ହିରୋ ନୁହେଁ, ଏହି ଫିଲ୍ମଗୁଡ଼ିକରେ‘ଭିଲେନ୍’ ଷ୍ଟାର, ସୋସିଆଲ୍ ମିଡିଆରେ ସେମାନେ ସେନସେସନ୍

ମୁମ୍ବାଇ : ମଲ୍ଟି ଷ୍ଟାରର ଫିଲ୍ମ ‘ଧୁରନ୍ଧର’ । ଫିଲ୍ମର ମାଇଲେଜ୍ ଅକ୍ଷୟ ଖାନା । ଦମ୍ ଦାର ଅଭିନୟରେ ଦର୍ଶକ ଦିୱାନା। ଏମିତିକି ତାଙ୍କ ଭିଲିୟାନ ଅନ୍ଦାଜ ଆଗରେ ହିରୋ ବି ଫିକା । ତାଙ୍କ ଷ୍ଟାଇଲିସ ଲୁକ୍ ସ୍ୱାଗକୁ ନେଇ ଚର୍ଚ୍ଚା ସବୁଠି। ଦିନେ ହିରୋ ଭୂମିକା ଅକ୍ଷୟଙ୍କୁ ଦେଇନଥିଲା ପରିଚୟ । ହେଲେ ଏବେ ଭିଲେନ୍ ହୋଇ ସେ ବେଶ୍ ଫେମସ । ଛାବା ପରେ ଧୂରନ୍ଧର ଦୁଇଟି ଫିଲ୍ମରେ ଅକ୍ଷୟଙ୍କ ବ୍ୟାଡ୍ ବୟ ଅନ୍ଦାଜକୁ ପସନ୍ଦ କରୁଛନ୍ତି ଲୋକେ । ବଡ଼ କଥା ହେଉଛି ଧୂରନ୍ଧର ଫିଲ୍ମ ପାଇଁ ରଣବୀର ନୁହେଁ ବରଂ ଅକ୍ଷୟ ଖାନ୍ନା ଏବେ ଟ୍ରେଣ୍ଡିଂରେ । ତେବେ ଏହା ପ୍ରଥମ ନୁହେଁ, ଯେବେ ଫିଲ୍ମରେ ହିରୋ ଠାରୁ ଅଧିକ ରହିଛି ଭିଲେନଙ୍କ ଦବଦବା । ଏହା ପୂର୍ବରୁ ବି ଅନେକ ଫିଲ୍ମରେ ଖଳନାୟକ ମାନେ ବି ଫିଲ୍ମରେ ଜାହିର କରିଛନ୍ତି ନିଜ ଗୁରୁତ୍ୱ। ଆସନ୍ତୁ ଜାଣିବା ଇଣ୍ଡଷ୍ଟ୍ରିର ଏପରି କିଛି ଭିଲେନଙ୍କ ବିଷୟରେ...

ବବି ଦେୱଲ- 2023ରେ ରିଲିଜ୍ ହୋଇଥିବା ଫିଲ୍ମ ଆନିମଲ୍ ଦର୍ଶକଙ୍କ ମଧ୍ୟରେ ସୃଷ୍ଟି କରିଥିଲା ଚହଳ। ଏଥିରେ ରଣବୀର କପୁର ହିରୋ ଥିବା ବେଳେ ଭିଲେନ୍ ଭୂମିକାରେ ଅଭିନୟ କରିଥିବା ବବି ଦେଓଲ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ରହିଥିଲେ। ତାଙ୍କର ଦମଦାର ଅଭିନୟ ବ୍ୟତୀତ, "ଜମାଲ୍ କୁଡୁ" ଗୀତରେ ତାଙ୍କର ଏଣ୍ଟ୍ରି ଫ୍ୟାନ୍ସଙ୍କୁ ଯେମିତି ଦିୱାନା କରିଦେଇଥିଲା। ଏହି ଗୀତ ଉପରେ ଲକ୍ଷ ଲକ୍ଷ ରିଲ୍ ହୋଇଥିଲା। "ଆନିମଲ୍"ରେ ଅବରାରଙ୍କ ଭୂମିକା ବବିଙ୍କ କ୍ୟାରିଅରରେ ଏକ ପ୍ରମୁଖ ମାଇଲଖୁଣ୍ଟ ପ୍ରମାଣିତ ହୋଇଥିଲା। ସେ ଇଣ୍ଟରନେଟ୍ ସେନସେସନ୍ ହୋଇଥିଲେ। ଆଉ ରଣବୀରଙ୍କ ଅପେକ୍ଷା ଅଧିକ ଟ୍ରେଣ୍ଡରେ ରହିଥିଲେ।

ଜୟଦୀପ ଆହ୍ଲାୱତ୍- ଜୟଦୀପ ଆହଲାୱତ୍ ଫ୍ୟାମିଲି ମ୍ୟାନ୍ ସିରିଜର ପାର୍ଟ-3 ରେ ନଜରର ଆସିଥିଲେ। ରୁକ୍ମା ଚରିତ୍ରରେ ସେ ରହିଥିଲେ ଲାଇମ୍ ଲାଇଟରେ। ସେ ସିରିଜରେ ନେଗେଟିଭ୍ ଚରିତ୍ରରେ ନଜର ଆସିଥିଲେ। ମନୋଜ ବାଜପେୟୀ ତାଙ୍କ ଭୂମିକାରେ ଲିଡ୍ ରୋଲରେ ରହି କରିଥିଲେ ଦମଦାର ପ୍ରଦର୍ଶନ। କିନ୍ତୁ ତାଙ୍କର ଅଭିନୟ ସମସ୍ତଙ୍କୁ ପସନ୍ଦ ଆସିଥିବା ବେଳେ ଜୟଦୀପଙ୍କ ଭିଲେନ୍ ଚିରିତ୍ର କିନ୍ତୁ ଲାଇମ୍ ଲାଇଟ୍ ରେ ରହିଥିଲା।

ରିତେଶ ଦେଶମୁଖ- ଫିଲ୍ମ ରେଡ୍-2ରେ ରିତେଶ ଦେଶମୁଖ ନଜର ଆସିଥିଲେ। ସେ ପୂର୍ବରୁ ଅନେକ ଫିଲ୍ମରେ ଭିଲେନ୍ ଭୂମିକାରେ ନଜର ଆସି ସାରିଛନ୍ତି। କିନ୍ତୁ ରେସ୍-2 ରେ ସେ ଅଜୟ ଦେବଗନଙ୍କ ସହ ଦେଇଛନ୍ତି ଟକ୍କର। ରିତେଶ ଅଜୟଙ୍କ ଅପେକ୍ଷା ଇଣ୍ଟରନେଟରେ ହୋଇଥିଲେ ବେଶି ଭାଇରାଲ୍।

ଅମଜତ୍ ଖାନ୍- କଲ୍ଟ କ୍ଲାସିକ୍ ଫିଲ୍ମ "ଶୋଲେ"ରେ ଅମିତାଭ ବଚ୍ଚନ ଏବଂ ଧର୍ମେନ୍ଦ୍ର ମୁଖ୍ୟ ଭୂମିକାରେ ଅଭିନୟ କରିଥିଲେ। ତଥାପି, ଗବ୍ବର ସିଂହ ଭୂମିକାରେ ଥିବା ଅମଜାଦ ଖାନ୍ ହୋଇଥିଲେ ଅଧିକ ଫେମସ୍। ତାଙ୍କର ହୋଇଥିଲା ଭୁରି ଭୁରି ପ୍ରଶଂସା। ଗବ୍ବର ଭୂମିକାରେ ଥିବା ଅମଜଦଙ୍କ ଡାଇଲଗ୍ ଏବେ ବି ସିନେପ୍ରେମୀଙ୍କ ମଧ୍ୟରେ ହିଟ୍। ତାଙ୍କ ତୁଳନା ଭାରତୀୟ ସିନେମାରେ ଆଇକୋନିକ ଭିଲେନଙ୍କ ମଧ୍ୟରେ ହୋଇଥାଏ।

ରଣବୀର ସିଂହ - ଦୀପିକା ପାଦୁକୋନ୍ ଏବଂ ଶାହିଦ କପୁରଙ୍କ ଫିଲ୍ମ ପଦ୍ମାୱତ। ଏଥିରେ ରଣବୀର ସିଂହ ଆଲାଉଦ୍ଦିନ ଖିଲଜୀ ଭୂମିକାରେ ନଜର ଆସିଥିଲେ । ରଣବୀରଙ୍କ ଭିଲେନ୍ ଲୁକ୍ , ଦମଦାର ଅଭିନୟ, ଡାଇଲଗ୍ ଡେଲିଭରି ତାଙ୍କୁ ଦେଇଥିଲା ଭିନ୍ନ ପରିଚୟ। ଏହା କହିବା ଭୁଲ ହେବ ନାହିଁ ଯେ ତାଙ୍କ ଭୂମିକା ଶାହିଦଙ୍କ ଗୁରୁତ୍ୱକୁ ବି ପଛରେ ପକାଇ ଦେଇଥିଲା।

ଅମରୀଶ ପୁରୀ- ମିଷ୍ଟର ଇଣ୍ଡିଆ ଫିଲ୍ମରେ ବରିଷ୍ଠ ଅଭିନେତା ଅମରୀଶ ପୁରୀ ମୋଗାମ୍ବୋ ଭୂମିକାରେ ଅଭିନୟ କରିଥିଲେ। ଅନିଲ କପୁର ଫିଲ୍ମର ମୁଖ୍ୟ ଅଭିନେତା ଥିଲେ। କିନ୍ତୁ ଆଜି ମଧ୍ୟ, ସେହି ଫିଲ୍ମ କଥା ହେଲେ, ମୋଗାମ୍ବୋ ନାଁ ସମସ୍ତଙ୍କ ମନରେ ଆସେ। ସେ ଏହି ଚରିତ୍ରକୁ ଏତେ ଜଷ୍ଟିଫାଏ କରିଥିଲେ ଯେ, ତାଙ୍କ ଶ୍ରେଷ୍ଠ ଅଭିନୟକୁ ଆଜି ମନେ ରଖିଛନ୍ତି ଲୋକେ। ତେବେ ଏମାନଙ୍କୁ ମଧ୍ୟରୁ ଆପଣଙ୍କ ପ୍ରିୟ କିଏ ?