ଆପଲକୁ ମାଲାମାଲ କଲା iPhone 17: ପ୍ରଥମ ଥର କମ୍ପାନୀର ମାର୍କେଟ କ୍ୟାପ୍ ୪ ଟ୍ରିଲିୟନ ପାର୍

ନୂଆଦିଲ୍ଲୀ: ପ୍ରଥମ ଥର ପାଇଁ ଆପଲର ମାର୍କେଟ କ୍ୟାପ୍ ୪ ଟ୍ରିଲିୟନ ଡଲାର ବା ₹୩୫୩ ଲକ୍ଷ କୋଟି ଅତିକ୍ରମ କରିଛି। ଏହି ସଂଖ୍ୟା ଭାରତର ଜିଡିପି ସହିତ ସମାନ। ଆଇଏମଏଫ୍‌ ଅନୁଯାୟୀ, ଭାରତର ଜିଡିପି ବର୍ତ୍ତମାନ ୪.୧୩ ଟ୍ରିଲିୟନ ବା ୩୬୪ ଲକ୍ଷ କୋଟି ରହିଛି।

ଏନଭିଡିଓ(Nvidia) ଓ ମାଇକ୍ରୋସଫ୍ଟ( Microsoft) ପରେ ଆପଲ ତୃତୀୟ କମ୍ପାନୀ ଭାବେ ଏହି ସଫଳତା ହାସଲ କରିଛି। ଏନଭିଡିଆର ମାର୍କେଟ କ୍ୟାପ୍ ବର୍ତ୍ତମାନ ୪.୭୧ ଟ୍ରିଲିୟନ ଡଲାର (୪୧୫ ଲକ୍ଷ କୋଟି ଟଙ୍କା) ହୋଇଥିବା ବେଳେ ବିଶ୍ୱର ସବୁଠାରୁ ମୂଲ୍ୟବାନ କମ୍ପାନୀ। ସେହିପରି ମାଇକ୍ରୋସଫ୍ଟର ୪.୦୬ ଟ୍ରିଲିୟନ ଡଲାର (୩୫୮ ଲକ୍ଷ କୋଟି ଟଙ୍କା) ମାର୍କେଟ କ୍ୟାପ୍  ସହ ଦ୍ୱିତୀୟ ସବୁଠାରୁ ମୂଲ୍ୟବାନ କମ୍ପାନୀ ହୋଇ ରହିଛି।

ତେବେ iPhone 17 ଲଞ୍ଚ ହେବା ପରେ ଆପଲର ଶେୟାରରେ ୧୫% ବୃଦ୍ଧି ପାଇଛି। କାଉଣ୍ଟରପଏଣ୍ଟ ରିସର୍ଚ୍ଚର ତଥ୍ୟ ଅନୁଯାୟୀ, ଆମେରିକା ଏବଂ ଚୀନରେ iPhone 17 ର ବିକ୍ରୟ ପୂର୍ବ ମଡେଲ ତୁଳନାରେ ୧୪ % ଅଧିକ ରହିଛି।

ଏଥିପାଇଁ ଆପଲ ଶେୟାରରେ ବୃଦ୍ଧି ଘଟିଛି। ଅକ୍ଟୋବର ୨୮ ତାରିଖରେ, ଆପଲର ଷ୍ଟକ୍ ସର୍ବକାଳୀନ ସର୍ବାଧିକ ୨୬୯.୮୭ ଡଲାରରେ ପହଞ୍ଚିଥିଲା। ଫଳରେ ପ୍ରଥମ ଥର ପାଇଁ ଏହାର ବଜାର ମୂଲ୍ୟ ୪ ଟ୍ରିଲିୟନ ଡଲାର ଅତିକ୍ରମ କରିଥିଲା। ବର୍ତ୍ତମାନ, କମ୍ପାନୀର ଷ୍ଟକ୍ ୦.୧୧% ହ୍ରାସ ପାଇ ୨୬୮.୫୧ ଡଲାର କିମ୍ବା ୨୩,୬୯୮ କୋଟି ଟଙ୍କାରେ କାରବାର କରୁଛି।