କୃଷି ସମସ୍ୟାକୁ ନେଇ ବିରୋଧୀଙ୍କୁ ମନ୍ତ୍ରୀଙ୍କ ଟାର୍ଗେଟ୍, କହିଲେ- ରାତାରାତି ସମସ୍ୟା ସୁଧୁରୁବନି

ଭୁବନେଶ୍ଵର: ଇନ ପୁଟ ସବସିଡି ବଢିବା କାରଣରୁ ଚାଷୀ ଅଧିକ ଧାନ ଚାଷ କରୁଛନ୍ତି। କିନ୍ତୁ ଭିତ୍ତିଭୂମି ନଥିଲା। ଚାଷୀଙ୍କ ପାଇଁ କୌଣସି ସୁବିଧା ନଥିଲା। କ୍ଵାଲିଟି ଟେଷ୍ଟ ପାଇଁ ବି ବ୍ୟବସ୍ଥା ନଥିଲା। ମଡେଲ ମଣ୍ଡି ନଥିଲା। ବିରୋଧୀଙ୍କୁ ଟାର୍ଗେଟ୍ କରି ଏହା କହିଛନ୍ତି ରାଜସ୍ଵ ମନ୍ତ୍ରୀ ସୁରେଶ ପୂଜାରୀ।

ସାମ୍ବାଦିକ ସମ୍ମିଳନୀରେ ମନ୍ତ୍ରୀ କହିଛନ୍ତି, ଭିତ୍ତିଭୂମି ପ୍ରସ୍ତୁତ କରିବାକୁ ସରକାର ନିଷ୍ପତ୍ତି ନେଉଥିଲେ। ସମସ୍ୟା ସୁଧାରିବାକୁ ଉଦ୍ୟମ କଲାବେଳେ ଛୋଟ ସମସ୍ୟା ଆସେ। ରାତାରାତି ସମସ୍ୟା ସୁଧୁରୁବନି। । ୧୦୦ ଟି ମଡେଲ ମଣ୍ଡି ପାଇଁ ସରକାର ପ୍ଲାନ ପ୍ରସ୍ତୁତ କରିସାରିଛନ୍ତି l ୫ ଲକ୍ଷ ମେଟ୍ରିକ ଟନ ବିଶିଷ୍ଟ ଗୋଦାମ ନିର୍ମାଣ କରାଯାଉଛି। ଆଲୋଚନା ହେଲେ ପୂର୍ବ ସରକାରର ଦୋଷ ଦୁର୍ବଳତା ସାମ୍ନାକୁ ଆସିଯିବ।

Also read: ​​​​​​​ଡ୍ୟୁଟି ସାରି ଘରକୁ ଫେରୁଥିଲେ, ତିନି ଦିନ ହେବ ପ୍ରଧାନ ଶିକ୍ଷକ ନିଖୋଜ

ଡିବେଟ ହେଲେ ପୂର୍ବ ସରକାର କଣ କରୁଛନ୍ତି ତଥ୍ୟ ସାମ୍ନାକୁ ଆସିଯିବ।ତେଣୁ ସମୟ ଗଡାଇବା ପାଇଁ କଉ ଯୋଜନା କରୁଛି ବିଜେଡି। ଚାଷ ଜମି ବଢୁଛି, ଧାନ ଚାଷୀ ବଢ଼ୁଛନ୍ତୁ, କିନ୍ତୁ ଉତ୍ତରାଧିକାରୀ ସୂତ୍ରରେ ମିଳିଛି ସମସ୍ୟା। ଅଧିକ ଧାନ ଆସୁଥିବାରୁ ସମସ୍ୟା ହେଉଛି। ପ୍ରତ୍ୟକ୍ଷ ଆଲୋଚନା ପାଇଁ ସରକାର ପ୍ରସ୍ତୁତ। ସର୍ବଦଳୀୟ ବୈଠକ ବି ଫେଲ ମାରିଲା ବୋଲି ମନ୍ତ୍ରୀ ସୁରେଶ ପୂଜାରୀ କହିଛନ୍ତି।

ସୂଚନାଯୋଗ୍ୟ, ଚାଷୀ ଏବଂ ମଣ୍ଡି ସମସ୍ୟାକୁ ନେଇ ବିଧାନସଭାର ବଜେଟ୍ ଅଧିବେଶନରେ ରାଜ୍ୟର ବିଜେପି ସରକାରଙ୍କୁ ଘେରିଛନ୍ତି ବିରୋଧୀ ବିଜେଡି ଓ କଂଗ୍ରେସ। ଏହି ପ୍ରସଙ୍ଗକୁ ନେଇ ଗୃହରେ ପ୍ରବଳ ହଟ୍ଟଗୋଳ ହେବା ସହ ବାରମ୍ବାର ମୁଲତବୀ ହେଉଛି। ଏହି ପରିପ୍ରେକ୍ଷୀରେ ସାମ୍ବାଦିକ ସମ୍ମିଳନୀରେ ବିରୋଧୀଙ୍କ ଉପରେ ବର୍ଷିଛନ୍ତି ରାଜସ୍ଵ ମନ୍ତ୍ରୀ।