ଭଦ୍ରକ, ୩୦/୦୩ : ମଦ ପିଇ ବୋତଲ ବାଡ଼ିକୁ ଫିଙ୍ଗିବାକୁ ନେଇ ଅମାନୁଷିକ ଭାବେ ଆକ୍ରମଣ ହୋଇଥିବା ଅଭିଯୋଗ ହୋଇଛି । ଠେଙ୍ଗା, ବାଉଁଶ ଓ ଅନ୍ୟାନ୍ୟ ମାରଣାସ୍ତ୍ର ରେ ସଙ୍ଘବଦ୍ଧ ଆକ୍ରମଣ କରାଯାଇଥିବା ବେଳେ ଏହାର ଲାଇଭ ଭିଡିଓ ଏବେ ଭାଇରାଲ ହେଉଛି ।
ସୂଚନାଯୋଗ୍ୟ ଯେ, ଏମିତି ଘଟଣା ଘଟିଛି ଭଦ୍ରକ ଜିଲ୍ଲା ଧୂସୁରି ଥାନା କଟସାହି ପଥରଡିହ ଗାଁରେ । ଏହି ଗାଁର ପ୍ରଭାତ ମିଶ୍ରଙ୍କ ପରିବାରର ଲିଖିତ ଏତଲା ଅନୁଯାୟୀ ଭାସ୍କର ମିଶ୍ରଙ୍କ ପରିବାରର ସଦସ୍ୟ ମାନେ ଖାଲି ମଦ ବୋତଲ ପ୍ରଭାତ ମିଶ୍ରଙ୍କ ବାଡ଼ିକୁ ଫିଙ୍ଗିଥିଲେ । ଏହା ସହ ପୂର୍ବରୁ ଦୁଇ ପରିବାର ମଧ୍ୟରେ ମଧ୍ୟ ବିବାଦ ଥିଲା ।
ତେବେ ବୋତଲ ଫିଙ୍ଗିବାକୁ ବିରୋଧ କରିବାରୁ ଭାସ୍କରଙ୍କ ପରିବାର ଲୋକେ ସଂଘବଦ୍ଧ ଭାବେ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ । ଏହି ଆକ୍ରମଣରେ ପରିବାରର ୫ ସଦସ୍ୟ ଗୁରୁତର ଓ ଆହତ ଅବସ୍ଥାରେରେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
