କେବେ ହୋଇଥିଲା ପ୍ରଥମ ଚୁମ୍ବନ ? ରହସ୍ୟ ଉନ୍ମୋଚନ କଲେ ଅକ୍ସଫୋର୍ଡର ବୈଜ୍ଞାନିକ

ଚୁମ୍ବନ…। ଏଥିରେ ଥାଏ ଭଲପାଇବା, ପ୍ରେମର ପରିଭାଷା। ଚୁମ୍ବନ ଭଗବାନଙ୍କ ସୃଷ୍ଟିର ଗୋଟିଏ ସୁନ୍ଦରତମ ଭାବନା। ନିଜ ଖୁସି ଓ ଭଲପାଇବାକୁ ଜାହିର କରିବାକୁ ଚୁମ୍ବନ କରେ ମଣିଷ। ହେଲେ ମଣିଷ କେବେଠୁ ଶିଖିଲା  ଚୁମ୍ବନ? ଏହି ଉତ୍ତରକୁ ଖୋଜିପାଇଛନ୍ତି ଗବେଷକ। ସର୍ବପ୍ରାଚୀନ କାଳର ଆଚରଣକୁ ନେଇ ତଥ୍ୟ ପ୍ରକାଶ କରିଛି ଅକ୍ସଫୋର୍ଡ ୟୁନିଭରର୍ସିଟି।
କାହାଠାରୁ ଚୁମ୍ବନ ଶିଖିଥିଲା ମଣିଷ? କେବେ ହୋଇଥିଲା ପ୍ରଥମ ଚୁମ୍ବନ ? ରହସ୍ୟ ଉନ୍ମୋଚନ କରିଛନ୍ତି ଅକ୍ସଫୋର୍ଡର ବୈଜ୍ଞାନିକ। ଅକ୍ସଫୋର୍ଡ ବିଶ୍ୱବିଦ୍ୟାଳୟର ଏକ ନୂତନ ଅଧ୍ୟୟନରୁ ଜଣାପଡିଛି ଯେ ମଣିଷର ପୂର୍ବପୁରୁଷ ନିଆଣ୍ଡରଥାଲ୍ ଏବଂ ମହାନ ବାନରମାନେ ୨ କୋଟି ବର୍ଷ ପୂର୍ବେ ଚୁମ୍ବନ କରିଥିଲେ। ଗବେଷଣାରୁ ଜଣାପଡିଛି ଯେ ଚିମ୍ପାଞ୍ଜି, ବୋନୋବୋ ଏବଂ ଓରାଙ୍ଗୁଟାନ୍ ଭଳି ମାଙ୍କଡମାନେ ଆଜି ମଧ୍ୟ ଏହି ଆଚରଣ ପ୍ରଦର୍ଶନ କରନ୍ତି।
ଅକ୍ସଫୋର୍ଡ ବିଶ୍ୱବିଦ୍ୟାଳୟର ଏକ ନୂତନ ଅଧ୍ୟୟନରୁରେ ଚୁମ୍ବନ ବିଷୟରେ ଆକର୍ଷଣୀୟ ତଥ୍ୟ ପ୍ରକାଶ ପାଇଛି। ଗବେଷଣା ଅନୁଯାୟୀ, ପ୍ରାଚୀନ ମଣିଷ ତଥା ମାଙ୍କଡମାନଙ୍କର ପୂର୍ବଜମାନେ ଆଜକୁ ୨ କୋଟି ବର୍ଷ ପୂର୍ବେ ଚୁମ୍ବନର ଅଭ୍ୟାସ କରିଥିଲେ। ଏହାର ଅର୍ଥ ହେଉଛି ଯେ ଆଜି ଆମେ ଯାହାକୁ ଭାବନା ଏବଂ ଅନ୍ତରଙ୍ଗତା ପ୍ରକାଶ କରିବାର ଏକ ଉପାୟ ବୋଲି ବିଚାର କରୁ, ତାହା ଆମର ପ୍ରାଚୀନ ଇତିହାସର ଏକ ଅଂଶ।
ଫ୍ଲୋରିଡା ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜିର ପ୍ରଫେସର କ୍ୟାଥରିନ ଟାଲବୋଟ୍‌ କହିଛନ୍ତି, ଚୁମ୍ବନ ଏକ ସାଧାରଣ ଓ ବ୍ୟବହାର ମନେ ହେଉ ଥାଇପାରେ। କିନ୍ତୁ ଏହା କେବଳ ୪୬ ପ୍ରତିଶତ ମାନବ ସଂସ୍କୃତିରେ ଦେଖିବାକୁ ମିଳେ। ଏବେ ପ୍ରଶ୍ନ ଉଠୁଛି ଯେ ଚୁମ୍ବନ କ’ଣ ଏକ ବିକଶିତ ବ୍ୟବହାର ଅଥବା ସାଂସ୍କୃତିକ ଆବିଷ୍କାର?
ଗବେଷକମାନେ ପ୍ରଥମ ଥର ପାଇଁ ବିଭିନ୍ନ ପ୍ରଜାତିର ମାଙ୍କଡଙ୍କ ଫ୍ୟାମିଲି ହିଷ୍ଟ୍ରି ଉପରେ ପରୀକ୍ଷା କରିଥିଲେ। କେଉଁ ପ୍ରାଣୀ ଓଠ ଜରିଆରେ ସମ୍ପର୍କର ଆଦାନପ୍ରଦାନ କରୁଥିଲେ ଏବଂ ଏହି ଅଭ୍ୟାସ କେତେ ପୁରୁଣା ତାହା ନିର୍ଣ୍ଣୟ କରିବାକୁ ଚେଷ୍ଟା କରିଥିଲେ ଗବେଷକ। ଷଡିରୁ ଜଣାପଡିଛି ଯେ ନିଆଣ୍ଡରଥାଲ୍, ଏକ ପ୍ରଜାତି ଯାହା ମଣିଷର ବହୁତ ନିକଟତର। କିନ୍ତୁ ବର୍ତ୍ତମାନ ବିଲୁପ୍ତ। 
ସେମାନଙ୍କ ଠାରୁ ହିଁ ଆରମ୍ଭ ହୋଇଥିଲା ଚୁମ୍ବନ। କାଳକ୍ରମେ ମଣିଷ ଏହାକୁ ନକଲ କରିବାକୁ ଲାଗିଲା। ନିଅଣ୍ଡରଥାଲ ମାନବ ମଣିଷର ନିକଟତମ ପୂର୍ବପୁରୁଷ। ଯେଉଁମାନେ ହାରାହାରି ୪ ଲକ୍ଷରୁ ୪୦ ହଜାର ବର୍ଷ ପୂର୍ବେ ୟୁରୋପ ଓ ପଶ୍ଚିମ ଏସିଆରେ ରହୁଥିଲେ । ପୂର୍ବ ଅଧ୍ୟୟନରୁ ଜଣାପଡ଼େ, ଆମ ପ୍ରଜାତି ହୋମୋ ସାପେନ୍‌ ନିଅଣ୍ଡରଥାଲ ମାନବଙ୍କ ସହ ସମ୍ପର୍କ ସ୍ଥାପନ କରିଥିଲେ । କାରଣ ଆଜି ବି ଲୋକଙ୍କ ମଧ୍ୟରେ ନିଅଣ୍ଡରଥାଲ ଡିଏନ୍‌ଏ ଜୀବିତ ଅଛି। 
ସିଦ୍ଧାନ୍ତରେ ପହଞ୍ଚିଥିଲେ- ଚୁମ୍ବନ କଳା ମହାନ ବାନରଙ୍କ ପୂର୍ବଜଙ୍କ ମଧ୍ୟରେ ୨.୧୨ କୋଟିରୁ ୧.୬୯ କୋଟି ବର୍ଷ ପୂର୍ବ ମଧ୍ୟରେ ବିକଶିତ ହୋଇଥିଲା । ସମୟ ସହିତ ପରିସ୍ଥିତି ପରିବର୍ତ୍ତନ ହୋଇଥିଲା, କିନ୍ତୁ ଏହି ଅଭ୍ୟାସ ଜାରି ରହିଥିଲା। ଆଜି ମଧ୍ୟ, ଚିମ୍ପାଞ୍ଜି, ବୋନୋବୋ ଏବଂ ଓରାଙ୍ଗୁଟାନ୍ ଭଳି ମହାନ ବାନରମାନଙ୍କୁ ପରସ୍ପରକୁ ଚୁମ୍ବନ କରୁଥିବା ଦେଖାଯାଉଛି।
ଅକ୍ସଫୋର୍ଡ ବୈଜ୍ଞାନିକ ଡକ୍ଟର ମାଟିଲଡା ବ୍ରିଣ୍ଡଲ କୁହନ୍ତି, ପୂର୍ବ ଗବେଷଣାରୁ ଜଣାପଡିଛି ଯେ ନିଆଣ୍ଡରଥାଲଙ୍କ ପାଟିରେ ସମାନ ଜୀବାଣୁ ମିଳିଥିଲା, ଯାହା ସେମାନଙ୍କ ମଧ୍ୟରେ ଏକ ପ୍ରକାର ଘନିଷ୍ଠ ସମ୍ପର୍କ ସୂଚାଇଥାଏ। ବୈଜ୍ଞାନିକମାନେ ମଧ୍ୟ ବିଶ୍ୱାସ କରନ୍ତି ଯେ ପ୍ରାଚୀନ ମଣିଷ ଏବଂ ନିଆଣ୍ଡରଥାଲ୍‌ମାନେ ଏକାଠି ପ୍ରଜନନ କରିଥିଲେ। ତେଣୁ ଏହା ବିଶ୍ୱାସ କରାଯାଏ ଯେ ଚୁମ୍ବନ ସେମାନଙ୍କ ସମ୍ପର୍କର ଏକ ସାଧାରଣ ଅଂଶ ହୋଇପାରେ।
ଚୁମ୍ବନ କ'ଣ ପ୍ରେମ ନା ଏହା କେବଳ ଏକ ପରମ୍ପରା? ଆଧୁନିକ ଜ୍ଞାନ ଏବଂ ବିଜ୍ଞାନକୁ ମିଶ୍ରଣ କରି ପ୍ରାଚୀନ ପୂର୍ବପୁରୁଷମାନେ କ'ଣ କରିଥିଲେ ତାହାର ଆକଳନ କରିଛନ୍ତି ବୈଜ୍ଞାନିକ। ଅଧ୍ୟୟନରୁ ଜଣାପଡିଛି ଯେ ଚୁମ୍ବନ ବିଶ୍ୱର କେବଳ ୪୬ ପ୍ରତିଶତ ମାନବ ସଂସ୍କୃତିରେ ପ୍ରଚଳିତ। ଏହାର ଅର୍ଥ ହେଉଛି କିଛି ସ୍ଥାନରେ ଚୁମ୍ବନ ବହୁତ ସାଧାରଣ, ଅନ୍ୟ ସ୍ଥାନରେ ଏହାର କୌଣସି ଗୁରୁତ୍ୱ ନାହିଁ।