ହାରିଯିବେ କି ତେଜସ୍ୱୀ-ତେଜ ପ୍ରତାପ ? ପଛରେ ରହିଛନ୍ତି ଲାଲୁଙ୍କ ୨ ପୁଅ

ପାଟନା, ୧୪|୧୧: ବିହାର ରାଜନୀତିରେ ମୋଦୀ-ନୀତିଶ ସୁନାମି । ରାଜ୍ୟରେ ବଜ ବିଜୟ ଅଭିମୁଖେ ବଢୁଛି ବିଜେପି ଏବଂ ଜେଡିୟୁ । ଏନଡିଏ ମେଣ୍ଟ ଏବେସୁଦ୍ଧା ୧୯୦ରୁ ଅଧିକ ଆସନରେ ଆଗୁଆ ରହିଛନ୍ତି । ଅନ୍ୟ ଦିଗରେ ଆରଜେଡି ଏବଂ କଂଗ୍ରେସର ମହାଗଠବନ୍ଧନ ମାତ୍ର ୫୦ ଆସନରେ ଅଟକି ଯାଇଛି । କିନ୍ତୁ ସବୁଠୁ ବେଶି ଝଟକା ଖାଇଛନ୍ତି ଆରଜେଡି ନେତା ଲାଲୁ ପ୍ରସାଦ ଯାଦବଙ୍କ ଦୁଇ ପୁଅ ତେଜ ପ୍ରତାପ ଏବଂ ତେଜସ୍ୱୀ ।

ନିର୍ବାଚନରେ ମହୁଆ ବିଧାନସଭା ଆଶନରେ ଭାଗ୍ୟ ପରୀକ୍ଷା କରିଥିଲେ ଲାଲୁଙ୍କ ପୁଅ ତେଜ ପ୍ରତାପ । ନିଜେ ଏକ ନୂଆ ଦଳ ଗଢି ପ୍ରାର୍ଥୀ ହୋଉଥିଲେ । କିନ୍ତୁ ମହୁଆରେ ତେଜ ପ୍ରତାପ ଖୁବ୍ ପଛରେ ରହିଛନ୍ତି । ତାଙ୍କର ବଡ ବଡ ଭାଷଣ ଭୋଟରେ ପରିଲକ୍ଷିତ ହୋଇନଥିବା ଦେଖିବାକୁ ମିଳିଛି ।

ମହୁଆରେ ତେଜ ପ୍ରତାପଙ୍କ ବିରୋଧରେ ଏନଡିଏ ପ୍ରାର୍ଥୀ ହୋଇଥିଲେ ସଂଜୟ ସିଂ । ଷଷ୍ଠ ରାଉଣ୍ଡ ସୁଧା ସଂଜୟ ସିଂ ୧୯୧୦୬ ଭୋଟ୍ ପାଇଥିବା ବେଳେ ୫୨୭୮ ଭୋଟରେ ଆଗରେ ରହିଛନ୍ତି । ଦ୍ୱିତୀୟ ସ୍ଥାନରେ ଆରଜେଡିର ମୁକେଶ ରୋସନ ଥିବା ବେଳେ ଏଆଇଏମଆଇଏମର ପ୍ରାର୍ଥୀ ଅମିତ କୁମାର ତୃତୀୟ ସ୍ଥାନରେ ଅଛନ୍ତି । ଅନ୍ୟ ଦିଗରେ ତେଜ ପ୍ରତାପଙ୍କୁ ମାତ୍ର ୪୩୯୯ ଭୋଟ୍ ମିଳିଛି ।

ସେହିପରି ରଘୋପୁରରୁ ପ୍ରାର୍ଥୀ ହୋଇଥିବା ତେଜସ୍ୱୀ ଯାଦବଙ୍କ ବିଜୟ ମଧ୍ୟ ଅନିଶ୍ଚିତତାରେ ରହିଛି । ତାଙ୍କୁ କଡା ଟକ୍କର ଦେଉଛନ୍ତି ବିଜେଡି ପ୍ରାର୍ଥୀ ସତିଶ କୁମାର । ସପ୍ତମ ରାଉଣ୍ଡ ସୁଦ୍ଧା ତେଜସ୍ୱୀ ପଛରେ ଥିବା ବେଳେ ସତିଶ ଆଗରେ ରହିଥିଲେ । କିନ୍ତୁ ଅଗଷ୍ଟମ ରାଉଣ୍ଡରେ ତେଜସ୍ୱୀ ସାମାନ୍ୟ ଆଗରେ ରହିଛନ୍ତି । ଅର୍ଥାତ ତାଙ୍କ ବିଜୟକୁ ନେଇ ଏବେଠୁ କହିବା ଅସମ୍ଭବ ହୋଇଯିବ । ସେ ପରାସ୍ତ ମଧ୍ୟ ହୋଇପାରନ୍ତି ।