ଯେବେ ଦିନକୁ ୧୦୦ ପାନ ଖାଉ ଥିଲେ ଆମିର ଖାନ , ସବୁବେଳେ ତାଙ୍କ ସାଥିରେ ରହୁଥିଲେ ଜଣେ ପାନୱାଲା

ମୁମ୍ୱାଇ : ଆପଣ ବଲିଉଡ୍ ସୁପରଷ୍ଟାର ଆମିର ଖାନଙ୍କୁ ପାନ ଚୋବାଉ ଥିବାର ବହୁତ କମ୍ ଦେଖି ଥିବେ, କିନ୍ତୁ ଗୋଟେ ସମୟ ଥିଲା ଯେତେବେଳେ ସେ ଦିନକୁ ୧୦୦ଟି ପାନ ଖାଉ ଥିଲେ। ନା ଥିଲା ତାଙ୍କର କୌଣସି ଖରାପ ଅଭ୍ୟାସ କିମ୍ବା ନିଶା, ବରଂ ବଲିଉଡର ମିଷ୍ଟର ପରଫେକ୍ସନିଷ୍ଟ ତାଙ୍କର ଏକ ଫିଲ୍ମରେ ଚରିତ୍ରରେ ପୂର୍ଣ୍ଣତା ଆଣିବା ପାଇଁ ଏହା କରିଥିଲେ। କାହାଣୀଟି ୨୦୧୪ରେ ମୁକ୍ତିଲାଭ କରିଥିବା ତାଙ୍କ ଫିଲ୍ମ ‘ପିକେ ’ ର। ରାଜକୁମାର ହିରାନୀଙ୍କ ନିର୍ଦ୍ଦେଶିତ ଏହି ଫିଲ୍ମଟି ବ୍ଲକବଷ୍ଟର ହିଟ୍ ହୋଇଥିଲା।

ଉକ୍ତ ଚଳଚ୍ଚିତ୍ରରେ ଆମିର ଖାନ ଏକ ଏଲିୟନର ଭୂମିକାରେ ଅଭିନୟ କରିଥିଲେ। ଯିଏ ଏକ ଉଦ୍ଦେଶ୍ୟ ନେଇ ଅନ୍ୟ ଗ୍ରହରୁ ପୃଥିବୀକୁ ଯାତ୍ରା କରନ୍ତି, କିନ୍ତୁ ତାପରେ ଏଠାକୁ ଆସି ଫସି ଯାଆନ୍ତି। ସେ ନିଜର ଶକ୍ତି ବ୍ୟବହାର କରି,ଏଠାର ସ୍ଥାନୀୟ ଲୋକଙ୍କ ଭାଷା ଏବଂ ତରିକା ଶିଖି ଯାଆନ୍ତି, ଏହାସହ ଲୋକଙ୍କ ଖାଦ୍ୟ ପାନୀୟ ଓ ଜୀବନଶୈଳୀ ମଧ୍ୟ ଶିଖନ୍ତି । ଫିଲ୍ମରେ ତାଙ୍କ ଚରିତ୍ର ସବୁବେଳେ ପାନ ଚୋବାଇର ଥିଲା। ଏଥିପାଇଁ ଆମିର ଖାନଙ୍କୁ ପ୍ରତି ଦିନ ଫିଲ୍ମ ପାଇଁ ପୂରା ଦିନ ସୁଟିଂ ବେଳେ ପାନ ଚୋବାଇବାକୁ ପଡ଼ୁଥିଲା। ଆମିର ଖାନ ନିଜେ ଏହି ବିଷୟରେ ଏକ ସାକ୍ଷାତକାରରେ କହି ଥିଲେ।

ଆମିର ଖାନ କହିଛନ୍ତି ଯେ, ସେ ଦିନକୁ ୧୦୦ଟି ପାନ ଚୋବାଇ ଖାଉଥିଲେ। ତାଙ୍କ ସହ ସୁଟିଂ ସେଟ୍‌ରେ ପୂରା ସମୟ ଜଣେ ପାନୱାଡି ରହୁଥିଲେ ,ଯିଏ ତାଙ୍କ ପାଇଁ ପାନ ତିଆରି କରୁଥିଲେ। ଆମିର ଖାନଙ୍କୁ ତାଙ୍କ ଚରିତ୍ରର ଓଠ ନ୍ୟାଚୁରାଲ ଲାଲ୍‌ ରଖିବାକୁ ହେଉଥିଲା। ଏହାସହ ସେ ସେହି ପାନର ନ୍ୟାଚୁରାଲ ଅନୁଭବ ଏବଂ ଉଚ୍ଚାରଣ ହାସଲ କରିବାର ଥିଲା। ତେଣୁ ସେ ପାନ ଖାଇବା ଜାରି ରଖୁଥିଲେ। କିନ୍ତୁ ଏହାର ତାଙ୍କୁ ବହୁ ମୂଲ୍ୟ ଦେବାକୁ ପଡ଼ୁଥିଲା। ଆମିର ଖାନଙ୍କୁ ମୁହଁରେ ଲଗାତାର ପାନ ଖାଇବା କାରଣରୁ ଛାଲ ପଡ଼ି ଯାଇ ଥିଲା ଏବଂ ସେ ବହୁତ କଷ୍ଟ ପାଉଥିଲେ।

ଏହା ସତ୍ତ୍ୱେ, ସେ ତାଙ୍କ ଚରିତ୍ର ଏବଂ ଦୃଶ୍ୟଗୁଡ଼ିକୁ ରିୟଲ ଅନୁଭବ ଦେବା ପାଇଁ ପାନ ଖାଉଥିଲେ। ଫିଲ୍ମରେ ଆମିର ଖାନଙ୍କ କୋ-ଷ୍ଟାର ଅନୁଷ୍କା ଶର୍ମା ସେହି ସାକ୍ଷାତକାରରେ କହିଥିଲେ ଯେ, ତାଙ୍କୁ ଦେଖି ସେ ବହୁତ ଖରାପ ଅନୁଭବ କରୁଥିଲେ, କାରଣ ଆମିର ଖାନଙ୍କ ଇଚ୍ଛା ହେଉ କି ନ ହେଉ ପାନ ଖାଇବାକୁ ପଡୁଥିଲା ଏବଂ ସାରା ଦିନ ତାଙ୍କ ପାଟିରେ ପାନ ରହୁଥିଲା। ଫିଲ୍ମର ଆୟ ବିଷୟରେ ଯଦି କହିବା ତ, ପ୍ରାୟ ୮୫ କୋଟି ଟଙ୍କାରେ ନିର୍ମିତ ଏହି ଫିଲ୍ମ ୧୨୨ କୋଟି ଟଙ୍କାର କଲେକ୍ସନ କରିଥିଲା। ଫିଲ୍ମର ବିଶ୍ୱବ୍ୟାପୀ କଲେକ୍ସନ ୭୦୦ କୋଟିରୁ ଅଧିକ ଥିଲା।