ଇସଲାମାବାଦ: ପାକିସ୍ତାନରେ ଶକ୍ତିଶାଳୀ ଭୂମିକମ୍ପରେ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ଇସଲାମାବାଦରେ ଛାତ ଭୂଶୁଡ଼ି ପଡ଼ିବାରୁ ୯ଜଣଙ୍କ ମୃତ୍ୟୁ ହୋଇଥିବା ବେଳେ ୧୦୦ରୁ ଲୋକ ଆହତ ହୋଇଛନ୍ତି । ଉଦ୍ଧାରକାରୀ ଦଳ ଆହତଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି । କିଛି ଲୋକଙ୍କ ଅବସ୍ଥା ସଙ୍କଟାପନ୍ନ ରହିଥିବାରୁ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଆଶଙ୍କା କରାଯାଉଛି ।

ୟୁଏସ୍ ଭୂତତ୍ବ ସର୍ବେକ୍ଷଣ ସଂସ୍ଥା ଅନୁଯାୟୀ, ମଙ୍ଗଳବାର ରାତି ୧୦ଟା ୧୭ମିନିଟରେ ଭୂମିକମ୍ପ ଅନୁଭୂତ ହୋଇଥିଲା । ରାଜଧାନୀ ଦିଲ୍ଲୀ ସମେତ ଆଫଗାନିସ୍ତାନ ଓ ପକିସ୍ତାନରେ ମଧ୍ୟ ଝଟକା ଲାଗିଛି । ଏହାର କେନ୍ଦ୍ରସ୍ଥଳି ପାକିସ୍ତାନ- ଆଫଗାନିସ୍ତାନ ସୀମାନ୍ତ ଅଞ୍ଚଳ ହିନ୍ଦୁକୁଶ କ୍ଷେତ୍ର ଫୈୟଜାବାଦ ଠାରୁ ଭୂପୃଷ୍ଠରୁ ୧୫୬ କିଲୋମିଟର ଗଭୀରତାରେ ରହିଥିଲା । ରିକ୍ଟର ସ୍କେଲରେ ଏହାର ତିବ୍ରତା ୬.୬ ରେକର୍ଡ କରାଯାଇଛି ।

ଏହି ଶକ୍ତିଶାଳୀ ଭୂମିକମ୍ପରେ ପାକିସ୍ତାନରେ ବ୍ୟାପକ କ୍ଷୟକ୍ଷତି ହୋଇଛି । ଲାହୋର, ଇସଲାମାବାଦ, ରାଓଲପିଣ୍ଡି, କ୍ବୈଟା, ପେଶାଓ୍ବାର, କୋହାଟ, ଲକ୍କି ମରଓ୍ବାତ ସମେତ ଦେଶରେ ଅନ୍ୟ ପ୍ରନ୍ତରେ ମଧ୍ୟ ଭୂମିକମ୍ପ ଅନୁଭୂତ ହୋଇଛି । ପାକିସ୍ତାନର ଖୈବର ପଖ୍‌ତୁନଖଓ୍ବାରେ ଏକ ଘରର ଛାତ ଭୂଶୁଡ଼ି ପଡ଼ିବାରୁ ୯ଜଣଙ୍କ ମୃତ୍ୟୁ ହୋଇଛି । ସେହିପରି ବିଭିନ୍ନ ସ୍ଥାନରେ ୧୦୦ରୁ ଅଧିକ ଲୋକ ଆହତ ହୋଇଛନ୍ତି । ପାକିସ୍ତାନ ସ୍ବାସ୍ଥ୍ୟମନ୍ତ୍ରୀ ଅବଦୁଲ କାଦର ପଟେଲ୍ ହସ୍ପିଟାଲ ମାନଙ୍କରେ ଇମରଜେନ୍ସି ଘୋଷଣା କରିବା ସହିତ ସତର୍କ ରହିବାକୁ କହିଛନ୍ତି ।