୨୦୧୯ରୁ ବିନା କୌଣସି ପଞ୍ଜୀକରଣରେ ଚାଲିଥିଲା ଡାଇଗ୍ନୋଷ୍ଟିକ୍ ସେଣ୍ଟର, ଚଢ଼ାଉ କଲା ସ୍ବାସ୍ଥ୍ୟ ବିଭାଗ

କଟକ ୨୩।୧୨: କଟକ ମଙ୍ଗଳାବାଗ ସ୍ଥିତ କାଠଗୋଲା ଅଞ୍ଚଳରେ ଥିବା ବିଏସଆର ଡାଇଗ୍ନୋଷ୍ଟିକ୍ ସେଣ୍ଟର ଉପରେ ରାଜ୍ୟ ସ୍ବାସ୍ଥ୍ୟ ବିଭାଗ ଓ କଟକ ଜିଲ୍ଲା ଏବଂ ଜିଲ୍ଲା ପ୍ରଶାସନ ପକ୍ଷରୁ ଚଢ଼ାଉ । ୨୦୧୯ରୁ ବିନା କୌଣସି ପଞ୍ଜୀକରଣରେ ଚାଲିଥିଲା ଏହି ଡାଇଗ୍ନୋଷ୍ଟିକ୍ ସେଣ୍ଟର । ବିନା ଅନୁମତିରେ ଚାଲିଥିଲା ଅଲଟ୍ରାସାଉଣ୍ଡ । ସୂଚନା ପାଇବା ପରେ ରାଜ୍ୟ ସ୍ବାସ୍ଥ୍ୟ ବିଭାଗର ସ୍ପେଶାଲ ସ୍କୁଆର୍ଡ ଓ ଜିଲ୍ଲା ପ୍ରଶାସନର ଏକ ଟିମ୍ ଏହି ଚଢାଉ କରି ଡାଇଗ୍ନୋଷ୍ଟିକ୍ ସେଣ୍ଟରକୁ ସିଲ୍ କରାଯାଇଛି । ତେବେ ଯାଞ୍ଚ୍ ବେଳେ କେବଳ ବିନା ପଞ୍ଜୀକରଣ ବ୍ୟତୀତ ଅଗ୍ନି ନିରାପତ୍ତା ବ୍ୟବସ୍ଥା ନଥିବା ଜାଣିବାକୁ ପାଇଥିଲା ସ୍ଵାସ୍ଥ୍ୟ ବିଭାଗ । ରାଜ୍ୟ ସ୍ୱାସ୍ଥ୍ୟ ବିଭାଗର 3 ଜଣିଆ ଟିମ ଓ କଟକ ଜିଲ୍ଲା ସ୍ୱାସ୍ଥ୍ୟ ବିଭାଗର 3 ଜଣିଆ ଟିମ, ଜିଲ୍ଲା ପ୍ରଶାସନର ଜଣେ ଅଧିକାରୀ ଚଢ଼ଉରେ ସାମିଲ୍ ହୋଇଥିବା ବେଳେ କମ୍ପୁଟର ହାର୍ଡ ଡିସ୍କ, ରେଜିଷ୍ଟ୍ରର ସବୁକୁ ଜବତ୍ କରାଯାଇଛି । ଏବଂ ଏହାକୁ ସିଲ୍ କରାଯିବ ବୋଲି କହିଛନ୍ତି କଟକ ଜିଲ୍ଲାର ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡକ୍ଟର ଚିନ୍ତାମଣି ମିଶ୍ର ।

ଜିଲ୍ଲା ସ୍ବାସ୍ଥ୍ୟ ବିଭାଗ ର ଟିମ୍ ସହ ରାଜ୍ୟ ସ୍ବାସ୍ଥ୍ୟ ବିଭାଗର ଟିମ୍ ମଧ୍ୟ ଏହି ଚଢାଉ ରେ ସାମିଲ ହୋଇଥିଲା । ଏହି ବିଏସଆର ଡାଇଗ୍ନୋଷ୍ଟିକ୍ ସେଣ୍ଟର ରେ କୌଣସି ବୈଧ ଦସ୍ତାବିଜ୍ ନଥିବା ବେଳେ ଫେକ୍ ଭାବେ ଚାଲିଥିଲା ତେଣୁ ଏହାକୁ ସିଲ୍ କରାଯାଇଛି ।ଏହା ସହ ମାଲିକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯିବ ।ଆଗକୁ ମଧ୍ୟ ଏହାର ଯାଞ୍ଚ ଜାରି ରହିବ ବୋଲି କହିଛନ୍ତି ପି ସି ପି ଏନ୍ ଡି ଟି ର ରାଜ୍ୟ ନୋଡାଲ ଅଫିସର ଅଭିଜିତ କୁଅଁର।