ଏହି ଦେଶରେ ତାଣ୍ଡବ ରଚିବ ମୃତ୍ୟୁ, ବହିବ ରକ୍ତର ନଦୀ,ଜାଣନ୍ତୁ ଆଉ କ’ଣ ସବୁ ହେବ ଆଗାମୀ ବର୍ଷ?

ନୂଆଦିଲ୍ଲୀ ୪।୧୨: ବର୍ଷ ୨୦୨୬ ଆରମ୍ଭ ହେବାକୁ ଆଉ ୨୬ ଦିନ ବାକି ହେଲେ ବର୍ଷକୁ ନେଇ ଭବିଷ୍ୟତବାଣୀ ଏବେ ସୋସିଆଲ ମିଡିଆକୁ ଉଷ୍ମ କରିଛି। ବାବା ଭେଙ୍ଗା ଓ ଫରାସୀ ଭବିଷ୍ୟତ ବକ୍ତା ମାଇକଲ ଦି ନାସ୍ତ୍ରେଦମସଙ୍କ ଭଳି ଲୋକେ ସେମାନଙ୍କ ଭବିଷ୍ୟବାଣୀ ପୁସ୍ତକରେ ୨୦୨୬କୁ ନେଇ ଲେଖିଥିବା କଥା ଏବେ ଚର୍ଚ୍ଚାର ବିଷୟ ପାଲଟିଛି, ଯାହା ଏବେ ଲୋକଙ୍କୁ ଆତଙ୍କିତ କରୁଛି। ନାସ୍ତ୍ରେଦମସ ୨୦୨୬ ଲାଗି ଯେଉଁ ଘଟଣା ସବୁ ଉଲ୍ଲେଖ କରିଛନ୍ତି ଇଣ୍ଟରନେଟରେ ତାହା ଜାଣିବା ପରେ ଲୋକେ ଭୟ ପାଇ ଯାଇଛନ୍ତି।

ସ୍ୱିଜରଲ୍ୟାଣ୍ଡରେ ବହିବ ରକ୍ତର ନଦୀ
ମାଇକେ ଦି ନାସ୍ତ୍ରେଦମସଙ୍କ ଏକ ଭୟଙ୍କର ଭବିଷ୍ୟବାଣୀ ଅନୁସାରେ ସ୍ୱିଜରଲ୍ୟାଣ୍ଡର ତିଚିନୋ ସହର ରକ୍ତରଞ୍ଜିତ ହେବ। ଏଠାରେ ଭୀଷଣ ବିନାଶଲିଳା ଆସିବ। ତିଚିନୋ ସହରଟି ଜଙ୍ଗଲ, ଗ୍ଲାସିୟର, ହ୍ରଦ ଓ ଝରଣା ଭଳି ପ୍ରାକୃତିକ ସମ୍ଭାରରେ ପରିପୂର୍ଣ୍ଣ। ତେବେ କେହି ଜାଣନ୍ତିନି ଏହି ଜାଗାର ନାମ ନାସ୍ତ୍ରେଦମସଙ୍କ ପୁସ୍ତକରେ କିପରି ଆସିଲା? ହେଲେ ସେଠାକାର ଲୋକେ ଏହି ଭବିଷ୍ୟବାଣୀକୁ ନେଇ ଏବେ ଆତଙ୍କିତ ହୋଇପଡିଛନ୍ତି।

ତୃତୀୟ ବିଶ୍ୱଯୁଦ୍ଧ ଓ ୭ ମାସର ସଂଘର୍ଷ
ନାସ୍ତ୍ରେଦମସଙ୍କ ପରବର୍ତ୍ତି ଭବିଷ୍ୟତବାଣୀରେ ଯାହା ସବୁଠୁ ଚର୍ଚ୍ଚାରେ ରହିଛି ତାହା ହେଉଛି ବଡ଼ ବୈଶ୍ୱିକ ଯୁଦ୍ଧ। ଭବିଷ୍ୟବାଣୀ ଅନୁସାରେ ଆଗାମୀ ବର୍ଷ ୨୦୨୬ରେ ଏକ ବଡ଼ ଯୁଦ୍ଧ ହୋଇପାରେ ଓ ଏହା ଭୟଙ୍କର ବିନାଶର କାରଣ ପାଲଟିବ। ଲୋକେ ଏହାକୁ ତୃତୀୟ ବିଶ୍ୱଯୁଦ୍ଧ ବୋଲି ଆକଳନ କରୁଛନ୍ତି, ଯାହା ବିଶ୍ୱର ଦୁଇ ମହାଶକ୍ତିଙ୍କ ମଧ୍ୟରେ ଲଢାଯିବ। ନାସ୍ତ୍ରେଦମସଙ୍କ ଭବିଷ୍ୟବଣୀ ଅନୁସାରେ ଏହି ଯୁଦ୍ଧ ୭ ମାସ ଚାଲିବ। ବିଶେଷଜ୍ଞଙ୍କ ଅନୁସାରେ ଏହି ଭବିଷ୍ୟବାଣୀ ୨୦୨୬ ବର୍ଷ ନିମନ୍ତେ ସଠିକ ହୋଇପାରେ। ସେମାନଙ୍କ କହିବା କଥା ହେଲା ଆମେରିକା, ଋଷିଆ ଓ ଚୀନ୍ ଭଳି ବଡ ଦେଶ ପରସ୍ପର ଉପରେ ଆକ୍ରମଣ କରିପାରନ୍ତି।

ନାସ୍ତ୍ରେଦମସଙ୍କ ଭବିଷ୍ୟତବାଣୀଗୁଡିକ ସୋସିଆଲ ମିଡିଆରେ ଏବେ ଟ୍ରୋଲିଂ ଓ ଭୟ ଉଭୟ ବିଷୟ ପାଲଟିଛି। ୟୁଜର୍ସ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି। ଏଥିରେ ଜଣେ ୟୁଜର ଲେଖିଛନ୍ତି ଯେ ଯଦି ନାସ୍ତ୍ରେଦମସଙ୍କ ଭବିଷ୍ୟତବାଣୀ ସତ୍ୟ ସାବ୍ୟସ୍ତ ହୁଏ ତେବେ ବଡ଼ ବିନାଶ ଆସିବ। ଏଥିରେ ଆଉ ଜଣେ ୟୁଜର ନିରାଶା ବ୍ୟକ୍ତ କରି କହିଛନ୍ତି ଯେ ଯଦି ୨୦୨୫ ଏତେ ଭୟଙ୍କର କଟୁଛି ଏଥିରେ ୨୦୨୬ ନେଇ ଆଉ କହିବା କଣ? ଆଉ ଜଣେ ୟୁଜର ମଜାଦାର କମେଣ୍ଟ କରିଛନ୍ତି। ସେ ଲେଖିଛନ୍ତି ମୁଁ ହିମାଳୟ ଚାଲିଯାଉଛି ବିଶ୍ୱ ସମାପ୍ତ ହୋଇଗଲେ ମୋତେ ଜଣାଇ ଦେବେ।