BBLରୁ ବିଦା ହେଲେ କି ବାବର ଆଜମ୍ ? ପାକିସ୍ତାନ ଫେରି ଆସିବାକୁ କହିଲା ପିସିବି

ସିଡନୀ,୨୨|୦୧:ବାବର ଆଜମଙ୍କୁ ଝଟକା । ଆଉ ଖେଳିବେନି ଅଷ୍ଟ୍ରେଲିଆର ପ୍ରସିଦ୍ଧ କ୍ରିକେଟ୍ ଟୁର୍ଣ୍ଣାମେଣ୍ଟ ବିଗ୍ ବାସ୍ ଲିଗ୍ । ଟୁର୍ଣ୍ଣାମେଣ୍ଟ ଅଧାରୁ ସେ ଫେରି ଆସିଛନ୍ତି । କେହିକେହି ତାଙ୍କୁ ବାହାର କରି ଦିଆଯାଇଥିବା କହୁଥିବା ବେଳେ ଆଉ କେହି ସେ ନିଜେ ବାହାରି ଯାଇଥିବା କହୁଛନ୍ତି ।

ରିପୋର୍ଟ ଅନୁସାରେ, ବିବିଏଲରେ ସିଡନୀ ସିକ୍ସର୍ସ ପାଇଁ ବାବର ଖେଳୁଛନ୍ତି । ତେବେ ଚଳିତ ଟୁର୍ଣ୍ଣାମେଣ୍ଟରେ ସେ ଲଗାତାର ଭାବେ ଖରାପ ପ୍ରଦର୍ଶନ କରି ଆସୁଥିଲେ । ଏପରିକି ଗୋଟିଏ ମ୍ୟାଚରେ ତାଙ୍କୁ ସିଙ୍ଗଲ ନେବାକୁ ଅଷ୍ଟ୍ରେଲିଆ କ୍ରିକେଟର ଷ୍ଟିଭ୍ ସ୍ମିଥ୍ ମନା କରିଦେଇଥିଲେ । ଯାହାକୁ ନେଇ ବିବାଦ ମଧ୍ୟ ହୋଇଥିଲା । ଅନ୍ତର୍ଜାତୀୟ ମଞ୍ଚରେ ବାବରଙ୍କୁ ଅପଦସ୍ତ କରାଯାଇଥିଲା ।

ଏବେ ସିଡନୀ ସିକ୍ସର୍ସ ପାଇଁ ସେ ଜାନୁଆରୀ୨୩ଏବଂ୨୫ତାରିଖରେ ଖେଳାଯିବାକୁ ଥିବା ମୁକାବିଲାରେ ସାମିଲ ହେବେ ନାହିଁ । ଫାଇନାଲରେ ମଧ୍ୟ ତାଙ୍କୁ ଦେଖିବାକୁ ମିଳିବ ନାହିଁ । ସେ ଏହା ବଦଳରେ ପାକିସ୍ତାନରେ ମ୍ୟାଚ୍ ଖେଳିବେ । ତାଙ୍କୁ ପାକିସ୍ତାନ କ୍ରିକେଟ ବୋର୍ଡ ଦେଶ ପାଇଁ ଖେଳିବାକୁ ଡକରା ଦେଇଥିବା କୁହାଯାଉଛି ।

ବାବର ସିଡନୀ ସିକ୍ସର୍ସ ପାଇଁ ଓପନର ଭାବେ ଖେଳୁଥିଲେ । ଯଦି ଟିମ୍ ଜାନୁଆରୀ୨୩ରେ ହୋବାର୍ଟ ହରିକେନ୍ସକୁ ପରାସ୍ତ କରିବ ତେବେ୨୩ତାରିଖରେ ଫାଇନାଲ ଖେଳିବ । ବାବର ଏବେ ଏହି ଦୁଇଟି ମୁକାବିଲା ଖେଳିବେ ନାହିଁ ।

କ୍ରିକେଟ୍ ଡଟ୍ କମ୍. ଏୟୁର ରିପୋର୍ଟ ଅନୁସାରେ, ବାବର ନିଜ ଟିମ୍ ମେଟ୍, କୋଚ୍ ଏବଂ ଫ୍ୟାନ୍ସଙ୍କୁ ଧନ୍ୟବାଦ ଦେଇଛନ୍ତି । ଏଠାରେ ସେ ଖୁବ୍ ଆନନ୍ଦ ଲାଭ କରିଛନ୍ତି । କିନ୍ତୁ ଦୁର୍ଭାଗ୍ୟପୂର୍ଣ୍ଣ ଭାବେ ଏବେ ସେ ଦେଶକୁ ଫେରୁଛନ୍ତି । ଦଳକୁ ଛାଡିବା ବହୁତ କଷ୍ଟକର । ଏଠାରେ ସେ ଅନେକ କିଛି ସ୍ମୃତି ନେଇ ପାକିସ୍ତାନ ଫେରୁଥିବା ନେଇ ବାବର ପ୍ରକାଶ କରିଛନ୍ତି ।

ସୂଚନାଯୋଗ୍ୟ, ଆଗାମୀ ଟି୨୦ବିଶ୍ୱକପ୍ ପାଇଁ ପାକିସ୍ତାନ ନିଜ ଦଳ ଗୋଷଣା କରିନି । ଚଳିତ ସପ୍ତାହରେ ଦଳ ଅଷ୍ଟ୍ରେଲିଆ ବିପକ୍ଷରେ ତିନି ଟିକିଆ ଟି୨୦ସିରିଜ୍ ଖେଳିବ । ଏହା ଲାହୋରରେ ଖେଳାଯିବ । ବିଶ୍ୱକପ୍ ପୂର୍ବରୁ ଏହି ସିରିଜ ଦଳ ପାଇଁ ଗୁରୁତ୍ୱପୂର୍ଣ୍ଣ ।

ବିବିଏଲରେ ଖରାପ ଫର୍ମ

ବିବିଏଲରେ ବାବର୧୧ଟି ମୁକାବିଲାରେ ବ୍ୟାଟିଂ କରିଛନ୍ତି । ଯେଉଁଥିରେ ତାଙ୍କ ବ୍ୟାଟରୁ ମାତ୍ର୨୦୨ରନ୍ ବାହାରିଛି । ଏଥିରେ ଦୁଇଟି ଅର୍ଦ୍ଧଶତକ ଥିଲା ବେଳେ ତାଙ୍କ ଷ୍ଟ୍ରାଇକ୍ ରେଟ୍ ରହିଛି ମାତ୍ର୧୦୩।