scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

CA ପରୀକ୍ଷାରେ ଟପ୍ କଲେ ଯମଜ ଭଉଣୀ, ପରିବାରର ୬ ଜଣଙ୍କ ମଧ୍ୟରୁ ୫ ଚାର୍ଟାର୍ଡ ଆକାଉଣ୍ଟାଣ୍ଟ

11/01/2024 at 7:39 PM

ନୂଆଦିଲ୍ଲୀ: ଇନଷ୍ଟିଚ୍ୟୁଟ୍ ଅଫ୍ ଚାର୍ଟାର୍ଡ ଆକାଉଣ୍ଟସ ଅଫ୍ ଇଣ୍ଡିଆ (ଆଇସିଏଆଇ) ଚାର୍ଟାର୍ଡ ଆକାଉଣ୍ଟାଣ୍ଟ (ସିଏ) ଫାଇନାଲ ଏବଂ ଇଣ୍ଟର ପରୀକ୍ଷା ଫଳାଫଳ ମଙ୍ଗଳବାର ଘୋଷଣା କରିଥିଲା । ଏହାପରେ ମୁମ୍ୱାଇର ଦୁଇ ଯମଜ ଭଉଣୀ ସଂସ୍କୃତି ଏବଂ ଶ୍ରୁତି ସାରା ଦେଶରେ ଚର୍ଚ୍ଚାକୁ ଆସିଛନ୍ତି । ଦୁଇ ଭଉଣୀ ଏହି ପରୀକ୍ଷାରେ ଅଲ୍ ଇଣ୍ଡିଆ ରାଙ୍କିରେ ଦ୍ୱିତୀୟ ଏବଂ ଅଷ୍ଠମ ସ୍ଥାନ ହାସଲ କରିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି ପରୋଲିଆ ପରିବାରଙ୍କୁ ଚାର୍ଟାର୍ଡ ଆକାଉଣ୍ଟାଣ୍ଟଙ୍କ ଖଣି ବୋଲି କୁହାଯାଏ । ପରୋଲିଆ ପରିବାରରେ ୬ ଜଣଙ୍କ ମଧ୍ୟରୁ ୫ ଜଣ ସଦସ୍ୟ ଚାର୍ଟାର୍ଡ ଆକାଉଣ୍ଟାଣ୍ଟ ଅଛନ୍ତି । ସଂସ୍କୃତି-ଶ୍ରୁତିଙ୍କ ବାପା-ଭାଇ ମଧ୍ୟ ଚାର୍ଟାର୍ଡ ଆକାଉଣ୍ଟାଣ୍ଟ ଅଛନ୍ତି ।

ଆଇସିଏଆଇ ପକ୍ଷରୁ ସିଏ ଫାଇନାଲ୍ ରେଜଲ୍ଟ ସହ ଟପର୍ସଙ୍କ ଲିଷ୍ଟ ମଧ୍ୟ ଜାରି କରିଛି । ଟପର୍ସ ଲିଷ୍ଟ ଆସିବା ପରେ ମୁମ୍ୱାଇର ଦୁଇ ଭଉଣୀଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ସିଏ ଫାଇନାଲରେ ଟପ୍ କରିଥିବା ୨୨ ବର୍ଷୀୟ ଦୁଇ ଭଉଣୀ ସ୍କୁଲଠାରୁ କଲେଜ ଯାଏ ଏକାଠି ପାଠ ପଢିଥିଲେ । ସ୍କୁଲ ପଢା ସରିବା ପରେ ସଂସ୍କୃତି ଏବଂ ଶ୍ରୁତି ଏଚଆର କଲେଜ ଚର୍ଚ୍ଚଗେଟରେ ଭର୍ତ୍ତି ହୋଇଥିଲେ । ଗ୍ରାଜୁଏସନ ସହ ଦୁହେଁ ସିଏ ପାଇଁ ପଢାପଢି ଆରମ୍ଭ କରିଥିଲେ । ଏବେ ଦୁଇଁ ଭଉଣୀ ସିଏ ଫାଇନାଲ ପରୀକ୍ଷାରେ ଟପ୍ କରିଛନ୍ତି । ସିଏ ଫାଇନାଲରେ ଦ୍ୱିତୀୟ ରାଙ୍କରେ ଥିବା ସଂସ୍କୃତି ୭୪.୮୮ ପ୍ରତିଶତ ରଖିଛନ୍ତି । ସେ ୮୦୦ରୁ ୫୯୯ ମାର୍କ ରଖିଛନ୍ତି । ଅନ୍ୟପଟେ ଶ୍ରୁତିଙ୍କ ରାଙ୍କ ୮ ରହିଛି ।   

ପଢନ୍ତୁ: ଘୋଷଣା ହେଲା NEET ୨୦୨୪ ପରୀକ୍ଷା ତାରିଖ, ଜୁଲାଇ ତାରିଖରୁ ହେବ ଆରମ୍ଭ

ଚାର୍ଟାର୍ଡ ଆକାଉଣ୍ଟାଣ୍ଟ ଫାଇନାଲରେ ଚଳିତ ବର୍ଷ ପ୍ରଥମ ଗ୍ରୁପରେ ମାତ୍ର ୯.୪୬ ପ୍ରତିଶତ ଛାତ୍ରଛାତ୍ରୀ ସଫଳ ହୋଇଛନ୍ତି । ଦ୍ୱିତୀୟ ଗ୍ରୁପରେ ୬୨,୬୭୯ ଜଣଙ୍କ ମଧ୍ୟରୁ ୧୩,୫୪୦ ଜଣ ସଫଳ ହୋଇଛନ୍ତି । ଦ୍ୱିତୀୟ ଗ୍ରୁପରେ ୨୧.୬ ପ୍ରତିଶତ ପାସ୍ ହୋଇଛନ୍ତି ।

   Related Posts