ମୁମ୍ବାଇ ୦୨। ୦୭: ବଲିଉଡ୍ର ଜଣାଶୁଣା ଅଭିନେତ୍ରୀ ତାପସୀ ପନ୍ନୁ ବର୍ତ୍ତମାନ ଶୀର୍ଷରେ। ବ୍ୟକ୍ତଗତ ଜୀବନ ହେଉ କିମ୍ବା ବୃତ୍ତିଗତ ସବୁବେଳେ ଆଲୋଚନାରେ ରୁହନ୍ତି । ସେ ତାଙ୍କର ଚମତ୍କାର ଅଭିନୟ ପାଇଁ ଲୋକଙ୍କ ହୃଦୟ ଜିତି ପାରିଛନ୍ତି। ସାଉଥ ଇଣ୍ଡଷ୍ଟ୍ରି ପରେ ଏବେ ବଲିଉଡରେ ଧମାଲ କରୁଛନ୍ତି ଅଭିନେତ୍ରୀ ତାପସୀ ପନ୍ନୁ। ଏହି ଫିଲ୍ମଟି ଭାରତୀୟ ମହିଳା କ୍ରିକେଟ୍ ଟିମ୍ର ପୂର୍ବତନ କ୍ୟାପ୍ଟେନ୍ ମିତାଲି ରାଜ୍ଙ୍କ ବାୟୋପିକ୍ ଉପରେ ଆଧାରିତ। ନିକଟରେ ଫିଲ୍ମରୁ ତାପସୀଙ୍କର ଫାଷ୍ଟ ଲୁକ୍ ରିଲିଜ ହୋଇଛି। ଏକ ସାକ୍ଷାତକାରରେ ତାପସୀ ପନ୍ନୁ ତାଙ୍କ ଚଳଚ୍ଚିତ୍ର ସାବାସ୍ ମିଠୁ'ର ବଜେଟ୍ ବିଷୟରେ ଖୋଲାଖୋଲି ଭାବେ କହିଛନ୍ତି।
ମିଡିଆ ରିପୋର୍ଟ ଅନୁଯାୟୀ ଅନେକ ମହିଳା ଅଭିନେତ୍ରୀଙ୍କ ମଧ୍ୟରେ ଶ୍ରୀଦେବୀ ଏକମାତ୍ର ମହିଳା ସୁପରଷ୍ଟାର । ସେ କହିଛନ୍ତି ଯେ ବହୁତ ଫିଲ୍ମ ଅଛି ହେଲେ ଅଭିନେତ୍ରୀଙ୍କ ପାଖରେ ସୁଯୋଗ ନାହିଁ। 'ସାବାସ୍ ମିଠୁ' ମୋର ସବୁଠୁ ଅଧିକ ବଜେଟ୍ ଫିଲ୍ମ, ତଥାପି ଏହାର ବଜେଟ୍ ଏ-ତାଲିକା ଅଭିନେତାଙ୍କ ଦରମା ସହିତ ସମାନ। ଏହା ଉପରେ ବର୍ଣ୍ଣନା କରି ତାପସୀ କହିଛନ୍ତି, 'ମୁଁ ଏ-ଲିଷ୍ଟ ଗୁଡ଼ିକ ବିଷୟରେ କହୁଛି ଯେଉଁମାନେ ଶୀର୍ଷରେ ନାହାଁନ୍ତି। ମୁଁ ସେହି ଲୋକମାନଙ୍କ ବିଷୟରେ କହୁଛି ଯେଉଁମାନେ ତାଲିକାରେ ଟିକେ କମ୍ ଅଛନ୍ତି । ତାଙ୍କର ଦରମା ମୋର ପୁରା ଚଳଚ୍ଚିତ୍ରର ବଜେଟ୍ ।
‘ସାବାସ୍ ମିଠୁ’ ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ର ମହିଳା କ୍ରିକେଟର ମିତାଲି ରାଜଙ୍କ ଜୀବନ ଏବଂ କ୍ରିକେଟର ହେବାର ସ୍ୱପ୍ନ ଯାତ୍ରା ଦ୍ୱାରା ଅନୁପ୍ରାଣିତ ହୋଇଛି। ଶ୍ରୀଜିତ ମୁଖାର୍ଜୀଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମ ଜୁଲାଇ ୧୫ ରେ ରିଲିଜ ହେବାକୁ ଯାଉଛି।
