ନିଜ ପ୍ରାର୍ଥୀଙ୍କୁ ବିଜେପିକୁ ପଠାଇବା ପରେ, ବିଜେଡି ଏବେ ପ୍ରାର୍ଥୀ ଦେବାକୁ ବି ଅସମର୍ଥ

ଭୁବନେଶ୍ବର ୧୫।୧୦: ନୂଆପଡ଼ା ଉପନିର୍ବାଚନକୁ ନେଇ ପ୍ରମୁଖ ରାଜନୈତିକ ଦଳ ମଧ୍ୟ ଛକାପଞ୍ଝା । ଏହାରି ଭିତରେ କଂଗ୍ରେସ ଓ ବିଜେପି ପ୍ରାର୍ଥୀ ଘୋଷଣା କରିସାରିଥିବା ବେଳେ ପ୍ରାର୍ଥୀ ଖୋଜୁଛି ବିଜେଡି । ଏଭଳି ସ୍ଥିତିରେ ବିଜେଡିକୁ ଟାର୍ଗେଟ୍ କରିଛନ୍ତି ପ୍ରଦେଶ କଂଗ୍ରେସ କମିଟି ସଭାପତି ଭକ୍ତ ଚରଣ ଦାସ ।

ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଭକ୍ତ ଲେଖିଛନ୍ତି, ଓଡ଼ିଶାରେ ବିଜେପି ଆଗରେ ବିଜେଡି ସମ୍ପୂର୍ଣ୍ଣ ଆତ୍ମସମର୍ପଣ କରିଛି । ନିଜ ପ୍ରାର୍ଥୀ ଜୟ ଢୋଲକିଆଙ୍କୁ ବିଜେପିକୁ ସ୍ଥାନାନ୍ତର କରିବା ପରେ, ସେମାନେ ଏବେ ପ୍ରାର୍ଥୀ ଦେବାକୁ ମଧ୍ୟ ଅସମର୍ଥ ମଣୁଛନ୍ତି । କେବେ ଭାବି ନ ଥିଲୁ ଯେ ବିଜେଡି ଏତେ ତଳକୁ ଖସିଯିବ ଯେ ବିଜୁ ବାବୁଙ୍କ ଐତିହ୍ୟକୁ RSS-BJPକୁ ବିକ୍ରି କରିବ ।

​​​​​​​

BJD has completely surrendered before BJP in Odisha. After transferring their own candidate Jay Dholakia to BJP, they now seem incapable of even fielding a candidate.

Never thought BJD would stoop so low as to sell Biju Babu’s legacy to the RSS-BJP.#NuapadaMaangeNyay

— Bhakta Charan Das (@BhaktaCharanDas) October 15, 2025

ସେ ଆହୁରି ଲେଖିଛନ୍ତି, ନୂଆପଡ଼ା ଉପନିର୍ବାଚନ ପୂର୍ବରୁ ସର୍ବନିମ୍ନ ସ୍ତରକୁ ଖସିଯାଇଛି ବିଜେପିର ମାନସିକତା । ପ୍ରଥମେ କଂଗ୍ରେସ ପ୍ରାର୍ଥୀଙ୍କ ବିରୋଧରେ ବିଜେପି ମିଥ୍ୟା ଅପପ୍ରଚାର କଲା । ଆଉ ଏବେ ବିଜେଡ଼ିକୁ କହି ଆଦିବାସୀ କଲ୍ୟାଣ ସଂଘର ସଭାପତିଙ୍କୁ ବିଜେଡ଼ି ପ୍ରାର୍ଥୀ କରାଉଛି । ଏଥିରୁ ସ୍ପଷ୍ଟ ବିଜେଡ଼ି ବିଜେପି ଭାଇ-ଭାଇ ଏବଂ କଂଗ୍ରେସର ଉତ୍ଥାନରେ ଦୁଇ ଦଳ ଭୟଭୀତ । କେବଳ କଂଗ୍ରେସକୁ ପରାସ୍ତ କରିବା ପାଇଁ ଦଳିତ, ଆଦିବାସୀ ସମାଜର ନେତୃତ୍ବକୁ ସମାପ୍ତ କରିବାକୁ ଚକ୍ରାନ୍ତ କରୁଛନ୍ତି ।