ଭୁବନେଶ୍ବର ୧।୬: ଆସନ୍ତା ସପ୍ତାହେ ମଧ୍ୟରେ ଦୁଇଟି ଲଘୁଚାପ ସୃଷ୍ଟି ନେଇ ସୋଆ ଜଳବାୟୁ ଓ ପାଣିପାଗ କେନ୍ଦ୍ର ନିର୍ଦ୍ଦେଶକ ଡଃ ଶରତ ଚନ୍ଦ୍ର ସାହୁ ଆକଳନ କରିଛନ୍ତି । ୬ ତାରିଖରେ ଆରବ ସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇପାରେ । ପାଖାପାଖି ସେହି ସମୟରେ ବଙ୍ଗୋପସାଗରରେ ମଧ୍ୟ ଲଘୁଚାପ କ୍ଷେତ୍ର ସୃଷ୍ଟି ହେବା ନେଇ ସମ୍ଭାବନା ରହିଛି । ତେବେ ଓଡିଶା ଉପରେ ଏହାର ପ୍ରଭାବ ପଡିବା ନେଇ ସ୍ଥିତି ସ୍ପଷ୍ଟ ହୋଇନାହିଁ ।
ରଜରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଓଡିଶା ଛୁଇଁବ ବୋଲି ସୋଆ ଜଳବାୟୁ ଓ ପାଣିପାଗ କେନ୍ଦ୍ର ନିର୍ଦ୍ଦେଶକ ଡଃ ଶରତ ଚନ୍ଦ୍ର ସାହୁ ଆକଳନ କରିଛନ୍ତି । ତେବେ ଦକ୍ଷିଣ ଆଭ୍ୟନ୍ତରୀଣ ଓଡ଼ିଶାରେ ପ୍ରଥମେ ମୌସୁମୀ ବାୟୁ ଛୁଇଁବ । ପରେ ଦକ୍ଷିଣ ଆଭ୍ୟନ୍ତରୀଣ ଓଡିଶାରେ ମୌସୁମୀ ଛୁଇଁବ । ଦକ୍ଷିଣ-ଉତ୍ତର ଓଡ଼ିଶାକୁ ମୌସୁମୀର ଆଗମନ ହେବ । ପରେ ମୌସୁମୀ ବାୟୁ ଉପକୂଳମୁହାଁ ହେବ ।
ମୌସୁମୀ ଆଗମନ ପୂର୍ବରୁ କଲବଲ କରିବ ତାତି । ରାଜ୍ୟରେ ତାତି ଆହୁରି ବଢ଼ିବ । ଆସନ୍ତା ୬ତାରିଖରୁ ୧୧ତାରିଖ ପର୍ଯ୍ୟନ୍ତ ତାପମାତ୍ରା ବଢିବ ବୋଲି ସୋଆ ଜଳବାୟୁ ଓ ପାଣିପାଗ କେନ୍ଦ୍ର ନିର୍ଦ୍ଦେଶକ ଡଃ ଶରତ ଚନ୍ଦ୍ର ସାହୁ ଆକଳନ କରିଛନ୍ତି । ଆଭ୍ୟନ୍ତରୀଣ ଓଡ଼ିଶାର ତାପମାତ୍ରା ୪୩ ଡିଗ୍ରୀ ରହିବ । ପଶ୍ଚିମ ଓଡିଶାରେ ପାରଦ ୪୬ ଡିଗ୍ରୀ ଛୁଇଁପାରେ । ୭ରୁ ୧୦ ତାରିଖ ଉପକୂଳରେ ମଧ୍ୟ ଗରମ ପ୍ରବଳ ଅନୁଭୂବ ହେବ । ଉପକୂଳରେ ତାପମାତ୍ରା ୪୪ ଡିଗ୍ରୀ ଛୁଇଁପାରେ । ୧୧ ତାରିଖରେ ଉତ୍ତର ଓଡ଼ିଶାରେ ହିଟୱେଭ ସ୍ଥିତି ହୋଇପାରେ ।
You Can Read :
wp:embed {"url":"https://www.prameyanews7.com/temperature-may-touch-46-degrees-in-odisha/","type":"wp-embed","providerNameSlug":"prameya-news-7"}