ପରଲୋକରେ ଅଭିନେତା ଋଷଭ ଟଣ୍ଡନ, ହୃଦଘାତରେ ଚାଲିଗଲା ଜୀବନ

ନୂଆଦିଲ୍ଲୀ ୨୨।୧୦; ଭିନେତା ଏବଂ ଗାୟକ ରିଷଭ ଟଣ୍ଡନ। ତାଙ୍କୁ ନେଇ ଏକ ଦୁଃଖଦ ଖବର ସାମ୍ନାକୁ ଆସିଛି। ଆଉ ନାହାନ୍ତି  ରିଷଭ ଟଣ୍ଡନ। ଅକ୍ଟୋବର ୨୨ ତାରିଖ ଦିଲ୍ଲୀରେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲା। ଅଭିନେତାଙ୍କ ଆକସ୍ମିକ ମୃତ୍ୟୁ ତାଙ୍କ ପରିବାରକୁ ଭାଙ୍ଗି ଦେଇଛି ଏବଂ ପ୍ରଶଂସକମାନେ ମଧ୍ୟ  ଦୁଃଖିତ। 

ରିଷଭ ତାଙ୍କ ପତ୍ନୀଙ୍କ ସହ ମୁମ୍ବାଇରେ ରହୁଥିଲେ। ସେ ତାଙ୍କ ପରିବାର ସହିତ ଦୀପାବଳି ପାଳନ କରିବାକୁ ଦିଲ୍ଲୀ ଆସିଥିଲେ। କିନ୍ତୁ କିଏ ଜାଣିଥିଲା ​​ଏହା ତାଙ୍କ ପରିବାର ସହିତ ରିଷଭଙ୍କ ଶେଷ ଦୀପାବଳି ହେବ। ଏହି କଷ୍ଟକର ସମୟରେ ଅଭିନେତାଙ୍କ ପରିବାର ଗୋପନୀୟତା ପାଇଁ ଅନୁରୋଧ କରିଛନ୍ତି। ଅଭିନେତାଙ୍କ ଅନ୍ତିମ ସଂସ୍କାର ଏପର୍ଯ୍ୟନ୍ତ ଅନୁଷ୍ଠିତ ହୋଇନାହିଁ। ପ୍ରଶଂସକମାନେ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ରିଷଭଙ୍କ ହଠାତ୍‌ ଦେହାନ୍ତ କେହି କଳ୍ପନା କରିପାରୁ ନାହାନ୍ତି।

ରିଷଭ ଜଣେ ଗାୟକ ସହ ସଂଗୀତକାର ଏବଂ ବୃତ୍ତିଗତ ଭାବରେ ଅଭିନେତା ଥିଲେ। ସେ ତାଙ୍କର ଶାନ୍ତ ଆଚରଣ ଏବଂ ସଙ୍ଗୀତ ପ୍ରତି ପ୍ରେମ ପାଇଁ ଜଣାଶୁଣା ଥିଲେ। ସେ ୨୦୦୮ ମସିହାରେ ଟି-ସିରିଜ୍ ଆଲବମ୍ "ଫିର୍ ସେ ୱହି" ସହିତ ତାଙ୍କର କ୍ୟାରିଅର୍ ଆରମ୍ଭ କରିଥିଲେ। ତାଙ୍କର ହିଟ୍ ଗୀତଗୁଡ଼ିକ ମଧ୍ୟରେ "ୟେ ଆଶିକି," "ଚାନ୍ଦ ତୁ," "ଧୂ ଧୂ କର କେ," ଏବଂ "ଫକୀର କି ଜୁବାନି" ଅନ୍ତର୍ଭୁକ୍ତ। ତାଙ୍କ କାମ ବ୍ୟତୀତ, ରିଷଭ ପଶୁମାନଙ୍କୁ ଭଲ ପାଉଥିଲେ। ତାଙ୍କ ମୁମ୍ବାଇ ଘରେ ଅନେକ ବିଲେଇ, କୁକୁର ଏବଂ ପକ୍ଷୀ ରହୁଥିଲେ। ରିପୋର୍ଟ ଅନୁଯାୟୀ, ରିଷଭଙ୍କ ଅନେକ ଗୀତ ମୁକ୍ତିଲାଭ କରିନାହିଁ, ଏବଂ ସେ ଅନେକ ଦିନ ଧରି ଏଥି ପାଇଁ କାମ କରୁଥିଲେ। ବନ୍ଧୁ ଏବଂ ପ୍ରିୟଜନମାନେ ସୋସିଆଲ ମିଡିଆରେ ତାଙ୍କୁ ଭାବପ୍ରବଣ ଶ୍ରଦ୍ଧାଞ୍ଜଳି ଦେଉଛନ୍ତି।