ପୁଣି ଅନୀଲ ଅମ୍ବାନୀଙ୍କ ସମ୍ପତ୍ତି ଜବତ କଲା ଇଡି: ଏପର୍ଯ୍ୟନ୍ତ ଜବତ ହେଲାଣି ୯ ହଜାର କୋଟି ଟଙ୍କାର ସମ୍ପତ୍ତି

ନୂଆଦିଲ୍ଲୀ: ଆର୍ଥିକ ହେରଫେର ଓ ଋଣ ଠକେଇ ଅଭିଯୋଗରେ ଇଡି ଜାଲରେ ପୂରାପୂରି ଫସି ଯାଇଛନ୍ତି ଅନୀଲ ଅମ୍ବାନୀ। ପ୍ରବର୍ତ୍ତନ ନିର୍ଦ୍ଦେଶାଳୟ (ED) ପୁଣି ଥରେ ଅନିଲ ଅମ୍ବାନୀଙ୍କ ରିଲାଏନ୍ସ ଗ୍ରୁପର କୋଟି କୋଟି ଟଙ୍କାର ସମ୍ପତ୍ତି ଆଟାଚ୍ କରିଛି।

ଏହି ସମ୍ପତ୍ତିଗୁଡ଼ିକର ମୂଲ୍ୟ ପ୍ରାୟ ₹୧,୪୦୦ କୋଟି। ନଭି ମୁମ୍ବାଇ, ଚେନ୍ନାଇ, ପୁଣେ ଏବଂ ଭୁବନେଶ୍ୱରରେ ଏହି ସମ୍ପତ୍ତିଗୁଡ଼ିକୁ ଆଟାଚ୍ କରାଯାଇଛି। ଏହି କାର୍ଯ୍ୟାନୁଷ୍ଠାନ ସହିତ, ରିଲାଏନ୍ସ ଗ୍ରୁପର ମୋଟ ସମ୍ପତ୍ତି ଜବତ ପ୍ରାୟ ₹୯,୦୦୦ କୋଟିରେ ପହଞ୍ଚିଛି। ରିଲାଏନ୍ସ ହୋମ୍ ଫାଇନାନ୍ସ (RHFL) ଏବଂ ରିଲାଏନ୍ସ କମର୍ସିଆଲ୍ ଫାଇନାନ୍ସ (RCFL)ରେ ବ୍ୟାପକ ପରିମାଣର ପାଣ୍ଠି ଅପବ୍ୟବହାର ସହିତ ଜଡିତ ମାମଲାରେ ଏହି ସମ୍ପତ୍ତିଗୁଡ଼ିକୁ ଆଟାଚ୍ କରାଯାଇଛି।

ଏହା ପୂର୍ବରୁ, ନଭେମ୍ବର ୩ ତାରିଖରେ, ପ୍ରବର୍ତ୍ତନ ନିର୍ଦ୍ଦେଶାଳୟ (ED) ପାଣ୍ଠି ସ୍ଥାନାନ୍ତର ମାମଲା ସହିତ ଜଡିତ ଅନିଲ ଅମ୍ବାନୀଙ୍କ ରିଲାଏନ୍ସ ଗ୍ରୁପର ୧୩୨ ଏକର ଜମିକୁ ଆଟାଚ୍ କରିଥିଲା। ଏହି ଜମି ନଭି ମୁମ୍ବାଇର ଧୀରୁଭାଇ ଅମ୍ବାନୀ ନଲେଜ୍ ସିଟି (DAKC) ରେ ଅବସ୍ଥିତ। ଏବଂ ଏହାର ମୂଲ୍ୟ ₹୪,୪୬୨.୮୧ କୋଟି ଟଙ୍କା ଥିଲା। ଏହା ବାଦ୍ ଅନିଲ ଅମ୍ବାନୀଙ୍କ ପାଲି ହିଲ୍ ଘର ସମେତ ଗ୍ରୁପର ୪୦ ରୁ ଅଧିକ ସମ୍ପତ୍ତି ମଧ୍ୟ ଆଟାଚ୍ କରାଯାଇଥିଲା। ଏଥିରେ ଆଟାଚ୍ କରାଯାଇଥିବା ସମ୍ପତ୍ତିର ମୋଟ ମୂଲ୍ୟ ₹୩,୦୮ କୋଟି ବୋଲି ରିପୋର୍ଟ କରାଯାଇଥିଲା।

ପାଣ୍ଠିର ଦୁରୁପଯୋଗ କରିଛି ଅନୀଲ ଅମ୍ବାନୀଙ୍କ ଗ୍ରୁପ୍

ଇଡି ତଦନ୍ତରେ ରିଲାଏନ୍ସ ହୋମ୍ ଫାଇନାନ୍ସ (RHFL) ଏବଂ ରିଲାଏନ୍ସ କମର୍ସିଆଲ୍ ଫାଇନାନ୍ସ (RCFL)ରେ ବ୍ୟାପକ ପାଣ୍ଠିର ଅପବ୍ୟବହାର ହୋଇଥିବା ଜଣାପଡ଼ିଥିଲା। ୨୦୧୭ ରୁ ୨୦୧୯ ମଧ୍ୟରେ, ୟେସ୍ ବ୍ୟାଙ୍କ RHFLରେ ₹୨,୯୬୫ କୋଟି ଏବଂ RCFLରେ ₹୨,୦୪୫ କୋଟି ନିବେଶ କରିଥିଲା, କିନ୍ତୁ ଡିସେମ୍ବର ୨୦୧୯ ସୁଦ୍ଧା ଏହି ପାଣ୍ଠିଗୁଡ଼ିକ ନନ-ପରଫର୍ମିଂ ଆସେଟ୍ସ(NPA) ହୋଇଯାଇଥିଲା।

RHFL ର ₹୧,୩୫୩ କୋଟି ଏବଂ RCFL ର ₹୧,୯୮୪ କୋଟି ଏପର୍ଯ୍ୟନ୍ତ ବକେୟା ରହିଥିଲା। ମୋଟ ଉପରେ ଏଥିରେ ୟେସ୍ ବ୍ୟାଙ୍କୁ ₹୨,୭୦୦ କୋଟିରୁ ଅଧିକ କ୍ଷତି ହୋଇଛି। ପ୍ରବର୍ତ୍ତନ ନିର୍ଦ୍ଦେଶାଳୟ ଅନୁଯାୟୀ, ଏହି ପାଣ୍ଠି ଅନ୍ୟ ରିଲାଏନ୍ସ ଗ୍ରୁପ୍ କମ୍ପାନୀଗୁଡ଼ିକୁ ପଠାଯାଇଥିଲା। ଋଣ ଅନୁମୋଦନ ପ୍ରକ୍ରିୟାରେ ଅନେକ ଅନିୟମିତତା ମଧ୍ୟ ହୋଇଥିବା ଜଣାପଡ଼ିଥିଲା। ଯେପରିକି କିଛି ଋଣ ଗୋଟି ଦିନରେ ଆପ୍ଲାଏ, ଆପ୍ରୁଭ ଏବଂ ଡିସବର୍ସ କରାଯାଇଥିଲା। ଫିଲ୍ଡ ଚେକ୍ ଓ ମିଟିଂ ସ୍କିପ କରି ଦିଆଯାଇଥିଲା। ଡକ୍ୟୁମେଣ୍ଟଗୁଡ଼ିକ ବ୍ଲାକ କିମ୍ବା ଡିଟେଲ୍ସରେ ମିଳିଥିଲା।

ଇଡି ଏହାକୁ "ଇଚ୍ଛାକୃତ ନିୟନ୍ତ୍ରଣ ବିଫଳତା(ଇଣ୍ଟେସନାଲ କଣ୍ଟ୍ରୋଲ ଫେଲ୍ୟୁର)" କହିଛି। PMLA ର ଧାରା ୫(୧) ଅନୁଯାୟୀ ତଦନ୍ତ କରାଯାଉଛି। ୩୧ ଅକ୍ଟୋବର, ୨୦୨୫ରେ ସମ୍ପତ୍ତି ଆଟାଚମେଣ୍ଟ ଅର୍ଡର ଜାରି କରାଯାଇଥିଲା।