‘ସମାଜରେ ଅନୁଶାସନ, ସେବା ଓ ରାଷ୍ଟ୍ର ଭାବନାକୁ ବଢାଇଛି’, RSSକୁ ନେଇ ପିଏମ୍ ମୋଦୀଙ୍କ ପୋଷ୍ଟ

​​​​​​​ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ୍)ର ୧୦୦ତମ ପ୍ରତିଷ୍ଠା ଦିବସରେ ସଂଘର ଐତିହାସିକ ଯାତ୍ରା ଓ ରାଷ୍ଟ୍ରନିର୍ମାଣରେ ଏହାର ଯୋଗଦାନ ଉପରେ ନିଜର ମତ ସେୟାର କରିଛନ୍ତି । ପିଏମ୍ ମୋଦୀ ଏକ୍ସ ପୋଷ୍ଟରେ ଲେଖିଛନ୍ତି, ଆଜି ଠାରୁ ୧୦୦ ବର୍ଷ ପୂର୍ବେ ବିଜୟାଦଶମୀ ଦିନରେ ସମାଜର ସେବା ଓ ରାଷ୍ଟ୍ର ନିର୍ମାଣ ଉଦ୍ଦେଶ୍ୟରେ ରାଷ୍ଟ୍ରୀୟ ସ୍ୱୟଂସେବକ ସଂଘର ସ୍ଥାପନା ହୋଇଥିଲା । ଏହି କାଳଖଣ୍ଡ ମଧ୍ୟରେ ଅସଂଖ୍ୟ ସ୍ୱୟଂସେବକ ଏହି ସଂକଳ୍ପକୁ ବାସ୍ତବ କରିବା ପାଇଁ ନିଜ ଜୀବନକୁ ସମର୍ପିତ କରିଛନ୍ତି । ଏହାକୁ ନେଇ ମୁଁ ମୋର ବିଚାରକୁ ଶବ୍ଦରେ ପ୍ରକାଶ ପାଇଁ ପ୍ରୟାସ କରିଛି ।

ପ୍ରଧାନମନ୍ତ୍ରୀ ମୋଦୀ ନିଜ ବ୍ଲଗ୍ ପୋଷ୍ଟରେ ଲେଖିଛନ୍ତି, ୧୦୦ ବର୍ଷ ପୂର୍ବେ ବିଜୟାଦଶମୀର ମହାପର୍ବରେ ରାଷ୍ଟ୍ରୀୟ ସ୍ୱୟଂସେବକ ସଂଘର ସ୍ଥାପନା ହୋଇଥିଲା । ଏହା ହଜାର ହଜାର ବର୍ଷରୁ ଚାଲି ଆସୁଥିବା ସେହି ପରମ୍ପରାର ପୁନଃସ୍ଥାପନା ଥିଲା, ଯେଉଁଥିରେ ରାଷ୍ଟ୍ର ଚେତନା ସମୟ-ସମୟରେ ସେହି ଯୁଗର ଆହ୍ୱାନର ସାମନା କରିବା ପାଇଁ ନୂଆ ନୂଆ ଅବତାରରେ ପ୍ରକଟ ହୋଇଥାଏ । ଏହି ଯୁଗରେ ସଂଘ ସେହି ଅନାଦି ରାଷ୍ଟ୍ର ଚେତନାର ପୁଣ୍ୟ ଅବତାର ଅଟେ । ଏହା ଆମ ପିଢିର ସ୍ୱୟଂସେବକଙ୍କ ସୌଭାଗ୍ୟ ଯେ ଆମେ ସଂଘର ଶତାବ୍ଦୀ ବର୍ଷ ପରି ମହାନ ସୁଯୋଗକୁ ଦେଖିପାରିଛୁ ।

ସେ କହିଛନ୍ତି, "ମୁଁ ଏହି ଅବସରରେ ରାଷ୍ଟ୍ରସେବାର ସଂକଳ୍ପକୁ ସମର୍ପିତ କୋଟି-କୋଟି ସ୍ୱୟଂସେବକଙ୍କୁ ଶୁଭକାମନା ଜଣାଉଛି । ମୁଁ ସଂଘର ପ୍ରତିଷ୍ଠାତା, ଆମ ସମସ୍ତଙ୍କ ଆଦର୍ଶ, ପରମ ପୂଜ୍ୟ ଡାକ୍ଟର ହେଡଗେୱାରଙ୍କ ଚରଣରେ ଶ୍ରଦ୍ଧାଞ୍ଜଳି ଅର୍ପଣ କରୁଛି । ସଂଘର ୧୦୦ ବର୍ଷର ଏହି ଗୌରବମୟ ଯାତ୍ରାର ସ୍ମୃତିରେ ଭାରତ ସରକାର ସ୍ୱତନ୍ତ୍ର ଡାକ ଟିକଟ ଓ ମୁଦ୍ରା ଜାରି କରିଛନ୍ତି ।" ପ୍ରଧାନମନ୍ତ୍ରୀ ଲେଖିଛନ୍ତି, "ଯେପରି ଭାବେ ବିଶାଳ ନଦୀର କୂଳରେ ମାନବ ସଭ୍ୟତା ଗଢି ଉଠେ, ସେହିପରି ସଂଘର କୂଳରେ ବି ଶହ ଶହ ଜୀବନ ପୁଷ୍ପିତ-ପଲ୍ଲବିତ ହୋଇଛନ୍ତି । ଗୋଟିଏ ନଦୀ ଯେଉଁ ରାସ୍ତା ଦେଇ ବୋହିଥାଏ, ସେହି କ୍ଷେତ୍ରକୁ ନିଜ ପାଣିରେ ସମୃଦ୍ଧ କରିଥାଏ, ସେହିପରି ସଂଘ ଏହି ଦେଶର ପ୍ରତ୍ୟେକ କ୍ଷେତ୍ର, ସମାନର ପ୍ରତ୍ୟେକ ଦିଗକୁ ସ୍ପର୍ଶ କରିଛି । ଯେପରି ଗୋଟିଏ ନଦୀ ଅନେକ ଧାରାରେ ନିଜକୁ ପ୍ରକଟ କରିଥାଏ, ସଂଘର ଯାତ୍ରା ଠିକ୍ ସେମିତି ।"  

आज से 100 साल पहले विजयादशमी के दिन ही समाज सेवा और राष्ट्र निर्माण के उद्देश्य से राष्ट्रीय स्वयंसेवक संघ की स्थापना हुई थी। लंबे कालखंड के दौरान असंख्य स्वयंसेवकों ने इस संकल्प को साकार करने के लिए अपना जीवन समर्पित कर दिया। इसे लेकर मैंने अपने विचारों को शब्दों में ढालने का…

— Narendra Modi (@narendramodi) October 2, 2025

ସଂଘର ଅଲଗା-ଅଲଗା ସଂଗଠନ ମଧ୍ୟ ସବୁ ପକ୍ଷ ସହ ଯୋଡ଼ି ହୋଇ ରାଷ୍ଟ୍ର ସେବା କରୁଛନ୍ତି । ଶିକ୍ଷା, କୃଷି, ସମାଜ କଲ୍ୟାଣ, ଆଦିବାସୀ କଲ୍ୟାଣ, ମହିଳା ସଶକ୍ତିକରଣ, ସମାଜ ଜୀବନର ଏପରି ଅନେକ କ୍ଷେତ୍ରରେ ସଂଘର ନିରନ୍ତର କାର୍ଯ୍ୟ କରନ୍ତି । ବିବିଧ କ୍ଷେତ୍ରରେ କାମ କରୁଥିବା ସବୁ ସଂଗଠନର ଉଦ୍ଦେଶ୍ୟ ଏକ, ଭାବନା ଏକ...ରାଷ୍ଟ୍ର ପ୍ରଥମ । ନିଜର ସ୍ଥାପନା ପରଠୁ ରାଷ୍ଟ୍ରୀୟ ସ୍ୱୟଂସେବକ ସଂଘ ରାଷ୍ଟ୍ର ନିର୍ମାଣର ବିରାଟ ଉଦ୍ଦେଶ୍ୟକୁ ନେଇ ଚାଲିଛି । ଏହି ଉଦ୍ଦେଶ୍ୟ ପୂରଣ ପାଇଁ ସଂଘ ବ୍ୟକ୍ତି ନିର୍ମାଣରୁ ରାଷ୍ଟ୍ର ନିର୍ମାଣ ରାସ୍ତ ଚୟନ କରିଛି ଓ ଏହାରୁ ଚଲାଇବା ପାଇଁ ଯେଉଁ କାର୍ଯ୍ୟପଦ୍ଧତି ଚୟନ କରାଯାଇଥିଲା, ତାହା ଥିଲା ନିତ୍ୟ-ନିୟମିତ ଚାଲୁଥିବା ଶାଖା । ସଂଘ ଶାଖା ମୈଦାନ, ଏପରି ଏକ ପ୍ରେରଣା ଭୂମି, ଯେଉଁଠାରୁ ସ୍ୱୟଂସେବକଙ୍କ ଅହମ୍ ସେ ବୟଂର ଯାତ୍ରା ଆରମ୍ଭ ହୋଇଥାଏ । ସଂଘାର ଶାଖା...ବ୍ୟକ୍ତି ନିର୍ମାଣର ଯଜ୍ଞବେଦୀ ।

ନିଜର ୧୦୦ ବର୍ଷର ଯାତ୍ରା ମଧ୍ୟରେ, ସଂଘ ସମାଜର ବିଭିନ୍ନ ବର୍ଗଙ୍କ ମଧ୍ୟରେ ଆତ୍ମ-ଚେତନା ଏବଂ ଆତ୍ମସମ୍ମାନ ଜାଗ୍ରତ କରିଛି । ସଂଘ ଦେଶର ଦୁର୍ଗମ ଏବଂ କଷ୍ଟକର ଅଞ୍ଚଳରେ ମଧ୍ୟ କାର୍ଯ୍ୟ କରିଛି । ଦଶନ୍ଧି ଧରି, ସଂଘ ଏହାର କର୍ତ୍ତବ୍ୟ ପାଳନ କରି ଆଦିବାସୀ ପରମ୍ପରା, ପ୍ରଥା ଏବଂ ମୂଲ୍ୟବୋଧର ସଂରକ୍ଷଣରେ ଯୋଗଦାନ ଦେଇଛି । ଆଜି, ସେବା ଭାରତୀ, ବିଦ୍ୟା ଭାରତୀ, ଏକଲ ବିଦ୍ୟାଳୟ ଏବଂ ବନବାସୀ କଲ୍ୟାଣ ଆଶ୍ରମ ଆଦିବାସୀ ସମାଜ ପାଇଁ ସଶକ୍ତିକରଣର ସ୍ତମ୍ଭ ଭାବରେ ଉଭା ହୋଇଛି।