କଟକ, ୨୭/୧୦: ସୂର୍ଯ୍ୟପରାଗରେ ଵିରିୟାନୀ ଖାଇବା ଓ ଵାଣ୍ଟିଵା ଘଟଣା ନେଇ ହେତୁବାଦୀଙ୍କୁ ହତ୍ୟା ଧମକ। ଏନେଇ କଟକ ମର୍କତନଗର ଥାନାରେ ହେତୁବାଦୀ ଦେବେନ୍ଦ୍ର ସୂତାର ଏତଲା ଦେଇଛନ୍ତି। ଏତଲାରେ ଏକ ଅଜଣା ନମ୍ୱରରୁ କଲ୍ ଆସିଥିଵା ଓ ଅପରପଟେ ଥିବା ଵ୍ୟକ୍ତି ଦେବେନ୍ଦ୍ରଙ୍କୁ 'ତୁମେ ଆମ ଧର୍ମ ବିରୁଦ୍ଧରେ ଯାଉଛ ତୁମକୁ ଆମେ ଖୁଵ୍ ଶୀଘ୍ର ଜୀବନରୁ ମାରିଦେବୁ' ବୋଲି କହିବା ପରେ ଫୋନ୍ କାଟି ଦେଇଥିଲେ। ଏହି ଅଜଣା ନମ୍ୱରଟିକୁ ସେ ଏତଲାରେ ଉଲ୍ଲେଖ କରିଛନ୍ତି। ଏଥି ସହ ଗତ ୨୪ ତାରିଖ ଦିନ ସୂର୍ଯ୍ୟପରାଗ ଦିନ ସମୁହ ବିରିୟାନୀ ଭୋଜି ଘଟଣାଟିକୁ ନେଇ ଏହିଭଳି ଘଟି ଥାଇପାରେ ବୋଲି ଅଭିଯୋଗକାରୀ ଦେବେନ୍ଦ୍ର ସୁତାର ଅନୁମାନ କରୁଥିବା କହିଛନ୍ତି। ତାଙ୍କ ଜୀବନ ପ୍ରତି ବିପଦ ଥିବାରୁ ଏତଲା ଦ୍ଵାରା ପୋଲିସ ଏନେଇ କାର୍ଯ୍ୟାନୁଷ୍ଠାନ ନେବାକୁ ସେ ନିବେଦନ କରିଛନ୍ତି।