ଜୟପୁରରେ ବଡ ଅଘଟଣ ; ୧୬ ଜଣଙ୍କୁ ଧକ୍କା ଅନିୟନ୍ତ୍ରିତ କାର, ଜଣେ ମୃତ

ନୂଆଦିଲ୍ଲୀ ୧୦।୦୧; ରାଜସ୍ଥାନର ଜୟପୁରରେ ଦ୍ରୁତଗାମୀ କାରର ଆତଙ୍କ । ଶୁକ୍ରବାର ରାତିରେ ଅନିୟନ୍ତ୍ରିତ ହୋଇ ୧୬ ଜଣଙ୍କୁ ଧକ୍କା ଦେଇଥିଲା। ଯାହା ଫଳରେ ଅଞ୍ଚଳରେ ବ୍ୟାପକ ଆତଙ୍କ ଖେଳିଯାଇଥିଲା। ଏହି ଘଟଣାରେ ଜଣଙ୍କର ମୃତ୍ୟୁ ହୋଇଛି। ଦୁର୍ଘଟଣା ପରେ ଆହତମାନଙ୍କୁ ତୁରନ୍ତ ଜୟପୁରିଆ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗୁରୁତର ଆହତ ହୋଇଥିବା ୪ ଜଣଙ୍କୁ ଏସଏମଏସ ହସ୍ପିଟାଲକୁ ରେଫର କରାଯାଇଥିଲା।

#WATCH | Rajasthan | Hit-and-run incident reported in Jaipur

South Jaipur DCP Rajshree Raj Verma says, "A car ran over some stalls at Kharbas Circle. One casualty has been reported so far and as per our information, 11 are injured. As per the latest feedback, no one is critical.… pic.twitter.com/Fe7DnIxx6L

— ANI (@ANI) January 9, 2026

ଏହି ଦୁର୍ଘଟଣା ଶୁକ୍ରବାର ରାତି ୯:୩୦ରେ ଜୟପୁରର ପତ୍ରକାର କଲୋନୀରେ ଏହି ଘଟଣା ଘଟିଛି। ଦ୍ରୁତ ଗତିରେ ଆସୁଥିବା ଅଡି କାରଟି ପ୍ରଥମେ ଏକ ଡିଭାଇଡରରେ ପିଟି ହେବା ପରେ ନିୟନ୍ତ୍ରଣ ହରାଇ ରାସ୍ତା କଡ଼ରେ ଥିବା ଗାଡ଼ି ଗୁଡ଼ିକକୁ ଧକ୍କା ଦେଇଥିଲା। ଗାଡ଼ିଟି ପ୍ରାୟ ୩୦ ମିଟର ପର୍ଯ୍ୟନ୍ତ ଷ୍ଟଲ ଗୁଡ଼ିକୁ ଘୋଷାଡି ନେଇଥିଲା। ଧକ୍କା ଏତେ ଭୟଙ୍କର ଥିଲା ଯେ ୧୨ ରୁ ଅଧିକ ଠେଲା ଗାଡି ଏବଂ ଷ୍ଟଲ ଚୁରମାର ହୋଇ ଯାଇଥିଲା ଏବଂ ରାସ୍ତା କଡ଼ରେ ଛିଡ଼ା ହୋଇଥିବା ଏକ କାର ମଧ୍ୟ ଓଲଟି ପଡ଼ିଥିଲା। ଏହି ଭୟଙ୍କର ଦୁର୍ଘଟଣାରେ ୧୬ ଜଣ ଆହତ ହୋଇଛନ୍ତି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ମୁହାନା ଏବଂ ସାମ୍ବାଦିକ କଲୋନି ଥାନାର ପୋଲିସ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ତୁରନ୍ତ ସମସ୍ତ ଆହତଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ପଠାଇଥିଲା। ୧୨ ଜଣ ଆହତଙ୍କ ଚିକିତ୍ସା SMS ଏବଂ ଜୟପୁରିଆ ହସ୍ପିଟାଲରେ ଚାଲିଛି। ଅନ୍ୟ ଚାରି ଜଣ ପ୍ରାଥମିକ ଚିକିତ୍ସା ପରେ ସେମାନଙ୍କ ପରିବାର ସହିତ ଘରକୁ ଫେରିଯାଇଛନ୍ତି।

ଘଟଣା ସମୟରେ ଅଡିରେ ତିନି ଜଣ ଥିଲେ, ସେମାନଙ୍କ ମଧ୍ୟରୁ ଦୁଇ ଜଣଙ୍କୁ ପୋଲିସ ଅଟକ ରଖିଛି। ସେମାନେ ସମସ୍ତେ ଜୟପୁରର ବାସିନ୍ଦା। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ସ୍ଥାନୀୟ ବାସିନ୍ଦାଙ୍କ ସହାୟତାରେ ଆହତମାନଙ୍କୁ ତୁରନ୍ତ ଡାକ୍ତରଖାନାକୁ ପଠାଯାଇଥିଲା। ସେପଟେ ପ୍ରାଥମିକ ତଦନ୍ତରୁ ଜଣାପଡୁଛି ଯେ ଅଡି କାରଟି ଅତ୍ୟଧିକ ଦ୍ରୁତ ଗତିରେ ଯାଉଥିଲା। ଡ୍ରାଇଭର ମଦ୍ୟପାନ କରିଥିବା ସନ୍ଦେହ କରାଯାଉଛି। ଦୁର୍ଘଟଣା ପରେ ପୋଲିସ ଅଡି କାରଟିକୁ ଜବତ କରିଛି ଏବଂ ଘଟଣାର ତଦନ୍ତ କରୁଛି। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ଯଦି ଲୋକମାନେ ସମୟ ମଧ୍ୟରେ ଦୌଡ଼ି ନଥାନ୍ତେ, ତେବେ ଦୁର୍ଘଟଣା ଆହୁରି ଭୟଙ୍କର ହୋଇପାରନ୍ତା। ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର କାରଣ ତଦନ୍ତ କରୁଛି।