ଖଇରା ୭|୩ : ଯୁବକଙ୍କୁ ଗୋଡାଇ ଗୋଡାଇ ହାଣିଲେ ଦୁର୍ବୃତ୍ତ । ଭୁଜାଲି ଓ ଖଣ୍ଡାରେ ସଂଘବଦ୍ଧ ଭାବେ ଆକ୍ରମଣ କରିଛନ୍ତି ଦୁର୍ବୃତ୍ତ । ବାଲେଶ୍ବର ଖଇରା ଥାନା କୁପାରି ରାସ୍ତା କଦଳିଗଡିଆରେ ଏହି ଅଭାବନୀୟ ଘଟଣା ଘଟିଛି । ଗୁରୁତର ଯୁବକ କଦଳିଗଡିଆର ମୁକ୍ତିକାନ୍ତ ସ । ମୁକ୍ତିକାନ୍ତଙ୍କ କାନ, ବେକ ଓ ହାତକୁ ହାଣି ଦେଇଛନ୍ତି ଦୁର୍ବୃତ୍ତ ।
ଆକ୍ରମଣରେ ଯୁବକଙ୍କ କାନ ଓ ଆଙ୍ଗୁଳି ଛିଡି ଯାଇଛି । ଯୁବକଙ୍କୁ ଗୁରୁତର ଅବସ୍ଥାରେ ପ୍ରଥମେ ଖଇରା, ପରେ ଭଦ୍ରକ ମେଡିକାଲ ସ୍ଥାନାନ୍ତର କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ଆକ୍ରମଣର କାରଣ ଅସ୍ପଷ୍ଟ ରହିଥିବା ବେଳେ ଖଇରା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
