‘ବ୍ଲାକ୍ ବକ୍ସ ଓ୍ୱାର୍ଣ୍ଣିଂ’ ଚିଠାରେ ଯୋଡ଼ିହେବ କୋଭିଡ୍ ଭ୍ୟାକ୍ସିନ ? FDAର ପ୍ରସ୍ତୁତିକୁ ନେଇ ବିଶ୍ୱବ୍ୟାପୀ ହଇଚଇ

ନୂଆଦିଲ୍ଲୀ: କୋଭିଡ୍ ଭ୍ୟାକ୍ସିନ ସମ୍ପର୍କରେ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ଟିକାକୁ ବିପଜ୍ଜନକ ଚେତାବନୀ, "ବ୍ଲାକ୍ ବକ୍ସ ଓ୍ୱାର୍ଣ୍ଣିଂ"ରେ ଯୋଡିବା ନେଇ ବିଚାର କରୁଛି। ଏହି ଚେତାବନୀ ଔଷଧ ପ୍ୟାକେଜ୍ ଏବଂ ପ୍ରେସକ୍ରିପସନର ଉପରେ ଆଧାରିତ । ଏହା ମେଡିସିନ ସହିତ ଜଡିତ ଗମ୍ଭୀର ବିପଦର ସମ୍ଭାବନାକୁ ସୂଚିତ କରେ। COVID ଟିକା ଉପରେ ଚେତାବନୀ କାହିଁକି? ଆସନ୍ତୁ ବୁଝିବା ଯେ ବ୍ଲାକ୍ ବକ୍ସ ଓ୍ୱାର୍ଣ୍ଣିଂ କ'ଣ।

ବ୍ଲାକ୍ ବାକ୍ସ ଓ୍ୱାର୍ଣ୍ଣିଂ ହେଉଛି FDA ଦ୍ୱାରା ଜାରି କରାଯାଇଥିବା ଏକ କଡ଼ା ଚେତାବନୀ। ଏଥିରେ ଉଲ୍ଲେଖ ଅଛି ଯେ ମେଡିସିନ ବିରଳ କିନ୍ତୁ ଗମ୍ଭୀର ଜଟିଳତା ସୃଷ୍ଟି କରିପାରେ। ଏହି ବିପଦଗୁଡ଼ିକ ଗମ୍ଭୀର ପାର୍ଶ୍ୱ ପ୍ରତିକ୍ରିୟା ପକାଇପାରେ। ଏହିପରି ଚେତାବନୀ ପୂର୍ବରୁ ଓପିଓଏଡ୍ ପେନ କିଲର ଏବଂ Accutane ପରି ମେଡିସିନ ପାଇଁ ଜାରି କରାଯାଇଛି।

ଅନ୍ତର୍ଜାତୀୟ ଗଣମାଧ୍ୟମ ଅନୁଯାୟୀ କିଛି ବିଶେଷଜ୍ଞ COVID ଟିକା ସହିତ ଜଡିତ ବିପଦ, ବିଶେଷକରି ଯୁବ ବୟସ୍କଙ୍କ ମଧ୍ୟରେ ମାୟୋକାର୍ଡାଇଟିସ୍ ନାମକ ହୃଦ୍ ପ୍ରଦାହର ସମ୍ଭାବନା ବିଷୟରେ ଚିନ୍ତା ପ୍ରକାଶ କରିଛନ୍ତି। ଏହା ପରେ FDA ବ୍ଲାକ ବକ୍ସରେ ସାମିଲ କରିବାକୁ ବିଚାର କରୁଛି। ଆଲୋଚନା ଚାଲିଛି। ଏପର୍ଯ୍ୟନ୍ତ ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ। ଚେତାବନୀରେ କ'ଣ ଅନ୍ତର୍ଭୁକ୍ତ ହେବ ତାହା ମଧ୍ୟ ସ୍ପଷ୍ଟ ନୁହେଁ।

ଏହି ଚେତାବନୀ କେବଳ ଫାଇଜର ଏବଂ ମଡର୍ଣ୍ଣାର mRNA ଭ୍ୟାକ୍ସିନ ପାଇଁ ଜାରି କରାଯିବ ନା ସମସ୍ତ COVID-19 ଭ୍ୟାକ୍ସିନ ପାଇଁ ଜାରି କରାଯିବ। ରିପୋର୍ଟ ଅନୁଯାୟୀ, ଆମେରିକାର ସ୍ୱାସ୍ଥ୍ୟ ବିଭାଗ କହିଛି ଯେ FDA ନିଜସ୍ୱ ଘୋଷଣା ନକରିବା ପର୍ଯ୍ୟନ୍ତ ଏହା କେବଳ ଅନୁମାନ। ଏହି ସମୟରେ, ଫାଇଜର ଏବଂ ମଡର୍ଣ୍ଣା କହିଛନ୍ତି ଯେ ସେମାନଙ୍କର ଭ୍ୟାକ୍ସିନକୁ ସାରା ବିଶ୍ୱରେ ନିରୀକ୍ଷଣ କରାଯାଇଛି ଏବଂ ବହୁ ସଂଖ୍ୟକ ଲୋକ ସେଗୁଡ଼ିକୁ ଗ୍ରହଣ କରିଛନ୍ତି। ଏପର୍ଯ୍ୟନ୍ତ ପିଲା କିମ୍ବା ଗର୍ଭବତୀ ମହିଳାଙ୍କଠାରେ କୌଣସି ନୂତନ ପାର୍ଶ୍ୱ ପ୍ରତିକ୍ରିୟା ଦେଖାଯାଇ ନାହିଁ।

ରିପୋର୍ଟରେ କୁହାଯାଇଛି ଯେ ଜଣେ ବରିଷ୍ଠ FDA ଅଧିକାରୀ ପୂର୍ବରୁ ଟୀକା ନୀତିକୁ ସମାଲୋଚନା କରିଥିଲେ। ତଥାପି, ସେ ବର୍ତ୍ତମାନ ଚେତାବନୀ ପାଇଁ ସମର୍ଥନ କରୁଛନ୍ତି। ଏହି ସମୟରେ mRNA ଟିକାକୁ ନେଇ ବିବାଦ ଦେଖାଦେଇଛି। ଟୀକା ଲେବଲରେ ଉଲ୍ଲେଖ ଅଛି ଯେ 12 ରୁ 24 ବର୍ଷ ବୟସର ପୁରୁଷମାନେ ମାୟୋକାର୍ଡାଇଟିସ୍ ହେବାର ଅଧିକ ବିପଦରେ ଅଛନ୍ତି। ଏହା ଦ୍ୱାରା କିଛି ସଂଗଠନ ଟୀକାର ଲାଇସେନ୍ସକୁ ବାତିଲ କରିବାକୁ ଦାବି କରିଛନ୍ତି।