ଜାହାପନା ତୁସି ଗ୍ରେଟ୍ ହୋ....ସେମିଫାଇନାଲ ଟିକେଟ ପକ୍କା ପରେ କ୍ୟାପଟେନ୍ କଲେ ଏମିତି...

ନୂଆଦିଲ୍ଲୀ ୦୨/୦୩: ICC ପୁରୁଷ T-୨୦ ବିଶ୍ୱକପରେ ଭାରତ ୱେଷ୍ଟଇଣ୍ଡିଜକୁ ୫ ୱିକେଟରେ ପରାସ୍ତ କରିଛି । ଆଉ ଏହି ବିଜୟ ସହ ସେମି ଟିକେଟ ପକ୍କା କରିଛି ମେନ୍ ଇନ୍ ବ୍ଲୁ । ତେବେ ବିଜୟରେ ମ୍ୟାଚ୍ ର ହିରୋ ଥିଲେ ସଞ୍ଜୁ ସାମସନ । ଯିଏ ଖେଳିଥିଲେ ଅପରାଜିତ ୯୭ ରନ । ବିଜୟ ପରେ ଡଗ ଆଉଟକୁ ଫେରିବାର ସମୟ ଥିଲା ବେଶ୍ ରୋମାଞ୍ଚକର । କାରଣ କ୍ୟାପଟେନଙ୍କ ସେଲିବ୍ରେସନ ଥିଲା ବେଶ୍ ହଟ୍‌କେ ।

ସଞ୍ଜୁଙ୍କୁ ବିଜୟରେ ସ୍ପେଶାଲ ଟ୍ରିବ୍ୟୁଟ ଦେଇଥିଲେ କ୍ୟାପଟେନ୍ । ଯାହା ଏବେ ସୋସିଆଲ ମିଡିାରେ ବେଶ୍ ଭାଇରାଲ୍ ହେବାଲେ ଲାଗିଛି ।ସରିଥିଲା ମ୍ୟାଚ୍ । ବିଜୟ ପରେ ସବୁ କ୍ରିକେଟର ଏକାଠି ହୋଇଥିଲେ । ଡଗ୍ ଆଉଟ୍ ଆଡକୁ ଆସିବା ସମୟରେ ଅଧିନାୟକ ସୂର୍ଯ୍ୟ କୁମାର ଯାଦବ ସଞ୍ଜୁ ସାମସନଙ୍କୁ ହ୍ୟାଟଅଫ୍ ସହିତ ସ୍ୱାଗତ କରିଥିଲେ। ସେ ତାଙ୍କର ଟୋପି ଖୋଲି ସଞ୍ଜୁଙ୍କ ସମ୍ମୁଖରେ ମୁଣ୍ଡ ନୁଆଁଇ ପ୍ରଣାମ କରିଥିଲେ। ଯାହା ସେଠାରେ ଥିବା ସମସ୍ତ ଦେଖଣାହାରୀଙ୍କ ହୃଦୟ କିଣିଥିଲା ।

 

 

 

 

View this post on Instagram

 

 

 

 

 

 

 

 

 

 

 

A post shared by Surya kumar Yadav 🔵 (@suryakumaryadavfc)

ସୂଚନା ଥାଉକି, ଟସ୍ ଜିତିବା ପରେ, ଅଧିନାୟକ ସୂର୍ଯ୍ୟ କୁମାର ଯାଦବ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ୱେଷ୍ଟଇଣ୍ଡିଜ ପ୍ରଥମେ ବ୍ୟାଟିଂ କରି ଭାରତକୁ ୧୯୬ ରନର ଟାର୍ଗେଟ ଦେଇଥିଲା। ଭାରତୀୟ ଦଳ ମ୍ୟାଚରେ ଅପରିବର୍ତ୍ତିତ ପ୍ରବେଶ କରିଥିଲା। କୋଲକାତାର ଇଡେନ ଗାର୍ଡେନରେ ଖେଳାଯାଇଥିବା ମ୍ୟାଚ୍ ଉଭୟ ଦଳ ପାଇଁ କ୍ୱାର୍ଟର ଫାଇନାଲ ପରି ଗୁରୁତ୍ୱପୂର୍ଣ୍ଣ ଥିଲା, କାରଣ ବିଜୟୀ ଦଳ ସିଧାସଳଖ ସେମିଫାଇନାଲକୁ ଯିବେ, ଯେତେବେଳେ ପରାଜିତ ଦଳର ଯାତ୍ରା ସେଠାରେ ଶେଷ ହୋଇଥିଲା।

୧୯୬ ରନର ଟାର୍ଗେଟକୁ ପିଛା କରି ସଞ୍ଜୁ ସାମସନ ଏବଂ ଅଭିଷେକ ଶର୍ମା ଭାରତକୁ ଏକ ସନ୍ତୁଳିତ ଆରମ୍ଭ ଦେଇଥିଲେ । ତଥାପି, ତୃତୀୟ ଓଭରର ଶେଷ ବଲ୍ ରେ ଅଭିଷେକ ଶର୍ମା ୧୦ ରନ ପାଇଁ ଆଉଟ ହୋଇଥିଲେ। ଏହା ପରେ, ଇଶାନ କିଶାନ ମଧ୍ୟ ପଞ୍ଚମ ଓଭରରେ ୧୦ ରନ କରି ପ୍ୟାଭିଲିୟନ ଫେରିଥିଲେ । ଛଅ ଓଭର ପରେ, ଭାରତର ସ୍କୋର ୫୩/୨ ଥିଲା।ପରେ ଅଧିନାୟକ ସୂର୍ଯ୍ୟକୁମାର ଯାଦବ ଓ ସଞ୍ଜୁ ସାମସନ ଇନିଂସର ଦାୟିତ୍ୱ ନେଇଥିଲେ । ଦୁହେଁ ବିପଦକୁ ଏଡାଇ ଚମତ୍କାର ସଟ୍ ଖେଳିଥିଲେ।

​​​​​​​

ସଞ୍ଜୁ ସାମସନ ମାତ୍ର ୨୬ ବଲ୍ରେ ତାଙ୍କର ଅର୍ଦ୍ଧଶତକ ପୂରଣ କରିଥିଲେ । ଭାରତର ସ୍କୋର ୧୦ଓଭର ପରେ ୯୮/୨ରେ ପହଞ୍ଚିଥିଲା। ସୂର୍ଯ୍ୟକୁମାର ଯାଦବ ୧୮ ରନ୍ କରି ଆଉଟ୍ ହେବା ପରେ ଉଭୟଙ୍କ ମଧ୍ୟରେ ୫୮ ରନ୍ ର ଭାଗୀଦାରି ୧୧ତମ ଓଭରରେ ଭାଙ୍ଗି ଯାଇଥିଲା। ତା'ପରେ ତିଲକ ବର୍ମା ସଞ୍ଜୁଙ୍କୁ ଉତ୍କୃଷ୍ଟ ସମର୍ଥନ ଦେଇଥିଲେ। ଦୁହେଁ ସେମାନଙ୍କର ଆକ୍ରମଣାତ୍ମକ ରନ ସ୍କୋରିଂ ଜାରି ରଖିଥିଲେ, କିନ୍ତୁ ୨୫ ବଲ୍ରେ ନିର୍ମିତ ୪୨ ରନ୍ ର ଭାଗୀଦାରି ୧୫ତମ ଓଭରରେ ଶେଷ ହୋଇଥିଲା ।

ଯେତେବେଳେ ତିଲକ ବର୍ମା ୨୭ କରି ଆଉଟ୍ ହୋଇଥିଲେ।ଶେଷ ପାଞ୍ଚ ଓଭରରେ ଭାରତକୁ ବିଜୟ ପାଇଁ ୫୦ ରନ୍ ଆବଶ୍ୟକ ଥିଲା । ହାର୍ଦ୍ଦିକ ପାଣ୍ଡ୍ୟା ଓ ସଞ୍ଜୁ ସାମସନ କ୍ରିଜ୍ରେ ଥିଲେ। ୧୬ତମ ଓଭରରେ, ଏହି ଯୋଡ଼ି ୧୪ ରନ୍ କରିଥିଲେ । ଯାହା ଫଳରେ ଭାରତକୁ ୨୪ ବଲ୍ରେ ୩୬ ରନ୍ ଆବଶ୍ୟକ ଥିଲା। ୧୭ତମ ଓଭରରେ ୧୧ ରନ୍ ହୋଇଥିଲା, ଯାହା ଫଳରେ ଭାରତ ୧୮ ବଲ୍ ରୁ ୨୫ ରନ୍ କରିଥିଲା। ୧୮ତମ ଓଭରରେ ଭାରତ ୮ ରନ୍ କରିଥିଲା, ଶେଷ ଦୁଇ ଓଭରରେ ଭାରତକୁ ୧୭ ରନ୍ ଆବଶ୍ୟକ ଥିଲା।

୧୯ତମ ଓଭରରେ ହାର୍ଦ୍ଦିକ ପାଣ୍ଡ୍ୟା ଆଉଟ୍ ହୋଇଥିଲେ, ଭାରତକୁ ୧୦ ବଲ୍ ରୁ ୧୭ ରନ୍ ଆବଶ୍ୟକ ଥିଲା। ତଥାପି, ଭାରତ ସେହି ଓଭରରେ ୧୦ ରନ୍ ଯୋଡ଼ିଥିଲା। ଶେଷ ଓଭରରେ ଭାରତକୁ ୭ ରନ୍ ଆବଶ୍ୟକ ଥିଲା, ଯାହାକୁ ସଞ୍ଜୁ ସାମସନ୍ ମାତ୍ର ଦୁଇଟି ବଲ୍ ରେ ପିଛା କରିଥିଲେ। ସଞ୍ଜୁ ସାମସନ୍ ଏହି ମ୍ୟାଚ୍ ରେ ୫୦ ବଲ୍ ରୁ ୯୭ ରନ୍ ର ଅପରାଜିତ ଇନିଂସ ଖେଳିଥିଲେ, ଏହି ଇନିଂସ ମଧ୍ୟରେ ୧୨ ଚୌକା ଏବଂ ୪ ଛକା ମାରିଥିଲେ।