ପାରାଦୀପ ୧୩/୧୦: ମୋବାଇଲରେ ନଗ୍ନ ଫଟୋ ପଠାଇ ଜଣେ ଝିଅକୁ ବ୍ଲାକମେଲ୍ କରୁଛନ୍ତି କିଛି ଯୁବକ । ଝିଅର ପରିବାରକୁ ୧୫ଲକ୍ଷ ଟଙ୍କା ଦେବାକୁ ଦାବି କରୁଛନ୍ତି ।  ଟଙ୍କା ନଦେଲେ ସାନଝିଅକୁ ଉଠାଇ ନେବାକୁ ଧମକ ଦେଉଛନ୍ତି । ମୋବାଇଲରେ ନିଜ ଫଟୋ ଦେଖି ଆତ୍ମହତ୍ୟା ଉଦ୍ୟମ କରୁଛି ଝିଅଟି । ଆଉ ହସ୍ପିଟାଲ ବେଡ୍ରେ ୧୩ଦିନ ଧରି ଜୀବନ ସହ ସଂଘର୍ଷ ପରେ ଶେଷରେ ଆଖି ବୁଜି ଦେଉଛି । ଅଭିଯୋଗ ପରେ ପୋଲିସ ଫଟୋ ପଠାଇଥିବା ଯୁବକକୁ ଗିରଫ କରି କୋର୍ଟ ଚାଲାଣ କରୁଛି । ହେଲେ ତା’ ସହିତ ଥିବା ଅନ୍ୟମାନଙ୍କୁ ଛାଡ଼ି ଦେଉଛି । କୁହାଯାଉଛି ପଲିଟିକାଲ ପ୍ରେସରରେ ପୋଲିସ ଅନ୍ୟ ଅଭିଯୁକ୍ତଙ୍କୁ ଧରିବାକୁ ସାହସ କରୁନି । ଝିଅର ପରିବାର ଏବେ କାନ୍ଦି କାନ୍ଦି ନ୍ୟାୟ ଭିକ୍ଷା କରୁଛନ୍ତି । ଏଭଳି ଏକ ଘଟଣା ସାମ୍ନାକୁ ଆସିଛି ପାରାଦୀପ ଅଭୟଚାନ୍ଦପୁର ଥାନା ରଙ୍ଗିଆଗଡ଼ ମଝିବେଲାରି ଗାଁରୁ ।