'ଇକ୍କିସ୍'ର ବକ୍ସ ଅଫିସ୍ କଲେକ୍ସନ, ଧୁରନ୍ଧର କ୍ରେଜ୍ ମଧ୍ୟରେ କମାଇଲା ଏତିକି କୋଟି ଟଙ୍କା

ମୁମ୍ଵାଇ ୦୨।୦୧; ୨୦୨୬ ନବବର୍ଷ ଅବସରରେ ବଲିଉଡ ଫିଲ୍ମ 'ଇକ୍କିସ୍' ସିନେମା ହଲରେ ମୁକ୍ତିଲାଭ କରିଥିଲା । ଅଗସ୍ତ୍ୟା ନନ୍ଦା, ସିମର ଭାଟ୍ଟିଆ, ଧର୍ମେନ୍ଦ୍ର ଏବଂ ଜୟଦୀପ ଅହଲାୱତ ଅଭିନୀତ 'ଇକ୍କିସ୍' ସେହି ସମୟରେ ମୁକ୍ତିଲାଭ କଲା ଯେତେବେଳେ ରଣଭୀର ସିଂହଙ୍କ 'ଧୁରନ୍ଧର' ବକ୍ସ ଅଫିସରେ ଧମାକା କରୁଛି । ରିଲିଜର ପ୍ରଥମ ଦିନରେ "ଇକ୍କିସ୍" ଭଲ କଲେକ୍ସନ କରିଛି । 'ଇକ୍କିସ୍' ପ୍ରଥମ ଦିନରେ ବକ୍ସ ଅଫିସରେ କିପରି ପ୍ରଦର୍ଶନ କରିଛି ଏବଂ 'ଧୁରନ୍ଧର' ୨୮ତମ ଦିନରେ କିପରି ପ୍ରଦର୍ଶନ କରିଛି ?

ଇକ୍କିସ' ବକ୍ସ ଅଫିସ କଲେକ୍ସନ

ରିପୋର୍ଟ ଅନୁଯାୟୀ, ଅଗସ୍ତ୍ୟା ନନ୍ଦା ଏବଂ ସିମର ଭାଟ୍ଟିଆଙ୍କ ନୂଆ ଯୋଡ଼ି ଅଭିନୀତ 'ଇକ୍କିସ' ପ୍ରଥମ ଦିନରେ ୭ କୋଟି କଲେକ୍ସନ କରିଥିଲା । ଧୁରନ୍ଧର କ୍ରେଜ ମଧ୍ୟରେ 'ଇକ୍କିସ' ହିନ୍ଦୀ ଭର୍ସନ ୩୧.୯୪% ଅକ୍ୟୁପାନ୍ସି ହାର ରେକର୍ଡ କରିଥିଲା । ସକାଳ ଶୋ’ରେ ଅକ୍ୟୁପାନ୍ସି ହାର ୧୨.୦୯%, ଅପରାହ୍ନ ଶୋ’ରେ ୩୫.୨୯%, ସନ୍ଧ୍ୟା ଶୋ’ରେ ୪୬.୭୭% ଏବଂ ରାତି ଶୋ’ରେ ୩୩.୬୨% ରେକର୍ଡ କରିଥିଲା । ସେହି ଦିନ, ଧୁରନ୍ଧର ଏହାର ରିଲିଜର ୨୮ ଦିନ ସମାପ୍ତ କରିଛି ଏବଂ ୧୫ କୋଟି କଲେକ୍ସନ କରିଥିଲା ।

ଭାରତରେ 'ଧୁରନ୍ଧର' କଲେକ୍ସନ ୨୭ ଦିନରେ ୭୬୬.୯୦ କୋଟିରେ ପହଞ୍ଚିଛି । 'ଧୁରନ୍ଧର' ଏହାର ୨୭ତମ ଦିନରେ ୧୨.୪୦ କୋଟି ରୋଜଗାର କରିଛି । ଏହି ସମୟରେ, କାର୍ତ୍ତିକ ଆର୍ଯ୍ୟନ ଏବଂ ଅନନ୍ୟା ପାଣ୍ଡେ ଅଭିନୀତ ରୋମାଣ୍ଟିକ ଡ୍ରାମା ଫିଲ୍ମ "ତୁ ମେରି ମେ ତେରା ମେ ତେରା ଔର ତୁ ମେରି" ଅଷ୍ଟମ ଦିନରେ ୧.୩୫ କୋଟି ରୋଜଗାର କରିଛି । ଫିଲ୍ମର ୮ଦିନର କଲେକ୍ସନ ଏବେ ୩୦.୨୦ କୋଟିରେ ପହଞ୍ଚିଛି। "ତୁ ମେରି ମେ ତେରା ମେ ତେରା ଔର ତୁ ମେରି" ବକ୍ସ ଅଫିସରେ ଫ୍ଳପ୍ ହେଉଥିବା ପରି ମନେ ହେଉଛି ।ଶ୍ରୀରାମ ରାଘବନଙ୍କ ନିର୍ଦ୍ଦେଶିତ "ଇକ୍କିସ୍" ୧୯୭୧ ଭାରତ-ପାକ୍ ଯୁଦ୍ଧରେ ସହିଦ ହୋଇଥିବା ଯୁବ ସୈନିକ ଅରୁଣ ଖେତରପାଲଙ୍କ ଉପରେ ଆଧାରିତ । ଏହି ଚଳଚ୍ଚିତ୍ରଟି ଦର୍ଶକଙ୍କୁ ଏହାର ପ୍ରଥମ ଦିନରେ ଏକ ଚମତ୍କାର ଅଭିଜ୍ଞତା ପ୍ରଦାନ କରିଥିଲା। "ଇକ୍କିସ୍" ନୂତନ ବର୍ଷର ସପ୍ତାହରେ କେତେ ରୋଜଗାର କରୁଛି ତାହା ଦେଖିବା ବାକି ରହିଲା।