦେହ ଥିଲା ଯେ, ଏହି ଯୁବତୀ ଆଉ କେହି ନୁହେଁ , ନିଜେ ଅମୃତା । ଏହାପରେ ଯାଞ୍ଚ ଆଗକୁ ବଢିଲା। ପୁଲିସ ଅମୃତାଙ୍କ ଫୋନ୍‌ କଲ୍ ଡିଟେଲ ଓ ଅନ୍ୟ ତଥ୍ୟ ବାହାର କଲା ଯେଉଁଥିରେ ଜଣାପଡ଼ିଲା ଯେ, ଦୁର୍ଘଟଣା ଦିନ ସେ କ୍ରାଇମ୍‌ ସିନ୍‌ର ଆଖପାଖରେ ଥିଲେ। ଏହାପରେ ସନ୍ଦେହ ଘେରରେ ଆସିଥିବା ଅମୃତାଙ୍କ ତଲାସ ପାଇଁ ମୁରାଦାବାଦରେ ଅନେକ ସ୍ଥାନରେ ଚଢାଉ କରାଗଲା ଏବଂ ୧୮ ଅକ୍ଟୋବରରେ ତାଙ୍କୁ ଗିରଫ କରାଗଲା। ପୁଲିସ ତାଙ୍କୁ ପଚରାପଚରି କରିବାକୁ ସେ ନିଜର ଅପରାଧ ସ୍ୱୀକାର କରିଥିଲେ ଏବଂ ନିଜର ଦୁଇ ସାଥିଙ୍କ ନାଁ ମଧ୍ୟ କହିଥିଲେ। ଏହାପରେ ତାଙ୍କର ଦୁଇ ଜଣ ସାଥିଙ୍କୁ ଗିରଫ କରିନିଆ ଗଲା।

କାହିଁକି କଲେ ହତ୍ୟା ...

ଅମୃତା ତଦନ୍ତକାରୀ ଟିମ୍‌କୁ କହିଥିଲେ ଯେ, ମୀଣା ତାଙ୍କର ଅଶ୍ଳୀଳ ଭିଡ଼ିଓ ରେକର୍ଡ କରିନେଇ ଥିଲେ ଏବଂ ସେଗୁଡ଼ିକୁ ଡିଲିଟ୍‌ କରିବାକୁ ମନା କରିଦେଇ ଥିଲେ। ସେ ଏହି କଥା ନିଜର ଏକ୍ସ ବୟଫ୍ରେଣ୍ଡଙ୍କୁ କହିଥିଲେ , ଯେଉଁଥିରେ ସେ ଖୁବ୍‌ ରାଗି ଯାଇଥିଲେ ଏବଂ ମୀଣାଙ୍କୁ ହତ୍ୟା କରିବାକୁ ନିଷ୍ପତ୍ତି ନେଲେ। ପୁଲିସ ମୁତାବିକ , ତିନି ଜଣ ମୀଣାଙ୍କର ତଣ୍ଟି ଚିପି ତାଙ୍କୁ ମାରି ଦେଇଥିଲେ ଏବଂ ଏହାପରେ ତାଙ୍କ ଉପରେ ତେଲ , ଘିଅ ଓ ମଦ ଢାଳି ଦେଇଥିଲେ। ମହିଳାଙ୍କ ପୂର୍ବ ପ୍ରେମିକ ଏକ ଗ୍ୟାସ ସିଲିଣ୍ଡରର ଭଲଭ୍‌ ଖୋଲି ସେଥିରେ ଲଗାଇ ଦେଲେ, ଯେଉଁଥିରେ ବିସ୍ଫୋରଣ ହୋଇଥିଲା। ସେ ଏଲପିଜି ବିତରକର କାମ କରୁଥିଲେ। ଏହାପରେ ମୀଣାଙ୍କର ହାର୍ଡଡିସ୍କ , ଲ୍ୟାପଟପ୍‌  ଓ ଅନ୍ୟ ଜିନିଷ ନେଇ ଫେରାର ହୋଇଗଲେ।

ସୂଚନା ଆଧାରରେ , ପୁଲିସ ଅଭିଯୁକ୍ତଙ୍କ ଠାରୁ ଏକ ହାର୍ଡ ଡିସ୍କ, ଏକ ଟ୍ରଲି ବ୍ୟାଗ୍‌ , ମୃତକଙ୍କ ସାର୍ଟ ଓ ଦୁଇଟି ମୋବାଇଲ ଫୋନ୍‌ ଉଦ୍ଧାର କରିଛି। ସେ କହିଛନ୍ତି , ମାମଲାର ଯାଞ୍ଚ ଜାରି ରହିଛି।