କିଏ ସେ ପଞ୍ଜାବୀ ଗାୟକ ତଲବିନ୍ଦର ? ଦିଶା ପଟାନୀଙ୍କୁ କରୁଛନ୍ତି ଡେଟ୍

ନୂଆଦିଲ୍ଲୀ ୧୪।୦୧: ଅଭିନେତ୍ରୀ ଦିଶା ପଟାନି ପ୍ରାୟତଃ ତାଙ୍କ ପର୍ସନାଲ୍ ଲାଇଫ୍କୁ ନେଇ ଅଧିକ ଚର୍ଚ୍ଚାରେ ଥାଆନ୍ତି। ତାଙ୍କ ଲଭ୍ ଲାଇଫ୍ ବିଷୟରେ ଜାଣିବାକୁ ଫ୍ୟାନ୍ସ ବେଶ୍ ଉତ୍ସାହିତ ଥାଆନ୍ତି। ଏବେ ଲାଗୁଛି ବୋଧହୁଏ ଅଭିନେତ୍ରୀଙ୍କ ଜୀବନରେ ପ୍ରେମ ପୁଣିଥରେ ଏଣ୍ଟ୍ରି କରିଛି। ଦିଶା ବର୍ତ୍ତମାନ ପଞ୍ଜାବୀ ଗାୟକ ତଲବିନ୍ଦରଙ୍କୁ ଡେଟ୍ କରୁଥିବା ଅନୁମାନ କରାଯାଉଛି। କାରଣ ନିକଟରେ ଦୁଇ ଜଣଙ୍କୁ ନୁପୁର ସାନନଙ୍କ ବିବାହରେ ଏକାଠି ଦେଖିବାକୁ ମିଳିଥିଲା। ଉଭୟ ପରସ୍ପରର ହାତ ଧରିଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

ଦିଶା ନିକଟରେ କ୍ରିତି ସାନନଙ୍କ ଭଉଣୀ ନୁପୁର ସାନନଙ୍କ ବିବାହରେ ଯୋଗଦେବା ପାଇଁ ଉଦୟପୁର ଯାଇଥିଲେ। ନୁପୁରଙ୍କ ବିବାହର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଦିଶା ଏବଂ ତଲବିନ୍ଦର କାହା ସହିତ କଥା ହେଉଥିବାର ଦେଖାଯାଉଛି। ଭାଇରାଲ୍ ଭିଡିଓରେ ଦିଶା ଏବଂ ତଲବିନ୍ଦର ହାତ ଧରି ମୌନି ରୟଙ୍କ ସ୍ୱାମୀ ସୂରଜ ନାମ୍ବିଆରଙ୍କ ସହ କଥା ହେଉଥିବାର ଦେଖାଯାଉଛି। ପରେ, ଦୁହେଁ ମୁମ୍ବାଇ ଯାଉଥିବା ସମୟରେ ଉଦୟପୁର ବିମାନବନ୍ଦରରେ ମଧ୍ୟ ଏକାଠି ଦେଖାଯାଇଥିଲେ। ତଲୱିନ୍ଦର ତାଙ୍କ ମୁହଁରେ ମାସ୍କ ପିନ୍ଧିଥିବାର ଦେଖାଯାଇଥିଲା।

​​​​​​​

ତେବେ କିଛି ଦିନ ପୂର୍ବରୁ ଦିଶା ପଟାନିଙ୍କୁ ଅର୍ଶଦ ୱାର୍ସିଙ୍କ ସହ ଗୋଆରେ ଦେଖିବାକୁ ମିଳିଥିଲା। ସେ ଜଣେ ମିଷ୍ଟ୍ରିମ୍ୟାନ୍ଙ୍କ ସହ ଏକ କାରର ପଛରେ ବସିଥିବାର ଦେଖାଯାଇଥିଲା। ସେହି ବ୍ୟକ୍ତିଙ୍କ ମୁହଁ ଦେଖାଯାଉ ନଥିଲା। ଦିଶା ଏବଂ ତଲୱିନ୍ଦରଙ୍କ ଭିଡିଓ ସାମ୍ନାକୁ ଆସିବା ପରେ, ଏବେ ଫ୍ୟାନ୍ସ ଅନୁମାନ କରୁଛନ୍ତି ଯେ ସେହି ମିଷ୍ଟ୍ରିମ୍ୟାନ୍ ତଲୱିନ୍ଦର ଥିଲେ। ତଥାପି, ସେମାନଙ୍କ ମଧ୍ୟରୁ କେହି ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ସେମାନଙ୍କ ସମ୍ପର୍କକୁ ନିଶ୍ଚିତ କରିନାହାଁନ୍ତି।

କିଏ ଏହି ଗାୟକ-

ତଲୱିନ୍ଦର ସିଂହ ଜଣେ ପ୍ରସିଦ୍ଧ ପଞ୍ଜାବୀ ଗାୟକ। ୨୩ ନଭେମ୍ବର ୧୯୯୭ରେ ଜନ୍ମଗ୍ରହଣ କରିଥିବା ତଲୱିନ୍ଦର ସିଂହ ସିଦ୍ଧୁ ଭାରତୀୟ ଗାୟକ, ଗୀତିକାର ଏବଂ ସଙ୍ଗୀତ ପ୍ରଯୋଜକ। ଯିଏ ବହୁତ କମ୍ ବୟସରେ ପଞ୍ଜାବୀ ସଙ୍ଗୀତ ଶିଳ୍ପରେ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ସେ ହିପ୍-ପପ୍, ଟ୍ରାପ୍, ଲୋ-ଫାଇ, ବୁମ୍-ବେ, ଡ୍ରିଲ୍ ଏବଂ ସିନ୍ଥ-ପପ୍ ର ଏକ ଅନନ୍ୟ ମିଶ୍ରଣ ସହିତ ବିଭିନ୍ନ ପ୍ରକାରର ଗୀତ ଗାଇଛନ୍ତି। ପଞ୍ଜାବ ଏବଂ ସାନ ଫ୍ରାନ୍ସିସ୍କୋ ମଧ୍ୟରେ ବଢ଼ିଥିବା, ତଲୱିନ୍ଦରଙ୍କ ଗୀତ ଗୁଡ଼ିକ ସ୍ପଷ୍ଟ ଭାବରେ ପଞ୍ଜାବ ସ୍ୱାଦ ଏବଂ ବିଦେଶୀ ସ୍ୱାଦକୁ ପ୍ରତିଫଳିତ କରେ।