ଦେଇଥାନ୍ତେ ହେଲ୍‌ଥ ଇକୋନମିକ୍ସ ପରୀକ୍ଷା, ହଷ୍ଟେଲ୍‌ରୁ ମିଳିଲା ଛାତ୍ରଙ୍କ ମୃତଦେହ

ସମ୍ୱଲପୁର ୨୧/୦୧: ସମ୍ୱଲପୁର ବିଶ୍ଵବିଦ୍ୟାଳୟ ବ୍ରହ୍ମପୁତ୍ର ହଷ୍ଟେଲ୍‌ରେ ଛାତ୍ରଙ୍କ ମୃତ୍ୟୁ । ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କଲା ବୁର୍ଲା ପୋଲିସ୍ । ମୃତକ ହେଲେ ଅର୍ଥନୀତି ବିଭାଗ ଦ୍ଵିତୀୟ ବର୍ଷର ଛାତ୍ର । ହଷ୍ଟେଲ୍‌ର ୫୨ ନଂ ରୁମ୍‌ରେ ସେ ଏକୁଟିଆ ରହୁଥିଲେ । ମୃତ ଛାତ୍ର ଜଣକ ସମ୍ବଲପୁର ବିଶ୍ଵବିଦ୍ୟାଳୟ ଅର୍ଥନୀତି ବିଭାଗ ଦ୍ଵିତୀୟ ବର୍ଷର ସୂରଜ କୁଜୁର । ତାଙ୍କ ଘର ସୁନ୍ଦରଗଡ଼ ଜିଲ୍ଲା କୁତ୍ରା ବୋଲି ଜଣାପଡ଼ିଛି । ମଙ୍ଗଳବାର ଏହି ଘଟଣା ଘଟିଥିବାବେଳେ ଘଟଣାସ୍ଥଳରେ ବୁର୍ଲା ପୋଲିସ୍ ସମେତ ସମ୍ବଲପୁର ବିଶ୍ଵବିଦ୍ୟାଳୟ କୁଳପତି, କୁଳସଚିବ ପ୍ରମୁଖ ପହଞ୍ଚି ତଦନ୍ତ କରିଛନ୍ତି ।

ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ତଦନ୍ତ କରୁଛି ପୋଲିସ୍ । କହିବାକୁ ଗଲେ ସୂରଜ ଅର୍ଥ ନୀତି ବିଭାଗର ଦ୍ଵିତୀୟ ବର୍ଷର ଛାତ୍ର । ଆଜି ଚଳିତ ସେମିଷ୍ଟର୍‌ର ଶେଷ ବିଷୟ ହେଲ୍‌ଥ ଇକୋନିମିକ୍ସ ପରୀକ୍ଷା ଦେଇଥାନ୍ତେ। ସେ ଛାତ୍ରାବାସର ରୁମ୍ ନଂ ୫୨ରେ ଏକୁଟିଆ ରହୁଥିଲେ।

ସୂଚନା ଥାଉକି, ମଙ୍ଗଳବାର ମଧ୍ୟାହ୍ନରେ ସ‌ହପାଠୀମାନେ ତାଙ୍କୁ ମଧ୍ୟାହ୍ନ ଭୋଜନ କରିବା ପାଇଁ କବାଟ ବାଡ଼େଇଥିଲେ । କିନ୍ତୁ ସେ କବାଟ ଖୋଲିନଥିଲେ । ସହପାଠୀମାନେ ସେ ଶୋଇଥାଇପାରନ୍ତି ଭାବି ଚାଲିଯାଇଥିଲେ । ରାତ୍ରିରେ ପୁଣି ରାତ୍ର ଭୋଜନ କବାଟ ବାଡ଼େଇଥିଲେ । କରିବାକୁ କିଛି ସହପାଠୀ ପୁଣି କବାଟ ବାଡେଇଥିଲେ । ତଥାପି ସେ କବାଟ ଖୋଲିନଥିଲେ।

ସନ୍ଦେହ ହେବାରୁ କିଛି ସହପାଠୀ ଝରକାକୁ ଚଢ଼ି ଦେଖିଥିଲେ । ସେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ । ତୁରନ୍ତ ଘଟଣା ସମ୍ପର୍କରେ ସହପାଠୀମାନେ ହଷ୍ଟେଲ କର୍ତ୍ତୃପକ୍ଷଙ୍କୁ ସୂଚନା ଦେଇଥିଲେ। ଖବର ପାଇ ପୋଲିସ୍ ଏବଂ ବିଶ୍ଵବିଦ୍ୟାଳୟ କର୍ତ୍ତୃ ପକ୍ଷ ଘଟଣା ସ୍ଥଳରେ କେଉଁ କାରଣରୁ ଆତ୍ମ ହତ୍ୟା ପହଞ୍ଚିଥିଲେ। ତେବେ ସୂରଜ ଏ ଭଳି ଚରମ ପଦକ୍ଷେପ ନେଲେ ଲେ ତାହା ଜଣାପଡ଼ିନାହିଁ।