ପୂର୍ଣ୍ଣିଆରେ ପ୍ରଶାନ୍ତ କିଶୋରଙ୍କ କାରକେଡ୍‌କୁ ଅଟକାଇଲା ପୁଲିସ, ପ୍ରଚାର ଗାଡ଼ିକୁ କରାଗଲା ଯାଞ୍ଚ

ପୂର୍ଣ୍ଣିଆ : ବିହାର ନିର୍ବାଚନକୁ ନେଇ ସରଗରମ ପ୍ରଚାରର ମାହୋଲ। ରାଜନୀତିକ ନେତାମାନେ ମୈଦାନକୁ ଓହ୍ଲାଇ ସାରିଲେଣି। ଏନଡିଏ ଓ ମେଣ୍ଟ ଦଳର ମଧ୍ୟ ନିର୍ବାଚନ ପ୍ରଚାର ଶୀର୍ଷ ସ୍ତରରେ। ଏହି ମଧ୍ୟରେ ଜନ ସୁରାଜର ସୂତ୍ରଧର ପ୍ରଶାନ୍ତ କିଶୋର ମଧ୍ୟ ଖୁବ୍‌ ଜୋସ୍‌ରେ ନିର୍ବାଚନୀ ରାଲି କରୁଛନ୍ତି। ସୋମବାର ପୂର୍ଣ୍ଣିଆରେ ହଠାତ୍ ପୁଲିସ ତାଙ୍କର କାରକେଡ୍‌କୁ ଅଟକାଇ ଥିଲା ଏବଂ ଗାଡ଼ିର ତଲାସୀ ନେଇ ଥିଲା। ଏହି ସମୟରେ କାରକେଡ୍‌ କିଛି ସମୟ ଅଟକି ରହିଥିଲା ଏବଂ ଏହାପରେ ପ୍ରସ୍ଥାନ କରିଥିଲା। ହଠାତ୍‌ ପୁଲିସର କାର୍ଯ୍ୟାନୁଷ୍ଠାନରେ ଉତ୍ତେଜିତ ସ୍ଥିତି ଉପୁଜି ଥିଲା।

ସୂଚନା ମୁତାବିକ , ୬ ଓ ୧୧ ନଭେମ୍ୱରରେ ଦୁଇଟି ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପୂର୍ବରୁ ଚାଲୁଥିବା କ୍ୟାମ୍ପେନ ବେଳେ, ଜନ ସୁରାଜ ପାର୍ଟିର ଚିଫ୍‌ ପ୍ରଶାନ୍ତ କିଶୋରଙ୍କ କାରକେଡ୍‌କୁ ବିହାର ପୁଲିସ ତଲାସ କରିଥିଲା।

ଆପଣଙ୍କୁ କହି ରଖୁଛୁ କି , ପ୍ରଶାନ୍ତ କିଶୋରଙ୍କ ପାର୍ଟି ଜନ ସୁରାଜ ବିହାରର ସବୁ ୨୪୩ଟି ସିଟ୍‌ରେ ନିର୍ବାଚନ ଲଢୁଛି। ଏହାସହ ସେ ବିଜେପି ଉପରେ ପାର୍ଟିର ତିନି ଜଣ ପ୍ରାର୍ଥୀଙ୍କୁ ନାମାଙ୍କନ ପ୍ରତ୍ୟାୟର କରିବା ପାଇଁ ଧମକାଇବାର ଅଭିଯୋଗ କରିଥିଲା। ଜନ ସୁରାଜର ପ୍ରାର୍ଥୀଙ୍କ ଫଟୋ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଓ ବିହାର ବିଜେପି ନିର୍ବାଚନ ପ୍ରଭାରୀ ଧର୍ମେନ୍ଦ୍ର ପ୍ରଧାନଙ୍କ ସହ ଜାରି କରିଥିଲେ।

ହେଲେ ପ୍ରଶାନ୍ତ କିଶୋର ନିଜେ ନିର୍ବାଚନ ଲଢୁ ନାହାନ୍ତି। ପ୍ରଥମେ ତାଙ୍କର ରାଘୋପୁରରୁ ତେଜସ୍ୱୀଙ୍କ ବିରୁଦ୍ଧରେ ନିର୍ବାଚନୀ ମୈଦାନକୁ ଓହ୍ଲାଇବାର ଖବର ଥିଲା। କିନ୍ତୁ ପରେ ପିକେ କହିଥିଲେ ଯେ, ଯଦି ମୁଁ ନିର୍ବାଚନ ଲଢିବି ତ ପାର୍ଟିର ଫୋକସ ସେହି ସିଟ୍‌ ଉପରେ ହୋଇଯିବ। ଏଥିପାଇଁ ପାର୍ଟିର ନିଷ୍ପତ୍ତି , ଯେ ମୁଁ ନିର୍ବାଚନ ଲଢିବି ନାହିଁ। ସେ ଏହା ମଧ୍ୟ ଦାବି କରିଛନ୍ତି ଯେ, ଏହିଥର ଏନଡିଏର ମୁକାବିଲା ମେଣ୍ଟ ସହ ନୁହେଁ ବରଂ ଜନ ସୁରାଜ ସହ।