ପାକିସ୍ତାନର ପ୍ରଥମ ପ୍ରତିରକ୍ଷା ବାହିନୀ ମୁଖ୍ୟ ନିଯୁକ୍ତ ହେଲେ ଅସୀମ ମୁନୀର

ନୂଆଦିଲ୍ଲୀ: ପାକିସ୍ତାନ ସେନା ମୁଖ୍ୟ ଫିଲ୍ଡ ମାର୍ଶଲ ଅସୀମ ମୁନୀରଙ୍କୁ ପୁଣିଥରେ ପାକିସ୍ତାନ ସରକାର ପଦୋନ୍ନତି ଦେଇଛନ୍ତି। ପାକିସ୍ତାନ ରାଷ୍ଟ୍ରପତି ଆସିଫ ଅଲ୍ଲୀ ଜର୍ଦ୍ଦାରୀ ଗୁରୁବାର ଅସୀମ ମୁନିରଙ୍କୁ ପାକିସ୍ତାନର ପ୍ରଥମ ପ୍ରତିରକ୍ଷା ବାହିନୀ ମୁଖ୍ୟ ଭାବରେ ନିଯୁକ୍ତ କରିଛନ୍ତି। ମୁନୀରଙ୍କୁ ପାଞ୍ଚ ବର୍ଷ ପାଇଁ ନିଯୁକ୍ତ କରାଯାଇଛି।

ମୁନୀରଙ୍କୁ ପ୍ରତିରକ୍ଷା ବାହିନୀ ମୁଖ୍ୟ କରିବା ପାଇଁ ପ୍ରଧାନମନ୍ତ୍ରୀ ଶେହବାଜ ସରିଫ ଆନୁଷ୍ଠାନିକ ଭାବରେ ସରାକୀର ଅନୁମତି ପତ୍ର ଦେଇଥିଲେ। ରାଷ୍ଟ୍ରପତିଙ୍କୁ ଏହାକୁ ମଞ୍ଜୁରୀ କରିବାର ଔପଚାରିକତା ପୂରା କରିବାର ଥିଲା। ରାଷ୍ଟ୍ରପତି ସରିଫଙ୍କ ଅନୁମତି ପତ୍ରକୁ ଅନୁମୋଦନ ଦେଇଛନ୍ତି।

ରାଷ୍ଟ୍ରପତି ଜର୍ଦ୍ଦାରୀ ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ଦ୍ୱାରା ଆନୁଷ୍ଠାନିକ ଭାବରେ ଦାଖଲ କରାଯାଇଥିବା ସାରାଂଶକୁ ଅନୁମୋଦନ କରିଛନ୍ତି ଯେଉଁଥିରେ ତାଙ୍କୁ ପାକିସ୍ତାନର ପ୍ରଥମ ସିଡିଏଫ୍ ଭାବରେ ସେନା ମୁଖ୍ୟ (ସିଓଏଏସ୍) ମୁନିରଙ୍କୁ ନିଯୁକ୍ତି ଦେବାକୁ କୁହାଯାଇଛି। ଏହି ନିଯୁକ୍ତି ପରେ ମୁନୀର ପାକିସ୍ତାନର ପ୍ରତିରକ୍ଷା ବାହିନୀ ମୁଖ୍ୟ() ଭାବେ ନିଯୁକ୍ତ ହୋଇଛନ୍ତି।

ଗତ ମାସରେ, ପାକିସ୍ତାନ ସଂସଦର ୨୭ତମ ସମ୍ବିଧାନ ସଂଶୋଧନକୁ ପାରିତ କରିଥିଲା, ଯେଉଁଥିରେ ସିଡିଏଫ୍ ପଦବୀ ସୃଷ୍ଟି କରିବାର ବ୍ୟବସ୍ଥା କରାଯାଇଥିଲା। ଯାହାର ଉଦ୍ଦେଶ୍ୟ ଥିଲା ଯେକୌଣସି ସଙ୍କଟପୂର୍ଣ୍ଣ ପରିସ୍ଥିତିରେ ହଠାତ ନିଷ୍ପତ୍ତି ନେବାରେ କୋଟିଏ କ୍ଷମତା ସୃଷ୍ଟି କରିବା। ନିଷ୍ପତ୍ତି ଗ୍ରହଣକୁ ତ୍ୱରାନ୍ୱିତ କରିବା।

ସିଡିଏଫ୍ ନିଯୁକ୍ତ ହେବା ପରେ ଜଏଣ୍ଟ ଚିଫ୍ସ ଅଫ୍ ଷ୍ଟାଫ୍ କମିଟି (ସିଜେସିଏସସି)ର ଅଧ୍ୟକ୍ଷଙ୍କୁ ପଦ ହଟାଇ ଦିଆଯାଇଛି। ଫିଲ୍ଡ ମାର୍ଶାଲ ମୁନିରଙ୍କୁ ନଭେମ୍ବର ୨୦୨୨ରେ ପ୍ରାରମ୍ଭରେ ତିନି ବର୍ଷ ପାଇଁ COAS ଭାବରେ ନିଯୁକ୍ତ କରାଯାଇଥିଲା କିନ୍ତୁ ୨୦୨୪ରେ ତାଙ୍କ କାର୍ଯ୍ୟକାଳ ପାଞ୍ଚ ବର୍ଷ ପାଇଁ ବୃଦ୍ଧି କରାଯାଇଥିଲା।