ଏବେ ତ' ପ୍ରକୃତ ପରୀକ୍ଷା ଆରମ୍ଭ ହେବ...ଦ୍ରାବିଡ଼ଙ୍କ କଥା ମନେ ପକାଇ ଗିଲ୍‌ଙ୍କୁ ଏମିତି କହିଲେ ଇରଫାନ

ନୂଆଦିଲ୍ଲୀ: ଟିମ୍ ଇଣ୍ଡିଆର ପୂର୍ବତନ ଅଲ୍‌ରାଉଣ୍ଡର ଇରଫାନ ପଠାନ ଭାରତୀୟ ଟିମ୍ ଟେଷ୍ଟ ଅଧିନାୟକ ଶୁଭମନ ଗିଲଙ୍କ ସମର୍ଥନରେ ଆସିଛନ୍ତି । ଜିଓହଟ୍‌ଷ୍ଟାରରେ ଇରଫାନ ପଠାନ କହିଛନ୍ତି, ଗିଲ୍‌ଙ୍କ ପାଖରେ ଟ୍ୟାଲେଣ୍ଟ ରହିଛି । ତାଙ୍କ ଉପରେ ଯେତେ ଦାୟିତ୍ୱ ପଡ଼ିବ ଓ ଯେତେ ଅଧିକ ଆହ୍ୱାନ ରହିବ, ସେ ସେତେ ଭଲ କ୍ରିକେଟର ଭାବେ ସାମନାକୁ ଆସିବେ । ରାହୁଲ ଦ୍ରାବିଡ଼ଙ୍କ ଠାରୁ ମିଳିଥିବା ଶିକ୍ଷା କଥା ଉଲ୍ଲେଖ କରି ସେ କହିଛନ୍ତି ଯେ ଗିଲ୍‌ଙ୍କ ଉପରେ ମଧ୍ୟ ଲାଗୁ ହେଉଛି ।

ଇରଫାନ ତାଙ୍କ ଅନୁଭୂତିକୁ ସେୟାର କରି କହିଛନ୍ତି, ସେ ଯେତେବେଳେ ଭାରତୀୟ ଟିମକୁ ଆସିଥିଲେ, ସେତେବେଳେ ରାହୁଲ ଦ୍ରାବିଡ଼ ତାଙ୍କୁ ଅନ୍ତର୍ଜାତୀୟ କ୍ରିକେଟର ଆବଶ୍ୟକତା ଅନୁସାରେ ଗଢିଥିଲେ ।

ଇରଫାନ କହିଛନ୍ତି, "ଯେତେବେଳେ ୧୯ ବର୍ଷ ବୟସରେ ଭାରତୀୟ ଟିମ୍‌କୁ ଆସିଥିଲେ, ସେତେବେଳେ ଗ୍ରେଟ୍ ରାହୁଲ ଦ୍ରାବିଡ଼ ମୋତେ କହିଥିଲେ ଯେ ତୁମେ ଟିମ୍‌କୁ ଆସିସାରିଛ, ଏହା ଭଲ କିନ୍ତୁ ଏହାପରେ ସ୍ଥିତି ସହଜ ହେବ ନାହିଁ । ମୁଁ ପ୍ରଶ୍ନ କରିଥିଲି, ମୁସ୍କିଲ ସ୍ଥିତିରେ କ'ଣ କରିବି ? ସେ ମୋତେ କହିଥିଲେ ଯେ ମୁଁ ଏଥିରେ ଅଭ୍ୟସ୍ତ ହୋଇଯିବ ।"

ଇରଫାନ ପଠାନ ଅନୁସାରେ, ଆଡଜଷ୍ଟମେଣ୍ଟ ଏବଂ ଗ୍ରୋଥର ସମାନ ପ୍ରକ୍ରିୟା ଗିଲ୍ ଉପରେ ମଧ୍ୟ ଲାଗୁ ହେଉଛି । ସେ କହିଛନ୍ତି, "ଗିଲ୍‌ଙ୍କ ପାଇଁ ମଧ୍ୟ ଏହା କୁହାଯାଇ ପାରିବ । ସେ ଅଧିନାୟକ ହେଲେ, ଇଂଲଣ୍ଡ ସିରିଜରେ ସେ ନିଜ ବ୍ୟାଟିଂ ହାରକୁ ବଢାଇଥିଲେ ଓ ଟିମରେ ନିଜର ଦବଦବା ବଜାୟ ରଖିଥିଲେ । ପରେ ଏକଦିବସୀୟ ଟିମର କ୍ୟାପ୍ଟେନ୍ସି ମିଳିଲା । ଯେବେ ଏହା ହୋଇଥାଏ, ସେତେବେଳେ ଆଗକୁ ବଢିବାର ବଡ଼ ସୁଯୋଗ ମିଳିଥାଏ ।"

ଗିଲଙ୍କୁ ପ୍ରଶଂସା କରି ପଠାନ କହିଛନ୍ତି, "ସେ ବହୁତ ଟ୍ୟାଲେଣ୍ଟେଡ୍ । ଅନ୍ୟ ସହ ତୁଳନା କରିବା ସବୁବେଳେ ରହିବ । ବିରାଟଙ୍କ ତୁଳନା ସଚିନଙ୍କ ସହ ହେଉଥିଲା ଓ ଏବେ ଗିଲଙ୍କୁ ବିରାଟଙ୍କ ସହ କରାଯାଉଛି । ମୋ ମତରେ ସେ ଏଥିପାଇଁ ସମ୍ପୂର୍ଣ୍ଣ ରୂପେ ସକ୍ଷମ ଅଟନ୍ତି । ତାଙ୍କ ପାଖରେ ସର୍ଟ୍ସ ଖେଳିବାର ଏକ ବଡ଼ ରେଞ୍ଜ ଅଛି ।"

ପୂର୍ବତନ ଅଲ୍ରାଉଣ୍ଡର କହିଛନ୍ତି, ଗିଲ୍ ସବୁବେଳେ ଶିଖିବା ପାଇଁ ଅତୁର ଥାଏ । ସେ କହିଛନ୍ତି, "ଯାହାକୁ ଯେତେ ଅଧିକ ଦାୟିତ୍ୱ ଓ ଚ୍ୟାଲେଞ୍ଜ ମିଳିବ, ସେ କ୍ରିକେଟର ଭାବରେ ସେତେ ଅଧିକ ଚମକିବେ । ସେ ସବୁବେଳେ କ୍ରିକେଟ୍ ପାଇଁ ପ୍ରସ୍ତୁତ ଥିବା ମୁଁ ଦେଖିଛି । ସବୁବେଳେ ଶିଖିବା ପାଇଁ ଇଚ୍ଛା ରଖନ୍ତି । ତାଙ୍କ ଭିତରେ ଏହି ଆଟିଟ୍ୟୁଡ୍ ରହିଛି ।"