ଏ.ଆର ରହମାନଙ୍କ ପରେ ଇଣ୍ଡଷ୍ଟ୍ରିକୁ ନେଇ ପ୍ରକାଶ ରାଜ୍‌ଙ୍କ ଚାଞ୍ଚଲ୍ୟକର ଖୁଲାସା, କହିଲେ-ବଲିଉଡ୍‌ରେ ସବୁ ଫେକ୍ …

ନୂଆଦିଲ୍ଲୀ ୨୬।୦୧; ଭାରତୀୟ ସିନେ ଜଗତର ଜଣାଶୁଣା କଳାକାର ପ୍ରକାଶ ରାଜ। ଯିଏ ପାଞ୍ଚଟି ଭାରତୀୟ ଚଳଚ୍ଚିତ୍ର ଶିଳ୍ପ - ତାମିଲ, ତେଲୁଗୁ, କନ୍ନଡ, ମାଲାୟଲମ ଏବଂ ହିନ୍ଦୀରେ ୩୮ ବର୍ଷ ଧରି ଲଗାତାର କାମ କରିଛନ୍ତି। ସେ ତିନୋଟିରେ ଯଥେଷ୍ଟ ସଫଳତା ପାଇଛନ୍ତି। ହେଲେ ସେ ବର୍ତ୍ତମାନ ବିଶ୍ୱାସ କରନ୍ତି ଯେ ତାମିଲ ଏବଂ ମାଲାୟଲମ ଚଳଚ୍ଚିତ୍ର ହିନ୍ଦୀ ସିନେମା ଅପେକ୍ଷା ବହୁତ ଉନ୍ନତ । ଏହା ସହ ସେ ବଲିଉଡକୁ ନେଇ ନିଜର କଡ଼ା ପ୍ରତିକ୍ରିୟା ରଖିଛନ୍ତି ।

ଏକ କାର୍ଯ୍ୟକ୍ରମରେ ଯୋଗ ଦେଇ ପ୍ରକାଶ ରାଜ କହିଥିଲେ କି, ତାମିଲ ମାଲାୟଲମ ଏବେ ହିନ୍ଦୀ ଫିଲ୍ମଠାରୁ ଉର୍ଦ୍ଧରେ ରହିଛନ୍ତି । ୨୦୦୦ ଦଶକର ମଧ୍ୟଭାଗ ମଲ୍ଟିପ୍ଲେକ୍ସ ଯୁଗରେ ବଲିଉଡ ବହୁ ପଛରେ ରହିଛି । ନିଜର ମୂଳଠାରୁ ଦୂରେଇ ରହି ଯାଇଛି । ବଲିଉଡ୍ରେ ସବୁକିଛି ଏତେ ସୁନ୍ଦର ଏବଂ ଚକଚକିଆ ଦେଖାଯାଉଛି, କିନ୍ତୁ ଏହା ପ୍ଲାଷ୍ଟିକ୍ ଅନୁଭବ କରୁଛି, ଯେପରି ମାଡାମ ତୁସାଦରେ ମହମ ମୂର୍ତ୍ତି। ଆଜିର ପରିସ୍ଥିତି ଏପରି ନୁହେଁ। ସବୁକିଛି ଟଙ୍କା ଏବଂ ପ୍ରଦର୍ଶନର ଖେଳ ପାଲଟିଛି ।ମୁଁ ଅନୁଭବ କରୁଛି ଯେ ଶିଳ୍ପ ତାର ଦର୍ଶକଙ୍କ ସହିତ ତାର ସମ୍ପର୍କ ହରାଇ ଦେଇଛି।"

ନୂଆ ତାମିଲ ନିର୍ଦ୍ଦେଶକମାନେ ଭଲ ଫିଲ୍ମ ନିର୍ମାଣ କରୁଛନ୍ତି । ସ୍ବାଧିନତା ପରେ ବଲିଉଡ ଧର୍ମନିରପେକ୍ଷ ମୂଲ୍ୟବୋଧର ନିକଟତର ଥିଲା । ସେ ୧୯୭୭ ମସିହାରେ ରିଲିଜ ହୋଇଥିବା ଅମର ଆକବର ଆନ୍ଥୋନିର ଉଦାହରଣ ଦେଇଥିଲେ । ଯେଉଁଥିରେ ଅମିତାଭ ବଚ୍ଚନ, ବିନୋଦ ଖାନ୍ନା ଏବଂ ଋଷି କପୁର ଅଭିନୟ କରିଥିଲେ । ଏମାନଙ୍କ ଉଦାହରଣ ଦେଇଥିଲେ । କିନ୍ତୁ ଏବେ ଆଉ ସେଭଳି ଫିଲ୍ମ ନିର୍ମାଣ ହେଉନି । ସେପଟେ ଆମେ ଯଦି ପ୍ରକାଶ ରାଜଙ୍କ କଥା କହିବା ତାହେଲେ ସେ ୫ଟି ଫିଲ୍ମ ଜଗତରେ କାମ କରିଛନ୍ତି । ତାମିଲ, ତେଲୁଗୁ, କନ୍ନଡ, ମାଲାୟଲମ ଏବଂ ବଲିଉଡରେ ସେ ନିଜର ବଳିଷ୍ଠ ଅଭିନୟ ୩୮ ବର୍ଷ ହେବ ଜାରି ରଖିଛନ୍ତି । ଏହି ଭେଟେରାନ ଅଭିନେତା ସବୁ ଭୂମିକା ନିଭାଇଛନ୍ତି ।