CITES ସ୍ଥାୟୀ କମିଟି ଏବଂ ସଦସ୍ୟ ରାଷ୍ଟ୍ରଙ୍କ ପକ୍ଷରୁ କ୍ଲିନଚିଟ୍, ସଂରକ୍ଷଣ ଉତ୍କର୍ଷର ଏକ ଆଇନଗତ ବିଶ୍ୱବ୍ୟାପୀ କେନ୍ଦ୍ର ଭାବରେ ମିଳିଲା ସମର୍ଥନ

ନୂଆଦିଲ୍ଲୀ: ପଶୁ ଆମଦାନୀ ପ୍ରସଙ୍ଗରେ ଭାରତର ସ୍ଥିତିକୁ ଏକ ନିର୍ଣ୍ଣାୟକ ସମର୍ଥନ ପ୍ରଦାନ କରିଛନ୍ତି CITESର ସ୍ଥାୟୀ କମିଟି ଏବଂ ସଦସ୍ୟ ରାଷ୍ଟ୍ର। ରବିବାର ଉଜବେକିସ୍ତାନର ସମରକନ୍ଦରେ ଅନୁଷ୍ଠିତ CITESର ବୈଠକରେ ଏହାର ସ୍ଥାୟୀ କମିଟି ଏବଂ ସଦସ୍ୟ ରାଷ୍ଟ୍ରମାନେ ନିଶ୍ଚିତ କରିଛନ୍ତି ଯେ, ପଶୁ ଆମଦାନୀ ସମ୍ପର୍କରେ ଦେଶ ବିରୁଦ୍ଧରେ କୌଣସି ପଦକ୍ଷେପ ଗ୍ରହଣ କରିବା ପାଇଁ କୌଣସି ପ୍ରମାଣ କିମ୍ବା ଆଧାର ନାହିଁ।

ଆଉ ଏହି ପ୍ରମାଣ ବନତାରର ଆଇନଗତ, ସ୍ବଚ୍ଛ ଏବଂ ବିଜ୍ଞାନ ଆଧାରିତ ବନ୍ୟପ୍ରାଣୀଙ୍କ ଯତ୍ନ ମଡେଲର ଏକ ଶକ୍ତିଶାଳୀ ଉଦାହରଣ। ଯେଉଁଠାରେ ବିଶ୍ୱ ମାନଦଣ୍ଡ ସହ ଏହାର ଅନୁପାଳନ ଏବଂ ସବୁଠାରୁ ନୈତିକ ଭାବରେ ଶାସିତ ଏବଂ ସୁବ୍ୟବସ୍ଥିତ ଭାବରେ ପରିଚାଳିତ ବନ୍ୟପ୍ରାଣୀ ସଂରକ୍ଷଣ କେନ୍ଦ୍ର ମଧ୍ୟରୁ ଗୋଟିଏ ଭାବରେ ଏହାର ସ୍ଥିତିକୁ ପୁଣି ପକ୍କା କରିଛି।

ଅନ୍ତର୍ଜାତୀୟ ବନ୍ୟପ୍ରାଣୀ ବ୍ୟାପାର ସନ୍ଧି (ସିଆଇଟିଇଏସ), ବିଶ୍ୱବ୍ୟାପୀ ବିଲୁପ୍ତପ୍ରାୟ ପ୍ରଜାତିର ବନ୍ୟପ୍ରାଣୀ ଏବଂ ପକ୍ଷୀଙ୍କ ଅବୈଧ ବ୍ୟାପାର ଉପରେ ନଜର ରଖୁଥିବା ସଂଗଠନ । ପ୍ରକୃତରେ CITES ସଚିବ, ସେପ୍ଟେମ୍ବର ୨୦୨୫ରେ ବନତାରାକୁ ଦୁଇ ଦିନିଆ ଗସ୍ତ କରି ଏଠାରେ କିଭଳି ପଶୁଚିକିତ୍ସା ବ୍ୟବସ୍ଥା ରହିଛି ? ସବୁ ପଶୁଙ୍କ ତଥ୍ୟ, ଉଦ୍ଧାର କାର୍ଯ୍ୟ ଏବଂ ଓ୍ବେଲଫେୟାର ପ୍ରୋଟୋକଲର ବିସ୍ତୃତ ଯାଞ୍ଚ କରିଥିଲେ।

ସେପ୍ଟେମ୍ବର ୩୦ରେ ଯାଞ୍ଚ ରିପୋର୍ଟ ଷ୍ଟାଣ୍ଡିଂ କମିଟିକୁ ହସ୍ତାନ୍ତର ହୋଇଥିଲା, CITES ସଚିବ ବନତାରକୁ ଆଧୁନିକ ଭିତ୍ତିଭୂମି, ଆଧୁନିକ ଚିକିତ୍ସା ପ୍ରଣାଳୀ ଏବଂ ପଶୁଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଥିବା ବିଶ୍ବସ୍ତରୀୟ ସିଷ୍ଟମ ଥବା ସଂସ୍ଥା ଭାବରେ ମାନ୍ୟତା ଦେଇଥିଲା ଯାଞ୍ଚ ରିପୋର୍ଟରୁ ଏହା ସ୍ପଷ୍ଟ ହୋଇଛି ଯେ, ବନତାରା ସଂପୂର୍ଣ୍ଣ ଭାବରେ ପଶୁଙ୍କ କଲ୍ୟାଣ ଏବଂ ସଂରକ୍ଷଣ ଉପରେ କେନ୍ଦ୍ରିତ। ଏହା କୌଣସି ପ୍ରକାରର ପଶୁ ବ୍ୟବସାୟରେ ନିୟୋଜିତ ନୁହେଁ। ରିପୋର୍ଟରେ ବନ୍ତରାର ମହତ ଉଦ୍ଦେଶ୍ୟ CITES ପ୍ରକ୍ରିୟା ସହିତ ସମନ୍ୱୟ କଥା ମଧ୍ୟ କୁହାଯାଇଥିଲା।

ଏମିତିରେ ଆଉ ରବିବାର ସ୍ଥାୟୀ କମିଟିରେ ବହୁସଂଖ୍ୟକ ସଦସ୍ୟ ଭାରତର ସ୍ଥିତିକୁ ସମର୍ଥନ ନିଶ୍ଚିତ କରିଛି ଯେ, ବନତାରାରେ ସମସ୍ତ ପ୍ରାଣୀ ଆଇନଗତ ଭାବରେ ଅଣ-ବାଣିଜ୍ୟିକ ଉଦ୍ଦେଶ୍ୟରେ ବୈଧ ଆମଦାନୀ ଅନୁମତି ସହିତ ଅଧିଗ୍ରହଣ କରାଯାଇଥିଲା, କୌଣସି ବନ୍ୟପ୍ରାଣୀ ଚୋରାଚାଲାଣ, ମନି ଲଣ୍ଡରିଂ କିମ୍ବା ଆର୍ଥିକ ଅନିୟମିତତା ଘଟିନାହିଁ।