ମହାକାଳପଡା ୨୯/୦୮: କେନ୍ଦ୍ରାପଡା ଜିଲ୍ଲା ପ୍ରଶାସନ ତରଫରୁ ମହାକାଳପଡା ବ୍ଲକରେ ଆଯୋଜନ ହୋଇଥିଲା ଶିବର । ଏହି ଶିବିରରେ ଚାଲିଥିଲା ଜନ ଶୁଣାଣି । ଏଥିରେ ଉପ- ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ଜିଲ୍ଲା ପକଳ୍ପ ନିର୍ଦ୍ଦେଶକ, ଏସ୍‌ପି, ସ୍ଥାନୀୟ ବିଡିଓ, ତହସିଲଦାର ଉପସ୍ଥିତ ଥିଲେ । ତେବେ ଏହି ଜନଶୁଣାଣି ବେଳେ ନଜର ଆସିଥିଲା ଅଭାବନାୟ ଦୃଶ୍ୟ ।

ମିଟିଂ ବେଳେ ହଠାତ୍ ଉଭା ହୋଇଥିଲା ଜଣେ ମହିଳା । ଖାଲି ଆସିନଥିଲେ ତ ବଖାଣିଥିଲେ ନିଜର ଦୁଃଖ । ଆଉ ଏହି ଦୁଃଖ ବଖାଣିବା ଷ୍ଟାଇଲ୍ ବି ଥିଲା ଟିକିଏ ନିଆରା । ମହିଳା ଜଣଙ୍କ ହେଉଛନ୍ତି ମହାକାଳପଡା ବ୍ଲକର ପେଟଛେଲା ପଂଚାୟତର ଜଙ୍ଗଲଘେରି ଗ୍ରାମର । ମହିଳା ଜଣଙ୍କ ହେଉଛନ୍ତି ଦୁଖି ଭୋକ୍ତା । ମହିଳା ଜଣଙ୍କ କହିଥିଲେ ଏ ବାବୁ ଆମ ଗାଁ କୁ କେବେ ରାସ୍ତା ଦେବୁ ।

ଆମେ ରାସ୍ତାରେ ଯିବା ଆସିବା କରି ପାରୁନି । ରୋଗୀ ଆଣିବାକୁ ଗାଁକୁ ଆମ୍ବୁଲାନ୍ସ ଟିଏ ଯାଇ ପାରୁନି । ଆଜି ରାସ୍ତା ନଦେଲେ ମୁଁ ଯିବିନି । ତାଙ୍କର ନିଜ ଭାଷାରେ ଅଭିଯୋଗ ପ୍ରସଙ୍ଗ ସମସ୍ତଙ୍କ ହୃଦୟ ଜିଣିଥିଲା । ଆଉ ମହିଳାଙ୍କ ଅଭିଯୋଗ ଶୁଣିବା ପରେ ଉପଜିଲ୍ଲାପାଳ ନିର୍ଦ୍ଦେଶ ଦେଇଥିଲେ ସହକାରି ଯନ୍ତ୍ରୀଙ୍କୁ । କହିଥିଲେ ଗାଁ ରାସ୍ତା ନିର୍ମ।ଣ ପାଇଁ ବ୍ୟବସ୍ଥା କର ।