ବ୍ୟାନ୍ ଭୟରେ ରାଜି ହେଲା ପାକିସ୍ତାନ : ଭାରତ ବିପକ୍ଷରେ ଖେଳିବ ଟି୨୦ ବିଶ୍ୱକପ୍ ମ୍ୟାଚ୍

ନୂଆଦିଲ୍ଲୀ, ୧୦|୦୨ : ହଟିଲା ସସପେନ୍ସ । ରାଜି ହେଲା ପାକିସ୍ତାନ । ଟି୨୦ ବିଶ୍ୱକପରେ ଭାରତ ବିପକ୍ଷରେ ମ୍ୟାଚ୍ ଖେଳିବାକୁ ପାକିସ୍ତାନ ରାଜି ହୋଇଯାଇଛି । ପୂର୍ବ ନିର୍ଦ୍ଧାରିତ ଫେବ୍ରୁଆରୀ ୧୫ ତାରିଖରେ ଦୁଇ ଦେଶ ମଧ୍ୟରେ ମ୍ୟାଚ୍ ଖେଳାଯିବ । ପାକିସ୍ତାନ ସରକାର ଔପଚାରିକ ଭାବେ ସୋମବାର ଏନେଇ ଘୋଷଣା କରିଛନ୍ତି । ପିସିବି ଖେଳାଳିଙ୍କୁ ଏହି ମ୍ୟାଚ୍ ପାଇଁ ଅନୁମତି ପ୍ରଦାନ କରିଛି । ଫଳରେ ଗତ ଦୁଇ ସପ୍ତାହ ଧରି ଲାଗିଥିବା ଦ୍ୱନ୍ଦ୍ୱ ଦୂର ହୋଇଛି ।

ପାକିସ୍ତାନ ପ୍ରଧାନମନ୍ତ୍ରୀ ଶେହଓ୍ୱାଜ ସରିଫଙ୍କୁ ପିସିବି ମୁଖ୍ୟ ମୋହସିନ ନକଭି, ବାଂଲାଦେଶ କ୍ରିକେଟ୍ ମୁଖ୍ୟ ଏବଂ ଅନ୍ୟ ସଦସ୍ୟ ଦେଶର ପ୍ରତିନିଧିଙ୍କ ସହ ଅନୁଷ୍ଠିତ ଉଚ୍ଚସ୍ତରୀୟ ବୈଠକ ନେଇ ସୂଚନା ଦେଇଛନ୍ତି । ଏହାପରେ ସରକାର ସମସ୍ତ ପ୍ରସଙ୍ଗକୁ ବିଚାର କରି ମ୍ୟାଚ୍ ପାଇଁ ସବୁଜ ସଙ୍କେତ ପ୍ରଦାନ କରିଛନ୍ତି ।

​​​​​​​ଏହି ଖବରଟି ପଢନ୍ତୁ... ଇଶାନ କିଶନଙ୍କଠୁ ନେଇ ମହମ୍ମଦ ଶାମିଙ୍କ ପର୍ଯ୍ୟନ୍ତ, BCCIର କେନ୍ଦ୍ରୀୟ ଚୁକ୍ତିରେ ନାହିଁ ୫ ଖେଳାଳିଙ୍କ ନାଁ

ପ୍ରଥମେ ପାକିସ୍ତାନ ନିଜ ସରକାରଙ୍କ ପରାମର୍ଶରେ ମ୍ୟାଚ୍ ଖେଳିବ ନାହିଁ ବୋଲି କହିଥିଲା । ଏହାପରେ ଟୁର୍ଣ୍ଣାମେଣ୍ଟରେ ସଙ୍କଟ ବଢିଥିଲା । କୋଟି କୋଟି ଟଙ୍କା କ୍ଷତି ହେବାର ଆଶଙ୍କା ରହିଥିଲା । ତେବେ ଆଇସିସିର କଡା ଆଭିମୁଖ୍ୟ, ବାଂଲାଦେଶ ଏବଂ ଶ୍ରୀଲଙ୍କାର ଅପିଲ କାରଣରୁ ପିସିବି ରାଜି ହୋଇଯାଇଛି । ଅନ୍ୟ ଦିଗରେ ପାକିସ୍ତାନ ମୁକାବିଲା ନଖେଳିଥିଲେ ବାସନ୍ଦ ହେବାର ସମ୍ଭାବନା ମଧ୍ୟ ରହିଥିଲା ।

ଲାହୋର ମିଟିଂ ପରେ ଫିଟିଲା ବାଟ

ରବିବାର ଲାହୋରରେ ଉଚ୍ଚସ୍ତରୀୟ ବୈଠକ ହୋଇଥିଲା । ଏଥିରେ ପାକିସ୍ତାନ କିଛି ସର୍ତ୍ତ ରଖିଥିଲା । ଯେଉଁଥିରେ ଆଇସିସି ସହମତି ପ୍ରକାଶ କରିନଥିଲା । ଏହାସହ ପିସିବି ଉପରେ ଚାପ ପକାଇଥିଲା । ଯାବାପରେ ପାକିସ୍ତାନ ବାଟକୁ ଆସିବା ସହ ନରମିଥିଲା । ଫଳରେ ମ୍ୟାଚ୍ ଖେଳା।ଯିବାକୁ ନେଇ ରାସ୍ତା ସଫା ହୋଇଥିଲା ।