ରାଉରକେଲା ୧୦/୧୦ ମାତ୍ର ୧୨ ହଜାର ଟଙ୍କାର ସରକାରୀ ଜିନିଷ ହଡ଼ପ କରି ହରଡ଼ଘଣାରେ ସରକାରୀ ବାବୁ। ସରକାରୀ ଜିନିଷ ଘରକୁ ନେଉଥିବା ବେଳେ ଧରାପଡି ବନ୍ଧା ହେଲେ ସରକାରୀ ବାବୁ । ସୁନ୍ଦରଗଡ଼ ଲେପ୍ରିପଡ଼ ବ୍ଳକର ଫଳ ଓ ଉଦ୍ୟାନ ବିଭାଗର ଓଭରସିଅର ଗୌରାଙ୍ଗ ପ୍ରଧାନ ଗତକାଲି ରାତି ଠାରୁ ସୁନ୍ଦରଗଡ଼ ଟାଉନ ଥାନାରେ ଅଟକ ଅଛନ୍ତି। ଚାଷୀଙ୍କ ପାଇଁ ଆସିଥିବା ତାର ବାଡ଼ ହଡ଼ପ କରିଥିବା ଗୌରାଙ୍ଗ ପ୍ରଧାନଙ୍କ ନାମରେ ଅଭିଯୋଗ ହୋଇଛି ।
ସୂଚନାନୁଯାୟୀ, ସୁନ୍ଦରଗଡ଼ ଲେପ୍ରିପଡ଼ ବ୍ଳକର ଫଳ ଓ ଉଦ୍ୟାନ ବିଭାଗର ଓଭରସିଅର ଗୌରାଙ୍ଗ ପ୍ରଧାନ ଗତକାଲି ରାତି ପ୍ରାୟ ସାଢେ ୮ଟାରେ ସଦର ଥାନା କରମଡ଼ହିରୁ ତାରା ନାମକ ଘରୋଇ ବସରେ ଚାଷୀଙ୍କ ପାଇଁ ଆସିଥିବା ତାର ବାଡ଼କୁ ଲୋଡ଼ କରି ନିଜ ଗାଁ ନୁଆପଡ଼ାକୁ ନେଉଥିଲେ ।
ଖବର ପାଇ ସୁନ୍ଦରଗଡ଼ ଟାଉନ ପୋଲିସ ଗୌରାଙ୍ଗଙ୍କୁ ସୁନ୍ଦରଗଡ଼ ସହରରେ ଧରିପକାଇଛନ୍ତି । ବସରୁ ୬ ବଣ୍ଡଲ ତାର ବାଡ଼ ପୋଲିସ ଜବତ କରିବା ସହ ସରକାରୀ ବାବୁ ଗୌରାଙ୍ଗ ପ୍ରଧାନକୁ ଥାନାରେ ଅଟକ ରଖି ଅଧିକ ତଦନ୍ତ କରୁଛି। ତେବେ ଗୌରାଙ୍ଗଙ୍କ ନାମରେ ପୂର୍ବରୁ ବହୁ ଦୁର୍ନିତୀ ଅଭିଯୋଗ ରହିଛି। ଏନେ ପୋଲିସ ଅଧିକ ତଦନ୍ତ କରୁଛି।