ଥାନାରେ ଥାର୍ଡ ଡିଗ୍ରୀ ଦେବା ଘଟଣା, ମହିଳାଙ୍କ ଆତ୍ମାହୂତି ଧମକ

କରଞ୍ଜିଆ ୨୬।୧୦ : ମହିଳାଙ୍କ ଆତ୍ମାହୁତି ଧମକ । ଆଦିବାସୀ ମହିଳାଙ୍କୁ ଅବକାରୀ ଥାନା ଅଧିକାରୀ ଥାର୍ଡ ଡିଗ୍ରୀ ଦେବା ଘଟଣା । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଓ ନ୍ୟାୟ ଦାବି କରିଛନ୍ତି ମହିଳା । ଯଦି ନ୍ୟାୟ ନମିଳିବ, ତେବେ ଆତ୍ମାହୂତିର ଚେତାବନୀ ଦେଇଛନ୍ତି ପୀଡିତା ମହିଳା ।  

ଖବର ଅନୁଯାୟୀ, ଆଦିବାସୀ ମହିଳାଙ୍କୁ ଘରୁ ଉଠାଇ ଆଣି ଅବକାରୀ ଥାନା ଅଧିକାରୀ ଥାର୍ଡ ଡିଗ୍ରୀ ଦେବା ସହ ଜେଲ ପଠାଇଥିଲେ । ଯାହାକୁ ବିରୋଧ କରିଛନ୍ତି ପୀଡିତା ମହିଳା । ଏପରିକି ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଯଦି ତାଙ୍କୁ ନ୍ୟା ମିଳିବ, ତେବେ ସେ ଆତ୍ମାହୁତିର ଚେତାବନୀ ଦେଇଛନ୍ତି ମହିଳା । ଗତ ୨୫ ତାରିଖ ଦିନ ମୟୁରଭଞ୍ଜ ଜିଲ୍ଲାର ଯଶିପୁର ଥାନାରେ ମାହାର୍ଦ୍ଦାପଳସା ଗାଁ ଢିପା ସାହିର ରେଶମ ପିଙ୍ଗୁଆ ନାମକ ଜଣେ ଆଦିବାସୀ ମହିଳା ଯଶିପୁର ଥାନା ଅଧିକାରୀ ଶୁଭଦର୍ଶିନୀ ସାହୁଙ୍କ ନାଁ ଅଭିଯୋଗ କରିଥିଲେ । ଥାନା ଅଧିକାରୀ ତାଙ୍କୁ ମାଡ଼ ମାରିବା ସହ ମିଛ କେସ୍‌ରେ ଜେଲ ପଠାଇଥିବା ନେଇ ଲିଖିତ ଭାବେ ଅଭିଯୋଗ କରିଥିଲେ । ହେଲେ ଅଭିଯୋଗର ଏକ ମାସ ବିତି ଯାଇଥିଲେ ବି ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିଲା । ଯାହାଫଳରେ ରରୁଆଁ ଠାରେ ମୟୁରଭଞ୍ଜ ଜିଲ୍ଲାପାଳ ଓ ଏସ୍‌ପିଙ୍କ ଯୁଗ୍ମ ଅଭିଯୋଗ ଶୁଣାଣି କାର୍ଯ୍ୟକ୍ରମରେ ପୀଡିତା ମହିଳା ଜଣଙ୍କ ଦୋଷୀ ପ୍ରତି ଆଗାମୀ ୭ଦିନ ମଧ୍ୟରେ ତୁରନ୍ତ କାର୍ଯ୍ୟାନୁଷ୍ଠାନ ଓ ନ୍ୟାୟ ନମିଳିଲେ ଥାନା ସମ୍ମୁଖରେ ଆତ୍ମାହୁତି ଦେବେ ବୋଲି ଜିଲ୍ଲାପାଳଙ୍କୁ ଲିଖିତ ଭାବେ ଚେତାବନୀ ଦେଇଛନ୍ତି ।