ସୋର ୧୩।୩: ଦେବଗିରି ପାହାଡ ଶିଖରରେ ରାତି ପର୍ଯ୍ୟନ୍ତ ଅଟିକିଲେ ଦୁଇ ମହିଳା ବନ କର୍ମଚାରୀ l ହୁତୁହୁତୁ ହୋଇ ଜଳୁଥିବା ନିଆଁ ଲିଭାଇବା ପାଇଁ ଯାଇଥିଲେ ବନ କର୍ମଚାରୀ l ଦୁଇ ଗ୍ରୀନ୍ ପଏଣ୍ଟ ଚିହ୍ନଟ ବେଳେ ପାଞ୍ଚ ଜଣିଆ ନିଆଁ ଲିଭାଳୀ ଟିମ୍ ଠାରୁ ବିଚ୍ଛିନ୍ନ ହୋଇ ଦିନ ୪ରୁ ରାତି ୯ଟା ପର୍ଯ୍ୟନ୍ତ ଦେବଗିରି ପାହାଡ ଶିଖରରେ ଅଟକିଥିଲେ l ଉଭୟ ମହିଳା ବନ କର୍ମଚାରୀ କେବଳ ଗୋଟିଏ ଟର୍ଚ୍ଚ ଓ ମୋବାଇଲକୁ ଭରଷା କରି ପାହାଡ ତକଳୁ ଫେରିଛନ୍ତି l
{"id":757265,"sizeSlug":"full","linkDestination":"none"}![](https://www.prameyanews7.com/wp-content/uploads/2023/03/vlcsnap-2023-03-13-11h51m21s117.png)
ସୂଚନାଯୋଗ୍ୟ ଯେ, ରବିବାର ଅପରାହ୍ନରେ ହାତି ଖୋଲିଆ ରେଞ୍ଜର ପଦ୍ମାବତୀ ବେହେରା ଓ ଗାର୍ଡ ଦେବଗିରି ପାହାଡରେ ନିଆଁ ଲାଗିଥିବା ଗ୍ରୀନ ପଏଣ୍ଟ ଚିହ୍ନଟ କରିବା ଲାଗି ଯାଇଥିଲେ । ସନ୍ଧ୍ୟା ପରେ ନିଆଁ ଲିଭାଳି ଦଳ ସହିତ ଯୋଗାଯୋଗ ବିଚ୍ଛିନ୍ନ ହୋବାରୁ ପାହାଡ ଉପରେ ଅଟକି ଯାଇଥିଲେ । ପାହାଡରେ ବନ୍ୟଜନ୍ତୁଙ୍କ ଭୟ ଓ ନିଜ ସୁରକ୍ଷା ନେଇ ଚିନ୍ତିତ ହୋଇପଡିଥିଲେ । ରାତି ୯ଟାରେ ସୋର ମଙ୍ଗଳପୁର ବାଘ ଆମ୍ପୁଡ଼ାଠାରେ ଉଭୟ ମହିଳା ବନ କର୍ମଚାରୀ ପାହାଡ଼ରୁ ଭୟଭୀତ ଅବସ୍ଥାରେ ଓହ୍ଲାଇଥିଲେ । ଉଲ୍ଲେଖଯୋଗ୍ୟ ଯେ, ଗତ ୧୦ଦିନ ଧରି ଦେବଗିରି ପାହାଡରେ ହୁତୁହୁତୁ ହୋଇ ନିଆଁ ଲାଗିଛି l ନିଆଁ ଆୟତ୍ତ କରିବାରେ ଜଙ୍ଗଲ ବିଭାଗ ବିଫଳ ହୋଇଛି ।