ବାଇକ୍- ଟାଟା ଏସି ମୁହାଁମୁହିଁ ଧକ୍କା, ଚାଲିଗଲା ଜଣଙ୍କ ଜୀବନ

ମୋରଡ଼ା ୩୦।୧୧ : ବାଇକ୍-ଟାଟା ଏସି ମୁହାଁମୁହିଁ ଧକ୍କା । ଯେଉଁଥିରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ଯୁବକଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଗୁରୁତର ଥିବା ଯୁବକ ଜଣଙ୍କ ହେଲେ ମୋରଡ଼ା ଥାନା ପାରିଆକୁଲି ସରାଶୋଳ ଗାଁ ରତନ ଟୁଡୁ ବୋଲି ଜଣାପଡିଛି ।

ଖବର ଅନୁଯାୟୀ, ବିଳମ୍ବିତ ରାତିରେ ଜସାୟ ମୁର୍ମୁ ଏକ ବାଇକ ଯୋଗ ଦୁଇ ଜଣ ସାଙ୍ଗ ସହିତ ମୋରଡ଼ା ଯାଉଥିଲେ । ଏହି ସମୟରେ ପେଟ୍ରୋଲ ପମ୍ପ ନିକଟରେ ଏକ ଟାଟା ଏସି ସହିତ ଧକ୍କା ହୋଇଥିଲା । ଯାହାଫଳରେ ଜସାୟ ଗୁରୁତର ହୋଇଥିଲେ । ଜୟାୟଙ୍କୁ ଆମ୍ବୁଲାନ୍ସ ଯୋଗେ ବାରମାଇଲ ସ୍ଥିତ କିଶାନତାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ହୋଇଥିବା ବେଳେ ପ୍ରାଥମିକ ଚିକିତ୍ସା ପରେ ପଣ୍ଡିତ ରଘୁନାଥ ମୁର୍ମୁ ଓ ମେଡିକାଲ କଲେଜକୁ ପଠାଯାଇଛି । ବାରିପଦାରେ ଚିକିତ୍ସାଧୀନ ଅବସ୍ଥାରେ ଜସାୟଙ୍କ ମୃତ୍ୟୁ ଘଟିଥିଲା । ବାକି ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ଦୁଇଟି ଗାଡ଼ିକୁ ଜବତ କରି ତଦନ୍ତ ଆରମ୍ଭ କରିଥିବା ଜଣାପଡିଛି ।