ଶ୍ରୀଲଙ୍କାରେ ତାଣ୍ଡବ ପରେ ତାମିଲନାଡୁ ମୁହାଁଇଲା 'ଡିଟଓ୍ୱା', ୪୭ ଉଡ଼ାଣ ରଦ୍ଦ ଓ ଟ୍ରେନ୍ ବାତିଲ

ନୂଆଦିଲ୍ଲୀ ୩୦/୧୧: ଶ୍ରୀଲଙ୍କାର ତାଣ୍ଡବ ରଚିବା ପରେ ଭାରତ ମୁହାଁ ବାତ୍ୟା ଡିଟୱା । ତାମିଲନାଡୁରେ ପ୍ରବଳ ବର୍ଷା ସାଙ୍ଗକୁ ଝଡ଼ତୋଫାନ ଚାଲିଛି । ସମସ୍ତ ପ୍ରକାର ଉଦ୍ଧାର ଓ ସହାୟତା କାର୍ଯ୍ୟ ଜାରି ରଖିଛି ଏନଡିଆରଏଫ ଓ ଏସଡିଆରଏଫ ଟିମ । ଏଥିସହ ସେନା ମଧ୍ୟ ସ୍ଥିତି ଉପରେ ତୀକ୍ଷ୍ମଣ ନଜର ରଖିଛି । ବାତ୍ୟା ଦ୍ରୁତଗତିରେ ଉତ୍ତର ତାମିଲନାଡୁ, ପୁଡୁଚେରୀ ଏବଂ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ଆଡକୁ ମୁହାଁଇଛି ।

ଶ୍ରୀଲଙ୍କାରେ ତାଣ୍ଡବ ରଚାଇବା ପରେ ଘୂର୍ଣ୍ଣିଝଡ଼ ଦିଟୱା ଏବେ ଭାରତ ଆଡକୁ ମୁହାଁଇଛି । ଶ୍ରୀଲଙ୍କାରେ ୧୩୫ରୁ ଅଧିକ ଜଣଙ୍କର ମୃତ୍ୟୁ ହୋଇଛି । ଏହାର ପ୍ରଭାବ ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ଅନୁଭୂତ ହେବ, ଯାହା ଫଳରେ ତିନି ଦିନ ପାଇଁ ପାଗ ଖରାପ ରହିବ । ବାତ୍ୟା ସ୍ଥଳଭାଗ ଛୁଇଁବା ଫଳରେ ତାମିଲନାଡୁରେ ୧୦୦ କିଲୋମିଟର ବେଗରେ ପବନ ବହିପାରେ ।

ଏହି ସମୟ ମଧ୍ୟରେ ପ୍ରବଳ ବର୍ଷା ମଧ୍ୟ ଆଶା କରାଯାଉଛି । ତାମିଲନାଡୁ ବ୍ୟତୀତ, କେରଳ, ଆନ୍ଧ୍ରପ୍ରଦେଶ ଏବଂ ପୁଡୁଚେରୀର ଉପକୂଳବର୍ତ୍ତୀ ଅଞ୍ଚଳରେ ବର୍ଷା ଓ ପବନର ଆଶଙ୍କା ରହିଛି । ସେପଟେ 'ଡିଟୱା' ତାମିଲନାଡୁ, ପୁଡୁଚେରୀ ଓ ଆନ୍ଧ୍ରପ୍ରଦେଶରେ ହାଇ ଆଲର୍ଟ ଜାରି ହୋଇଛି । ୪୭ ଉଡ଼ାଣ ରଦ୍ଦ ହେବା ସହ ଟ୍ରେନ୍ ସେବା ବାତିଲ ହୋଇଛି । ତେବେ ସ୍ଥିତି ଉପରେ ନଜର ରଖିବା ସହ ଆଲର୍ଟରେ NDRF ।