ଖୁବ୍‌ ଶୀଘ୍ର ବିବାହ ବନ୍ଧନରରେ ବାନ୍ଧି ହେବେ କ୍ରିକେଟର ସ୍ମୃତି, ବୟଫ୍ରେଣ୍ଡ୍ ପଲାଶ କଲେ ଖୁଲାସା

ସାତଫେରା ନେବେ ମହିଳା କ୍ରିକେଟର । ଅନ୍ତର୍ଜାତୀୟ ମହିଳା କ୍ରିକେଟର ସ୍ମୃତି ମନ୍ଧାନା ଖୁବ୍‌ ଶୀଘ୍ର ଇନ୍ଦୋରର ବୋହୂ ହେବେ । ସ୍ମୃତି ଇନ୍ଦୋରର ଗାୟକ ଏବଂ ନିର୍ଦ୍ଦେଶକ ପଲାଶ ମୁଚଲଙ୍କୁ ବିବାହ କରିବାକୁ ଯାଉଛନ୍ତି । ଯାହାର ସୂଚନା ସ୍ମୃତିଙ୍କ ବୟଫ୍ରେଣ୍ଡ୍ ପଲାଶ ଦେଇଛନ୍ତି । ସ୍ମୃତି ଭାରତୀୟ ମହିଳା କ୍ରିକେଟ ଦଳର ଜଣେ ପ୍ରମୁଖ ସଦସ୍ୟ ଏବଂ ବିଶ୍ୱକପ୍ ମ୍ୟାଚ୍ ଖେଳିବା ପାଇଁ ବର୍ତ୍ତମାନ ଇନ୍ଦୋର ଆସିଛନ୍ତି । ଭାରତ-ଇଂଲଣ୍ଡ ମ୍ୟାଚ୍ ଅକ୍ଟୋବର ୧୯ ତାରିଖରେ ଏଠାରେ ଖେଳାଯିବ । ପଲାଶ ମଧ୍ୟ ତାଙ୍କର ଆଗାମୀ ଚଳଚ୍ଚିତ୍ର "ରାଜୁ ବାଜେୱାଲା"ର ସୁଟିଂ ପାଇଁ ଇନ୍ଦୋରରେ ଅଛନ୍ତି ।

ଭାରତୀୟ ମହିଳା କ୍ରିକେଟ୍ ଦଳର ମ୍ୟାଚ୍ ଏବଂ ସ୍ମୃତିଙ୍କ ସମ୍ପର୍କରେ ପ୍ରଶ୍ନ ପଚାରିବାରୁ ପଲାଶ କହିଛନ୍ତି ଯେ ସ୍ମୃତି ଖୁବଶୀଘ୍ର ଇନ୍ଦୋରର ବୋହୂ ହେବେ । ତେବେ ସୂଚନା ଅନୁସାରେ ପଲାଶଙ୍କ ଭଉଣୀ ତଥା ବଲିଉଡ୍ ସିଙ୍ଗର୍ ପଲକ ମୁଛଲ ବିବାହ କରିବା ସମୟରେ ହିଁ ସ୍ମୃତି ଏବଂ ପଲାଶଙ୍କର ନିର୍ବନ୍ଧ ଶେଷ ହୋଇଥିଲା । ପ୍ରାୟ ଗୋଟିଏ ବର୍ଷ ପୂର୍ବରୁ ହିଁ ଦୁହେଁ ନିର୍ବନ୍ଧ କରିଥିଲେ ।

କହିବାକୁ ଗଲେ ମହିଳା ଏକ ଦିବସୀୟ ବିଶ୍ୱକପ୍ ୨୦୨୫ ରେ ଟିମ୍ ଇଣ୍ଡିଆର ଶେଷ ମ୍ୟାଚ୍ ଇଂଲଣ୍ଡ ବିପକ୍ଷରେ ଥିଲା। ଯେଉଁଠାରେ ଇଂଲଣ୍ଡ ୪ ରନ୍‌ରେ ବିଜୟୀ ହୋଇଥିଲା । ଏହି ମ୍ୟାଚ୍ ରେ ଭାରତ ପାଇଁ ହରମନପ୍ରୀତ କୌର, ସ୍ମୃତି ଏବଂ ଦୀପ୍ତି ଶର୍ମା ଚମତ୍କାର ଅର୍ଦ୍ଧଶତକ ହାସଲ କରିଥିଲେ । ଏହି ଅର୍ଦ୍ଧଶତକ ସହିତ, ସ୍ମୃତି ପୂର୍ବତନ ଭାରତୀୟ ମହିଳା କ୍ରିକେଟ କିମ୍ବଦନ୍ତୀ ମିତାଲି ରାଜଙ୍କ ରେକର୍ଡ ଭାଙ୍ଗିଛନ୍ତି। ସେ ଏବେ ମହିଳା ଏକଦିବସୀୟରେ ଭାରତ ପାଇଁ ଘରୋଇ ପରିବେଶରେ ସର୍ବାଧିକ ୫୦+ ସ୍କୋର କରିଥିବା ବ୍ୟାଟ୍ସମ୍ୟାନ୍ ହୋଇଯାଇଛନ୍ତି ।