ହ୍ୱାଇଟ୍ ହାଉସ ପାଖରେ ଗୁଳିମାଡ : ୨ କମାଣ୍ଡୋ ଆହତ, ଆଫଗାନ ନାଗରିକ ଗିରଫ

ଓ୍ୱାସିଂଟନ୍, ୨୭/୧୧:ଆମେରିକା ହ୍ୱାଇଟ୍ ହାଉସ ନିକଟରେ ଗୁଳିକାଣ୍ଡ ହୋଇଛି । ଏଥିରେ ୟୁଏସ ନ୍ୟାଶନାଲ ସିକ୍ୟୁରିଟି ଗାର୍ଡର ଦୁଇ ଜଣ କମାଣ୍ଡୋ ଆହତ ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯିବା ସହ ଗୁଳିମାଡ କରିଥିବା ବ୍ୟକ୍ତିକୁ ଗିରଫ କରାଯାଇଥିବା କିଛି ଭିଡିଓରେ ଦେଖିବାକୁ ମିଳିଛି । ଏନେଇ ଏଫବିଆଇ ନିର୍ଦ୍ଦେଶକ କାସ୍ ପଟେଲ ସୂଚନା ଦେଇଛନ୍ତି ।

ସୂଚନାନୁସାରେ, ସ୍ଥାନୀୟ ସମୟ୨ଟା୧୫ରେ ଏନଏସଜିଙ୍କ ଉପରେ ଗୁଳିମାଡ ହୋଇଥିଲା । ହ୍ୱାଇଟ୍ ହାଉସ୍ ନିକଟରେ ଘଟଣା ଘଟିଥିଲା । ଆକ୍ରମଣ କରିଥିବା ବ୍ୟକ୍ତି ହେଲେ ଆଫଗାନିସ୍ତାନର ରହମାନୁଲହା ଲକନଓ୍ୱାଲ । ସେ୨୦୨୧ରେ ଆମେରିକା ଆସିଥିଲା ।

ସ୍ଥାନୀୟ ପୋଲିସର କହିବାନୁସାରେ, ଗୋଟିଏ କୋଣରୁ ରହମାନୁଲାହ ହଠାତ ଗୁଳିମାଡ କରିଥିଲା । ଏନଏସଜି ଟିମ୍ କିଛି ବୁଝିବା ଆଗରୁ ଦୁଇ ଜଣଙ୍କ ଶରୀରରେ ଗୁଳି ବାଜିଥିଲା । ସେମାନେ ମଧ୍ୟ ପାଲଟା ଆକ୍ରମଣ କରିଥିଲେ । ଏଥିରେ ରହମାନୁଲାହ ଆହତ ହୋଇଥିଲା । ତାକୁ ହାତକଡି ପକାଯାଇ ଷ୍ଟ୍ରେଚରରେ ହସ୍ପିଟାଲ ନିଆଯାଇଥିବା ଜଣାପଡିଛି ।

ତେବେ ଗୁଳି ବିନିମୟରେ ଦୁଇ ଜଣ ସନ୍ଦିଗ୍ଧ ଆହତ ହୋଇଛନ୍ତି । ସେମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ଅବସ୍ଥା ଗୁରୁତର ଥିବା ନିଜେ ଡୋନାଲ୍ଡଟ୍ରମ୍ପ ସୂଚନା ଦେଇଛନ୍ତି । ଘଟଣା ପରେ ଓ୍ୱାସିଂଟନରେ ଅତିରିକ୍ତ୫୦୦କମାଣ୍ଡୋଙ୍କୁ ମୁତୟନ କରାଯାଇଛି ।

ସୂଚନାଯୋଗ୍ୟ. ହ୍ୱାଇଟ୍ ହାଉସ ହେଉଛି ଆମେରିକାର ସବୁଠୁ ଗୁରୁତ୍ୱପୂର୍ଣ୍ଣ ଆବାସ । ଏଠାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରୁହନ୍ତି । ଏଭଳି ଏକସମ୍ବେଦନଶୀଳ ଅଞ୍ଚଳରେ ଗୁଳିମାଡ ପରେ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।