ସତୀଶ ଶାହଙ୍କୁ ପଦ୍ମଶ୍ରୀ ପ୍ରଦାନ କରିବାକୁ ପ୍ରଧାନମନ୍ତ୍ରୀ FWICEର ଚିଠି, କହିଲେ-ଚାରି ଦଶନ୍ଧି ଧରି ଲୋକଙ୍କୁ ହସାଇଥିଲେ

ମୁମ୍ଵାଇ ୨୯।୧୦; ଭାରତୀୟ ସିନେମା ଏବଂ ଟେଲିଭିଜନର ପ୍ରସିଦ୍ଧ ଅଭିନେତା ସତୀଶ ଶାହ । ଯିଏ ଆଉ ଆମ ମଧ୍ୟରେ ନାହାଁନ୍ତି। କିନ୍ତୁ ତାଙ୍କ କାର୍ଯ୍ୟ ଏବଂ ଅବଦାନକୁ ଏବେ ବି ବହୁତ ସମ୍ମାନର ସହିତ ମନେ ରଖାଯାଇଛି। ତାଙ୍କ ଅବଦାନକୁ ସମ୍ମାନ ଜଣାଇବା ପାଇଁ ଫେଡେରେସନ ଅଫ୍ ୱେଷ୍ଟର୍ଣ୍ଣ ଇଣ୍ଡିଆ ସିନେ ଏମ୍ପ୍ଲୋଇଜ୍ (FWICE) ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ବିଶେଷ ନିବେଦନ କରିଛି। ଫେଡେରେସନ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖି ସତୀଶ ଶାହଙ୍କୁ ପଦ୍ମଶ୍ରୀ ପ୍ରଦାନ କରିବାକୁ ଅନୁରୋଧ କରିଛି।

ତାଙ୍କର ଲମ୍ଵା କ୍ୟାରିଅର ସମୟରେ, ସତୀଶ ଶାହ ସିନେମା ଏବଂ ଟେଲିଭିଜନ ଉଭୟରେ ତାଙ୍କର ଦମ୍‌ଦାର ଅଭିନୟର ସହ ନିଜର ଭିନ୍ନ ପରିଚୟ ହାସଲ କରିଥିଲେ। ସେ ଦର୍ଶକଙ୍କୁ ମନୋରଞ୍ଜନ କରିଥିଲେ। ସତୀଶ ଶାହ ବିଶେଷ ଭାବରେ ୟେ ଜୋ ହୈ ଜିନ୍ଦେଗି, ସାରାଭାଇ ଭର୍ସେସ୍‌ ସାରାଭାଇ, ଫିଲ୍ମି ଚକ୍କର, ଗୋଲମାଲ, ମୈଁ ହୁଁ ନା ଏବଂ ଓମ୍ ଶାନ୍ତି ଓମ୍ ଭଳି ଅନେକ ଚଳଚ୍ଚିତ୍ର ଏବଂ ଧାରାବାହିକରେ ତାଙ୍କର ଚମତ୍କାର ଭୂମିକା ପାଇଁ ଜଣାଶୁଣା।

ଚିଠିରେ କ’ଣ ଲେଖାଯାଇଥିଲା?

ତାଙ୍କର କମେଡି ସମୟ ଏବଂ ଅଭିନୟ ଶୈଳୀ ଏତେ ସ୍ୱାଭାବିକ ଥିଲା ଯେ ସମସ୍ତ ବୟସର ଦର୍ଶକ ତାଙ୍କ କାମ ଓ ଅଭିନୟକୁ ପସନ୍ଦ କରୁଥିଲେ। FWICE ପକ୍ଷରୁ ପ୍ରଧାନମନ୍ତ୍ରୀଙ୍କୁ ଲେଖାଯାଇଥିବା ଚିଠିରେ କୁହାଯାଇଛି, "ଆମେ ଆପଣଙ୍କୁ ବିନମ୍ରତାର ସହିତ ଅନୁରୋଧ କରୁଛୁ ଯେ ଭାରତର ସବୁଠାରୁ ପ୍ରିୟ ଏବଂ ସମ୍ମାନିତ ଅଭିନେତାମାନଙ୍କ ମଧ୍ୟରୁ ଜଣେ ସ୍ୱର୍ଗତ ଶ୍ରୀ ସତୀଶ ଶାହଙ୍କୁ ମରଣୋତ୍ତର ପଦ୍ମଶ୍ରୀ ପ୍ରଦାନ କରିବା ପାଇଁ ବିଚାର କରନ୍ତୁ। ସତୀଶ ଶାହ ଜଣେ ପ୍ରତିଭାଶାଳୀ କଳାକାର ଥିଲେ। ଯାହାଙ୍କ ଭିନୟ ଦେଶର ଲକ୍ଷ ଲକ୍ଷ ଲୋକଙ୍କ ମନରେ ହସ ଆଣିଥିଲା।