ଆମେରିକାର ରାଷ୍ଟ୍ରପତି ପଦ ପାଇଁ ୨୦୨୮ରେ କିଏ ଲଢିବେ ନିର୍ବାଚନ ? ଡୋନାଲ୍ଡ ଟ୍ରମ୍ପ କହିଲେ ନାଁ

ନୂଆଦିଲ୍ଲୀ : ଆମେରିକାର ରାଷ୍ଟ୍ରପତି ନିର୍ବାଚନ ଏବେ ବହୁତ ଦୂରରେ, କିନ୍ତୁ ରାଜନୈତିକ ଆଲୋଚନା ଏବେ ଜୋର ଧରିଛି। ଏବେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ବିଷୟରେ ଏକ ବଡ଼ ବିବୃତ୍ତି ଦେଇଛନ୍ତି । ନିଜର ବିବୃତ୍ତିରେ ସେ ସମ୍ଭାବ୍ୟ ପ୍ରାର୍ଥୀଙ୍କ ବିଷୟରେ କହି ଥିଲେ ଏବଂ କିଛି ପ୍ରମୁଖ ରିପବ୍ଲିକାନ ପାର୍ଟିର କିଛି ପ୍ରମୁଖ ନେତାଙ୍କ ନାମ ନେଇ ଥିଲେ , ଯେଉଁମାନଙ୍କୁ ସେ ଦୃଢ଼ ପ୍ରାର୍ଥୀ ବୋଲି ଭାବନ୍ତି । ଏହାସହ ସେ ନିଜ ପାଇଁ ଉପରାଷ୍ଟ୍ରପତି ପଦ ପାଇଁ ପ୍ରତିଦ୍ୱନ୍ଦିତା କରିବାକୁ ସ୍ପଷ୍ଟ ଭାବେ ମନା କରି ଦେଇଥିଲେ।

 ଯେତେବେଳେ ଟ୍ରମ୍ପଙ୍କୁ ପଚରାଗଲା ଯେ,  ସେ ତୃତୀୟ କାର୍ଯ୍ୟକାଳ ପାଇଁ ନିର୍ବାଚନ ଲଢ଼ିବାକୁ ସମ୍ପୂର୍ଣ୍ଣ ଭାବରେ ଅସ୍ୱୀକାର କରୁଛନ୍ତି କି, ସେ ହାସ୍ୟପୂର୍ଣ୍ଣ ଭାବରେ ଉତ୍ତର ଦେଇଥିଲେ, ମୁଁ ଏହାକୁ ଅସ୍ୱୀକାର କରୁନାହିଁ, ତୁମକୁ ମୋତେ କହିବାକୁ ପଡିବ ! ତୃତୀୟ କାର୍ଯ୍ୟକାଳ ପାଇଁ ନିର୍ବାଚନ ଲଢ଼ିବେ କି ବୋଲି ପଚରାଯିବାରୁ ସେ କହିଲେ, "ମୁଁ ଏମିତି କରିବା ପସନ୍ଦ କରିବି। ମୋର ଏବେସୁଦ୍ଧା ପରିସଂଖ୍ୟାନ ସୁବୁଠୁ ଭଲ ଅଛି।

ଟ୍ରମ୍ପ ଉପରାଷ୍ଟ୍ରପତି ଜେ.ଡି. ଭାନ୍ସ ଏବଂ  ବିଦେଶ ମନ୍ତ୍ରୀ ମାର୍କୋ ରୁବିଓଙ୍କ ନାମ ନେଇ କହିଛନ୍ତି ଯେ, ସେମାନେ ଉଭୟ ମହାନ ବ୍ୟକ୍ତିତ୍ୱ ଏବଂ ରାଷ୍ଟ୍ରପତି ପଦ ପାଇଁ ଦୃଢ଼ ଦାବିଦାର ହୋଇ ପାରିବେ। ଟ୍ରମ୍ପ ଦୃଢ଼ ଭାବେ କହିଛନ୍ତି ଯେ, ଯଦି ଭାନ୍ସ ଓ ରୁବିଓ ଏକାଠି ହୁଅନ୍ତି, ତେବେ ସେମାନଙ୍କୁ ଅଟକାଯାଇବା ମୁସ୍କିଲ ହୋଇ ପଡ଼ିବ। ମୁଁ ପ୍ରକୃତରେ ଏହା ବିଶ୍ୱାସ କରେ।

ସୋମବାର ଟ୍ରମ୍ପ ୨୦୨୮ର ନର୍ବାଚନରେ ଉପରାଷ୍ଟ୍ରପତି ପଦ ପାଇଁ ପ୍ରତିଦ୍ୱନ୍ଦିତା କରିବାକୁ ସ୍ପଷ୍ଟ ଭାବେ ମନା କରି ଦେଇ ଥିଲେ। ସେ କହିଥିଲେ, ମୋତେ ଏହା କରିବାକୁ ଅନୁମତି ତ ମିଳିପାରେ , କିନ୍ତୁ ମୁଁ ଏହା କରିବି ନାହିଁ। ଏହା ଏକ ବହୁତ କ୍ୟୁଟ୍‌ (ହାସ୍ୟପୂର୍ଣ୍ଣ)ବିଚାର। ହଁ, ମୁଁ ଏହାକୁ ଖାରଜ କରୁଛି ,କାରଣ ଲୋକମାନେ ଏହାକୁ ପସନ୍ଦ କରିବେ ନାହିଁ। ଏହା ଠିକ୍ ହେବ ନାହିଁ।

ଉଲ୍ଲେଖନୀୟ ଯେ, ଆମେରିକା ସମ୍ବିଧାନର ୨୨ତମ ସଂଶୋଧନ ଅନୁଯାୟୀ, କୌଣସି ବ୍ୟକ୍ତି ତୃତୀୟ ଥର ପାଇଁ ରାଷ୍ଟ୍ରପତି ପଦ ପାଇଁ ନିର୍ବାଚିତ ହୋଇପାରିବେ ନାହିଁ। କିଛି ବିଶ୍ଳେଷକ ଏକ ସମ୍ଭାବ୍ୟ ଲୁପ୍‌ହୋଲ ପରାମର୍ଶ ଦେଇଛନ୍ତି , ଯେଉଁଥିରେ ଟ୍ରମ୍ପ ଉପରାଷ୍ଟ୍ରପତି ପଦ ପାଇଁ ନିର୍ବାଚିତ ଲଢିପାରନ୍ତି। ଯଦି ରାଷ୍ଟ୍ରପତି ପ୍ରାର୍ଥୀ ଇସ୍ତଫା ଦିଅନ୍ତି, ତେବେ ଟ୍ରମ୍ପ ପୁଣି ଥରେ ରାଷ୍ଟ୍ରପତି ହୋଇ ପାରିବେ। ହେଲେ ଟ୍ରମ୍ପ ଏହି ଧାରଣାକୁ "ଅତ୍ୟନ୍ତ ସୁନ୍ଦର କିନ୍ତୁ ଅବାସ୍ତବ" ବୋଲି କହି ଏହାକୁ ଖାରଜ କରି ଦେଇଥିଲେ।