ମୁହଁ ଖୋଲିଲେ ହ୍ୟୁମାନ ସାଗରଙ୍କୁ ମ୍ୟାନେଜର, କହିଲେ- ମୋର କିଛିବି ହୋଇଯାଇପାରେ

ଭୁବନେଶ୍ବର: ହ୍ୟୁମାନ ସାଗରଙ୍କ ମୃତ୍ୟୁ ପରେ ଆରମ୍ଭ ହୋଇଯାଇଛି ବାଦ ବିବାଦ। ହ୍ୟୁମାନଙ୍କ ସ୍ବାସ୍ଥ୍ୟାବସ୍ଥା ଖରାପ ଥିଲା, ହେଲେବି ତାଙ୍କୁ ଜାଣିଶୁଣି କାର୍ଯ୍ୟକ୍ରମରେ ଯିବାକୁ କୁହାଯାଉଥିଲା। ବିଶେଷ କରି ହ୍ୟୁମାନଙ୍କୁ ଦୁଇ ମ୍ୟାନେଜର ଦୀନେଶ ବେହେରା ଏବଂ ପ୍ରଶାନ୍ତ ବେହେରାଙ୍କୁ ଦାୟୀ କରିଛନ୍ତି ଅନେକ ବ୍ୟକ୍ତି। ଏମିତିକି ଉଭୟଙ୍କ ନାଁରେ ଥାନାରେ ଏତଲା ମଧ୍ୟ ଦିଆଯାଇଛି।

ତେବେ ଏସବୁ ମଧ୍ୟରେ ନ୍ୟୁଜ ୭କୁ ପ୍ରତିକ୍ରିୟା ଦେଇଛନ୍ତି ମ୍ୟାନେଜର ଦୀନେଶ ବେହେରା। ଦୀନେଶ କହିଛନ୍ତି, ହ୍ୟୁମାନଙ୍କ ମୃତ୍ୟୁ ମୋତେ ମର୍ମାହତ କରିଛି। ହେଲେ ଆମକୁ ଅଯଥା ଦାୟୀ କରାଯାଉଛି। ମୋର କିଛିବି ହୋଇଯାଇପାରେ। ହ୍ୟୁମାନଙ୍କ ମୃତ୍ୟୁ ପରେ ମୁଁ ଚାପରେ ଅଛି।’’

‘ହ୍ୟୁମାନ ନିଜେ ଷ୍ଟେଜକୁ ଯାଉଥିଲେ। ସେ ରାଜି ହେଲେ ହିଁ କାର୍ଯ୍ୟକ୍ରମକୁ ଯାଉ। ହ୍ୟୁମାଙ୍କ ବିନା ଅନୁମତିରେ ଆମେ ଶୋ’ କରୁନାହିଁ। ହେଲେ ତାଙ୍କ ଦେହର ଅବସ୍ଥା ଦେଖି ମୁଁ ନିଜେ ତାଙ୍କୁ ଗାଇବାକୁ ମନା କରୁଥିଲେ ଏବଂ ଚିକିତ୍ସା ପାଇଁ ଯିବାକୁ କହୁଥିଲେ।’’